Video: ఎవరు సామీ నువ్వు.. 4 బంతుల్లో 3 వికెట్లు.. కట్‌చేస్తే.. దిగ్గజాలకే ఊహించని షాకిచ్చావ్

Big Bash League Fergus O Neill

Big Bash League: బిగ్ బాష్ లీగ్ ఐదో మ్యాచ్‌లో ఆస్ట్రేలియా 23 ఏళ్ల బౌలర్ విధ్వంసం సృష్టించాడు. హోబర్ట్ హరికేన్స్ బ్యాటింగ్ యూనిట్‌ను పూర్తిగా ధ్వంసం చేసిన ఫెర్గస్ ఓ నీల్ గురించి ఇక్కడ మాట్లాడుతున్నాం. హోబర్ట్‌పై ఓ’నీల్ 16 పరుగులిచ్చి 3 వికెట్లు తీశాడు. నాలుగు బంతుల వ్యవధిలో ఓ నీల్ ఈ మూడు వికెట్లు తీయడం పెద్ద విషయం. ఓ’నీల్ బౌలింగ్ కారణంగా హోబర్ట్ హరికేన్స్ జట్టు 74 పరుగులకే కుప్పకూలింది. ప్రతిస్పందనగా, మెల్బోర్న్ ఏకపక్ష పద్ధతిలో చాలా సులభంగా మ్యాచ్‌ను గెలుచుకుంది. దీంతో మెల్‌బోర్న్‌ కేవలం 9 ఓవర్లలో 4 వికెట్లు కోల్పోయి విజయం సాధించింది.

ఓ’నీల్ విధ్వంసం..

ఈ కుడిచేతి ఫాస్ట్ బౌలర్ మెల్బోర్న్ కోసం బౌలింగ్ చేయడం ప్రారంభించాడు. ఓ’నీల్ ఆరంభ విజయాన్ని సాధించలేకపోయాడు. కానీ, 5వ ఓవర్‌లో ఈ ఆటగాడు హోబర్ట్ మిడిల్ ఆర్డర్‌ను పూర్తిగా నాశనం చేశాడు. ఓ’నీల్ మొదట నిఖిర్ చౌదరిని అవుట్ చేశాడు. ఆ తర్వాత టిమ్ డేవిడ్ వికెట్ తీశాడు. డేవిడ్ ఖాతా కూడా తెరవలేకపోయాడు. ఆ తర్వాతి బంతికే ఓ’నీల్ క్రిస్ జోర్డాన్ వికెట్ తీశాడు. ఓ నీల్‌తో పాటు కెప్టెన్ విల్ సదర్లాండ్ కూడా బౌలింగ్‌లో విధ్వంసం సృష్టించాడు. ఈ మీడియం పేసర్ 14 పరుగులకే 3 వికెట్లు తీశాడు. టామ్ రోజర్స్ కూడా అద్భుతంగా బౌలింగ్ చేసి 3 వికెట్లు పడగొట్టాడు.

ఈ మ్యాచ్‌లో మెల్‌బోర్న్ రెనెగేడ్స్ విజయం..

ఓ వైపు మెల్ బోర్న్ ఫాస్ట్ బౌలర్లు అద్భుతంగా బౌలింగ్ చేస్తుంటే మరోవైపు హోబర్ట్ బౌలర్లు మాత్రం ప్రత్యేకంగా ఏమీ చూపించలేకపోయారు. స్టాన్‌లేక్ కేవలం 5 పరుగుల వద్ద జాక్ ఫ్రేజర్ మగార్క్‌ను అవుట్ చేశాడు. జోష్ బ్రౌన్ కూడా 13 పరుగులు చేశాడు. కానీ, వికెట్ కీపర్ టిమ్ సీఫెర్ట్ అజేయ ఇన్నింగ్స్ ఆడి తన జట్టుకు విజయాన్ని అందించాడు. మెల్‌బోర్న్ రెనెగేడ్స్‌కు ఈ సీజన్‌లో ఇదే తొలి విజయం. మరోవైపు, హోబర్ట్ జట్టు తన మొదటి మ్యాచ్‌ను ఓటమితో ప్రారంభించింది.

మరిన్ని క్రీడా వార్తల కోసం ఇక్కడ క్లిక్ చేయండి..