IND vs AUS: బోర్డర్-గవాస్కర్ ట్రోఫీలో నయా హీరో.. భారత దిగ్గజ ప్లేయర్ రికార్డ్‌కు బ్రేకులు వేసిన ఆసీస్ బౌలర్..

Indore Test: ఇండోర్ టెస్టులో భారత్‌పై నాథన్ లియాన్ అద్భుతంగా బౌలింగ్ చేశాడు. ఈ మ్యాచ్‌లో అనిల్ కుంబ్లే పేరిట ఉన్న ప్రత్యేక రికార్డును బద్దలు కొట్టాడు.

Ind Vs Aus

Venkata Chari |
Updated on: Mar 03, 2023 | 12:42 PM

భారత్-ఆస్ట్రేలియా మధ్య జరుగుతున్న బోర్డర్ గవాస్కర్ టెస్ట్ సిరీస్‌లోని మూడో మ్యాచ్‌లో ఆస్ట్రేలియా విజయం సాధించింది. దీంతో 2-1 తేడాతో సిరీస్‌లో పునరాగమనం చేసింది. 76 పరుగుల విజయ లక్ష్యాన్ని కేవలం 1 వికెట్ల కోల్పోయి విజయం సాధించింది. అయితే, భారత్ ఓడిపోవడంతో ఆస్ట్రేలియా స్టార్ బౌలర్ నాథన్ లియాన్ కీలకపాత్ర పోషించాడు. అతని ప్రదర్శన ఆధారంగా అనిల్ కుంబ్లే పాత రికార్డును బద్దలు కొట్టాడు. బోర్డర్-గవాస్కర్ ట్రోఫీలో అత్యధిక వికెట్లు తీసిన బౌలర్‌గా లయన్ నిలిచాడు.

బోర్డర్-గవాస్కర్ ట్రోఫీలో నాథన్ లియాన్ ఇప్పటివరకు మొత్తం 113 వికెట్లు పడగొట్టాడు. ఈ విషయంలో కుంబ్లే 111 వికెట్లతో రెండో స్థానంలో ఉన్నాడు. రవిచంద్రన్ అశ్విన్ మూడో స్థానంలో ఉన్నాడు. అశ్విన్ 106 వికెట్లు తీశాడు. హర్భజన్ సింగ్ నాలుగో స్థానంలో ఉన్నాడు. 95 వికెట్లు తీశాడు. రవీంద్ర జడేజా 84 వికెట్లతో ఐదో స్థానంలో ఉన్నాడు.

ఇండోర్ టెస్టులో నాథన్ లియాన్ సమర్థవంతంగా బౌలింగ్ చేశాడు. తొలి ఇన్నింగ్స్‌లో 3 వికెట్లు పడగొట్టాడు. 11.2 ఓవర్లలో 35 పరుగులు ఇచ్చాడు. ఇందులో 2 మెయిడిన్ ఓవర్లు కూడా విసిరాడు. భారత్ రెండో ఇన్నింగ్స్‌లోనూ లయన్‌దే ఆధిపత్యంగా నిలిచింది. 23.3 ఓవర్లలో 64 పరుగులిచ్చి 8 వికెట్లు పడగొట్టాడు.

ఇవి కూడా చదవండి

విశేషమేమిటంటే, ఈ సిరీస్‌లోని మొదటి రెండు మ్యాచ్‌లలో టీమిండియా అద్భుత విజయాన్ని నమోదు చేసింది. తొలి మ్యాచ్‌లో టీమిండియా ఇన్నింగ్స్ 132 పరుగుల తేడాతో ఘన విజయం సాధించింది. దీంతో రెండో మ్యాచ్‌లో 6 వికెట్ల తేడాతో విజయం సాధించింది. ఇక మూడో మ్యాచ్‌లో మాత్రం ఆస్ట్రేలియా ఘన విజయం సాధించింది.