IND vs AUS 1st T20I: వరుణుడి ఎఫెక్ట్.. భారత్‌-ఆసీస్‌ తొలి టీ20 రద్దు..

Australia vs India, 1st T20I: క్రికెట్ అభిమానులు ఎంతో ఆసక్తిగా ఎదురుచూసిన ఆస్ట్రేలియా – భారత్ మధ్య జరిగిన ఐదు మ్యాచ్‌ల T20I సిరీస్‌లో తొలి మ్యాచ్‌ వర్షం కారణంగా రద్దు అయ్యింది. కాన్‌బెర్రాలోని మనుకా ఓవల్‌ వేదికగా ఈరోజు (అక్టోబర్ 29, 2025) జరగాల్సిన తొలి టీ20 మ్యాచ్‌కు వరుణుడు అడ్డుతగలడంతో, రెండు పవర్-హౌస్ జట్ల మధ్య పోరు చూడాలనుకున్న ప్రేక్షకులకు తీవ్ర నిరాశ ఎదురైంది.

భారత బ్యాటర్ల మెరుపులు..

ఆస్ట్రేలియా కెప్టెన్ మిచెల్ మార్ష్ టాస్ గెలిచి ముందుగా బౌలింగ్ ఎంచుకున్నాడు. భారత జట్టు ఇన్నింగ్స్ ప్రారంభమైన కాసేపటికే వర్షం అంతరాయం కలిగించింది. కొంత విరామం తర్వాత ఆటను ఒక్కో జట్టుకు 18 ఓవర్లకు కుదించారు.

భారత ఓపెనర్ అభిషేక్ శర్మ (19 పరుగులు) త్వరగా ఔటైనా, కెప్టెన్ సూర్యకుమార్ యాదవ్, శుభ్‌మన్ గిల్ అద్భుతమైన బ్యాటింగ్‌తో అలరించారు. వీరిద్దరూ దూకుడుగా ఆడుతూ ఆస్ట్రేలియా బౌలర్లను ఒత్తిడిలోకి నెట్టారు. ముఖ్యంగా సూర్యకుమార్ యాదవ్ (24 బంతుల్లో 39 పరుగులు) తనదైన శైలిలో సిక్సర్లు, బౌండరీలతో అభిమానులను ఉర్రూతలూగించాడు. గిల్ (20 బంతుల్లో 37 పరుగులు) కూడా అతనికి చక్కటి సహకారం అందించాడు.

ఇవి కూడా చదవండి

టీ20ల్లో ఆస్ట్రేలియాకు అసలైన యముడు ఇతడే.. బుమ్రా కంటే డేంజరస్

టీమిండియాకు బ్యాడ్ న్యూస్.. ఆసీస్‌తో సెమీస్ మ్యాచ్ క్యాన్సిల్

తొలి టీ20ఐకి ముందే సూర్యకు వార్నింగ్ ఇచ్చిన ఆసీస్ కెప్టెన్

7 నెలల గర్భంతో 145 కేజీల డెడ్‌లిఫ్ట్‌ పోటీలకు.. కట్‌చేస్తే..

వరుణుడిదే పైచేయి..

భారత జట్టు 9.4 ఓవర్లలో 1 వికెట్ నష్టానికి 97 పరుగులు చేసిన తరుణంలో, వర్షం మళ్లీ ప్రారంభమైంది. ఈసారి వర్షం తీవ్రత ఎక్కువగా ఉండడంతో, ఆట నిలిచిపోయింది. వర్షం తగ్గుముఖం పట్టేందుకు చాలా సమయం ఎదురుచూసినప్పటికీ, మైదానం ఆడటానికి అనుకూలంగా లేకపోవడంతో, అంపైర్లు మ్యాచ్‌ను రద్దు చేస్తున్నట్లు ప్రకటించారు.

క్రికెట్‌లోని ఉత్కంఠభరితమైన షార్ట్ ఫార్మాట్ కోసం ఎదురుచూసిన అభిమానులకు, ఆటగాళ్లకు ఈ నిర్ణయం నిరాశ కలిగించింది.

రెండో మ్యాచ్ ఎప్పుడంటే?

ఇప్పుడు ఇరు జట్లు తమ తదుపరి మ్యాచ్‌పై దృష్టి సారించాయి. ఐదు మ్యాచ్‌ల సిరీస్‌లో రెండవ T20I మెల్‌బోర్న్ క్రికెట్ గ్రౌండ్‌లో (MCG) అక్టోబర్ 31, 2025న జరగనుంది. అక్కడైనా పూర్తి మ్యాచ్ జరిగి, అభిమానులను అలరిస్తుందో లేదో చూడాలి.