Cricket: యథావిధిగా టీమిండియా దక్షిణాఫ్రికా టూర్‌.. షెడ్యూల్‌లో కొద్దిపాటి మార్పులు..
టీమిండియా దక్షిణాఫ్రికా పర్యటనను యాథవిధిగా నిర్వహించాలని బీసీసీఐ నిర్ణయించింది. కోల్‌కతాలో నేడు జరిగిన బీసీసీఐ 90వ వార్షిక సర్వసభ్య సమావేశం(ఏజీఎం)లో ఈ నిర్ణయం తీసుకుంది
Updated on: Dec 04, 2021 | 1:25 PM
టీమిండియా దక్షిణాఫ్రికా పర్యటనను యాథవిధిగా నిర్వహించాలని బీసీసీఐ నిర్ణయించింది. కోల్‌కతాలో నేడు జరిగిన బీసీసీఐ 90వ వార్షిక సర్వసభ్య సమావేశం(ఏజీఎం)లో ఈ నిర్ణయం తీసుకుంది. ఒమిక్రాన్‌ వేరియంట్ నేపథ్యంలో ఆటగాళ్ల భద్రతపై ఆందోళన నెలకొన్న నేపథ్యంలో ఈ పర్యటనను కొనసాగించాలా? వద్దా? అని బీసీసీఐ మల్లగుల్లాలు పడింది. ఒకనొకదశలో పర్యటనను వాయిదా వేయాలని కూడా అనుకుంది. అయితే క్రికెటర్ల భద్రతకు దక్షిణాఫ్రికా బోర్డు హామీ ఇచ్చింది. క్రికెటర్ల కోసం పటిష్ఠమైన బయోబబుల్‌ సెక్యూరిటీని కల్పిస్తామని పేర్కొంది. దీంతో సౌతాఫ్రికా పర్యటనను కొసాగించేందుకే బీసీసీఐ ఆసక్తి చూపింది.
టీ 20 సిరీస్‌ వాయిదా.. అయితే షెడ్యూల్‌లో కొద్దిపాటి మార్పులు చేసింది. ముందుగా జరగాల్సిన టీ 20ల సిరీస్‌ను వాయిదా వేసింది. దీనికి సంబంధించిన షెడ్యూల్‌ను మళ్లీ ప్రకటిస్తామని పేర్కొంది. ఈక్రమంలో సౌతాఫ్రికా పర్యటనలో టీమిండియా కేవలం మూడు టెస్టులు, మూడు వన్డేలు మాత్రమే ఆడనుంది. బీసీసీఐ తీసుకున్న తాజా నిర్ణయంతో న్యూజిలాండ్‌తో టెస్ట్‌ సిరీస్‌ ముగిసన వెంటనే దక్షిణాఫ్రికా విమానం ఎక్కనుంది టీమిండియా. షెడ్యూల్‌ ప్రకారం డిసెంబర్‌ 17న జొహన్నెస్‌బర్గ్‌ వేదికగా మొదటి టెస్ట్‌ ఆడనుంది.
Also Read:
IND vs NZ, 2nd Test, Day 2 Live Updates: టీమిండియా అలవుట్.. పది వికెట్లు తీసుకున్న అజాజ్..
