IND vs PAK: షాకిచ్చిన ఐసీసీ.. భారత్, పాక్ మ్యాచ్ లేకుండా వరల్డ్ కప్ ఫుల్ షెడ్యూల్ రిలీజ్..

ICC Confirms U-19 World Cup 2026 Schedule: గత కొన్నేళ్లుగా దాదాపు ప్రతి ఐసీసీ టోర్నమెంట్‌లో భారత్, పాకిస్తాన్‌లను ఒకే గ్రూపులో ఉంచడం లేదా టోర్నమెంట్ ఫార్మాట్‌ను ఇరు జట్లు తలపడేలా రూపొందించడం మనం చూస్తూనే ఉన్నాం. అయితే, అండర్-19 స్థాయిలో అంతర్జాతీయ క్రికెట్ మండలి (ఐసీసీ) మరోసారి ఈ రెండు జట్లను వేర్వేరు గ్రూపుల్లో ఉంచింది.

2026లో జరగనున్న అండర్-19 పురుషుల వరల్డ్ కప్ షెడ్యూల్‌ను ఐసీసీ ప్రకటించింది. జనవరి, ఫిబ్రవరి నెలల్లో జరగనున్న ఈ టోర్నమెంట్ గ్రూప్ దశలో భారత్, పాకిస్తాన్ మధ్య మ్యాచ్ జరగదని ఐసీసీ స్పష్టం చేసింది. ఈ నిర్ణయం చాలా మందిని ఆశ్చర్యపరిచింది. ఈ టోర్నమెంట్‌లో మొత్తం 16 జట్లు పాల్గొంటుండగా, వాటిని 4 గ్రూపులుగా విభజించారు. భారత్, పాకిస్తాన్‌లను వేర్వేరు గ్రూపుల్లో ఉంచడం వల్ల లీగ్ దశలో వీరి మధ్య పోటీ ఉండదు.

ఇవి కూడా చదవండి

ఫ్రాంచైజీలు తరిమేశాయి.. వేలంలోనూ ఈ ఐదుగురు అమ్ముడవ్వడం కష్టమే

ఆ మ్యాచ్ విన్నర్‌కు 2 ఛాన్స్‌లిస్తే నీ పరువు కాపాడేవాడుగా గంభీర్

10 జట్ల కెప్టెన్స్ ఫిక్స్.. షాకిస్తోన్న KKR, CSK లిస్ట్

రిటెన్షన్ నుంచి వేలంలోకి ఎంట్రీ ఇచ్చిన అత్యంత ఖరీదైన ఐదుగురు

భారత్ (గ్రూప్ A): ఐదుసార్లు ఛాంపియన్‌గా నిలిచిన భారత్‌ను గ్రూప్ Aలో ఉంచారు. ఈ గ్రూపులో భారత్‌తో పాటు న్యూజిలాండ్, బంగ్లాదేశ్, అమెరికా ఉన్నాయి.

పాకిస్తాన్ (గ్రూప్ B): పాకిస్తాన్‌ను ఆతిథ్య జింబాబ్వే, ఇంగ్లాండ్, స్కాట్లాండ్‌లతో పాటు గ్రూప్ Bలో ఉంచారు.

గ్రూప్ C: డిఫెండింగ్ ఛాంపియన్ ఆస్ట్రేలియా, ఐర్లాండ్, జపాన్, శ్రీలంక.

గ్రూప్ D: టాంజానియా, వెస్టిండీస్, ఆఫ్ఘనిస్తాన్, దక్షిణాఫ్రికా.

షెడ్యూల్ వివరాలు..

View this post on Instagram

A post shared by ICC (@icc)

ఈ టోర్నమెంట్ 2026 జనవరి 15న ప్రారంభమై ఫిబ్రవరి 6న ఫైనల్ మ్యాచ్‌తో ముగుస్తుంది. నమీబియా, జింబాబ్వేలు ఈ టోర్నీకి ఆతిథ్యం ఇవ్వనున్నాయి.

టీమిండియా మ్యాచ్‌ల షెడ్యూల్..

జనవరి 15: భారత్ vs అమెరికా (బులవాయో)

జనవరి 17: భారత్ vs బంగ్లాదేశ్ (బులవాయో)

జనవరి 24: భారత్ vs న్యూజిలాండ్ (బులవాయో)

గత రెండు అండర్-19 వరల్డ్ కప్‌లలో కూడా భారత్, పాకిస్తాన్ వేర్వేరు గ్రూపుల్లో ఉన్నాయి. అప్పుడు కూడా ఇరుజట్ల మధ్య మ్యాచ్ జరగలేదు. అయితే, ఈసారి సూపర్-6 దశ నుంచి ఫైనల్ వరకు ఏ దశలోనైనా ఈ రెండు జట్లు తలపడే అవకాశం ఉంది.