AUS vs IND LIVE Score, WTC Final 2023 Day 4: పోరాడుతున్న టీమిండియా.. ఆశలన్నీ కోహ్లీ, రహానేపైనే

ముగిసిన నాలుగో రోజు ఆట

డబ్ల్యూటీసీ ఫైనల్ నాలుగో రోజు ఆట ముగిసింది.  444 పరుగుల లక్ష్యంతో బరిలోకి దిగిన టీమ్‌ఇండియా నాలుగో రోజు ఆట ముగిసే సమయానికి 3 వికెట్ల నష్టానికి 164 పరుగులు చేసింది.  విరాట్ కోహ్లీ (44 ), అజింక్య రహానె (20) రన్స్ తో క్రీజులో ఉన్నారు. టీమిండియా విజయానికి ఇంకా 280 పరుగులు అవసరం.

కుదురుకున్న కోహ్లీ, రహానే

టీమిండియా స్కోరు 150 పరుగులు దాటింది. కోహ్లీ (39), రహానే (44) నిలకడగా ఆడుతూ అభేద్యమైన నాలుగో వికెట్ కు 63 పరుగులు జోడించారు. టీమిండియా విజయానికి ఇంకా 287 పరుగులు చేయాల్సి ఉంది.

మూడు వికెట్లు డౌన్..

చివరి సెషన్‌లో భారత్ తన రెండో ఇన్నింగ్స్‌లో ముడు వికెట్ల నష్టానికి 93 పరుగులు చేసింది. ప్రస్తుతం టీమిండియాకు 352 పరుగులు చేయాల్సి ఉంది.

70 పరుగులు దాటిన స్కోర్..

ప్రపంచ టెస్టు ఛాంపియన్‌షిప్ (WTC) ఫైనల్ మ్యాచ్లో భారత్‌కు 444 పరుగుల విజయ లక్ష్యం ఉంది. చివరి సెషన్‌లో భారత్ తన రెండో ఇన్నింగ్స్‌లో ఒక వికెట్ నష్టానికి 70 పరుగులు చేసింది. కెప్టెన్ రోహిత్ శర్మ 37, చెతేశ్వర్ పుజారా 13 పరుగులతో క్రీజులో ఉన్నారు. ప్రస్తుతం టీమిండియాకు 374 పరుగులు చేయాల్సి ఉంది. 18 పరుగుల వద్ద శుభ్‌మన్ గిల్ ఔటయ్యాడు.

తొలి వికెట్ కోల్పోయిన భారత్..

భారత్ తన రెండో ఇన్నింగ్స్‌లో ఒక వికెట్ నష్టానికి 41 పరుగులు చేసింది. కెప్టెన్ రోహిత్ శర్మ 22 క్రీజులో ఉన్నాడు. ప్రస్తుతం టీమిండియా 403 పరుగులు చేయాల్సి ఉంది.

18 పరుగుల వద్ద శుభ్‌మన్ గిల్ ఔటయ్యాడు. స్కాట్ బోలాండ్ బౌలింగ్ లో కెమరూన్ గ్రీన్ చేతికి చిక్కాడు.

టీమిండియా ముందు భారీ టార్గెట్..

ఆస్ట్రేలియా రెండో ఇన్నింగ్స్‌లో 8 వికెట్లకు 270 పరుగులు చేసి, డిక్లెర్ చేసింది. దీంతో భారత్ ముందు 444 పరుగుల టార్గెట్ నిలిచింది.

7వ వికెట్ కోల్పోయిన ఆస్ట్రేలియా..

ఆస్ట్రేలియా రెండో ఇన్నింగ్స్‌లో 7 వికెట్లకు 260 పరుగులు చేసింది. అలెక్స్ కారీ 64 పరుగులతో నిలిచాడు. మిచెల్ స్టార్క్ 33 పరుగుల వద్ద పెవిలియన్ చేరాడు. దీంతో ప్రస్తుతం ఆస్ట్రేలియా ఆధిక్యం 433 పరుగులకు చేరుకుంది.

లంచ్ బ్రేక్..

డబ్ల్యూటీసీ ఫైనల్ నాలుగో రోజు ఆస్ట్రేలియా రెండో ఇన్నింగ్స్‌లో 5 వికెట్లకు 201 పరుగులు చేసింది. అలెక్స్ కారీ 41, మిచెల్ స్టార్క్ 11 పరుగులతో క్రీజులో ఉన్నారు. ఆస్ట్రేలియా ఆధిక్యం 374 పరుగులకు చేరింది.

350 దాటిన ఆధిక్యం..

ఆస్ట్రేలియా రెండో ఇన్నింగ్స్‌లో 6 వికెట్లకు 181 పరుగులు చేసింది. అలెక్స్ కారీ 32 పరుగులతో క్రీజులో ఉన్నాడు. ఆస్ట్రేలియా ఆధిక్యం 354 పరుగులు.

25 పరుగుల వద్ద కామెరాన్ గ్రీన్ ఔటయ్యాడు. రవీంద్ర జడేజా బౌలింగ్‌లో అవుటయ్యాడు. మార్నస్ లాబుషెన్ 41 పరుగుల వద్ద అవుటయ్యాడు. 

320 దాటిన ఆధిక్యం..

డబ్ల్యూటీసీ ఫైనల్ నాలుగో రోజు ఆస్ట్రేలియా రెండో ఇన్నింగ్స్‌లో 5 వికెట్లకు 156 పరుగులు చేసింది. కెమరూన్ గ్రీన్ 21, అలెక్స్ కారీ 15 పరుగులతో క్రీజులో ఉన్నారు. ఆస్ట్రేలియా 329 పరుగుల ఆధిక్యంలో ఉంది.

మార్నస్ లాబుషెన్ 41 పరుగుల వద్ద అవుటయ్యాడు.

హాఫ్ సెంచరీ మిస్..

మార్నస్ లాబుషెన్ 41 పరుగుల వద్ద అవుటయ్యాడు. ఉమేష్ యాదవ్ బౌలింగ్ లో చెతేశ్వర్ పుజారా చేతికి చిక్కాడు. 

భారీ ఆధిక్యం దిశగా ఆస్ట్రేలియా..

మూడో రోజు ఆట ముగిసే సమయానికి ఆస్ట్రేలియా 296 పరుగుల ఆధిక్యంలో నిలిచింది. మార్నస్ లబుషెన్, కెమెరూన్ గ్రీన్ నాటౌట్‌గా నిలిచారు.

వర్షం పడే సూచన..

భారత బౌలర్లు వాతావరణ మద్దతును కూడా పొందవచ్చు. లండన్‌లో ఉదయం మేఘావృతమై ఉంటుంది. దీన్ని భారత పేసర్లు సద్వినియోగం చేసుకోవాలి. వాతావరణ వెబ్‌సైట్ AccuWeather ప్రకారం, లండన్‌లో ఈరోజు కూడా వర్షం పడే అవకాశం ఉంది.

296కు చేరిన ఆధిక్యం..

శుక్రవారం ఆస్ట్రేలియా జట్టు రెండో ఇన్నింగ్స్‌లో నాలుగు వికెట్లకు 123 పరుగులు చేసింది. లాబుషెన్ 41, గ్రీన్ 7 పరుగులతో నాలుగో రోజు ఆస్ట్రేలియన్ ఇన్నింగ్స్‌ను ముందుకు తీసుకెళ్లారు.