Ashes Series: అడిలైడ్‎ టెస్ట్‎లో కరోనా కలకలం.. ఆటగాళ్లకు కోవిడ్ సోకలేదు కానీ..

యాషెస్ సిరీస్‎​లో భాగంగా అడిలైడ్‎ ఓవల్‌లో జరుగుతున్న రెండో టెస్ట్‎లో కరోనా కలకలం సృష్టించింది. ఈ డేనైట్ మ్యాచ్‎ కోసం పని చేస్తున్న బ్రాడ్​కాస్ట్ సిబ్బందిలో ఒకరు కోవిడ్ బారిన పడ్డారు. ప్రస్తుతం అతడు ఐసోలేషన్‎లో ఉన్నాడు. ఈ విషయాన్ని గ్రౌండ్ అధికారులు తెలిపారు. అయితే ఆటగాళ్లు ఎవరికి వైరస్ సోకలేదని క్రికెట్ ఆస్ట్రేలియా ప్రకటించింది. అన్ని జాగ్రత్తలు తీసుకుంటున్నామని పేర్కొంది. ఈ టెస్ట్ జరుగుతుందని స్పష్టం చేసింది.

“యాషెస్ రెండో టెస్టు కోసం పనిచేస్తున్న బ్రాడ్​కాస్ట్ సిబ్బందిలో ఒకరికి కోవిడ్ వచ్చింది. ఈ విషయంలో విచారణ జరిపి అతడికి దగ్గరగా ఉన్నవారిని ఐసోలేషన్‎​కు పంపించాం. అలాగే ఆ ప్రదేశాన్నంతటినీ శానిటైజ్ చేశాం” అని అడిలైడ్ మైదాన అధికారులు తెలిపారు. కరోనా సోకిన వ్యక్తితో కాంటాక్ట్‎​లో ఉన్న కారణంగా ఆస్ట్రేలియా కెప్టెన్​ ప్యాట్ కమిన్స్ రెండో టెస్టుకు దూరమయ్యాడు. ప్రస్తుతం అతడు ఐసోలేషన్‎​లో ఉన్నాడు.

కాగా ఈ మ్యాచ్‎ ఆస్ట్రేలియా మొదటి ఇన్నింగ్స్‎లో 9 వికెట్లు కోల్పోయి 473 పరుగుల వద్ద డిక్లెర్ చేసింది. వార్నర్95, లాంబ్‎చంగే 103, స్టివ్ స్మీత్ 93 పరుగులు చేశారు. ఇంగ్లాండ్ బౌలర్లలో స్టాక్స్ మూడు వికెట్ల, అండ్రూసన్ రెండు వికెట్ల తీయగా.. బ్రాడ్, వోక్స్, రాబిన్సన్, రూట్ తలో వికెట్ పడగొట్టారు. ఇంగ్లాండ్ మొదటి ఇన్నింగ్స్‎లో 236 పరుగులకు ఆలౌట్ అయింది. మలన్ 80, రూట్ 62 పరుగులు చేశాడు. ఆసీస్ బౌలర్లలో స్టార్క్ 4 వికెట్లు, లియాన్ మూడ వికెట్లు పడగొట్టగా గ్రీన్ 2 వికెట్లు, నెసెర్ ఒక వికెట్ తీశారు. 468 పరుగుల విజయ లక్ష్యంతో ఇంగ్లాండ్ బరిలో దిగనుంది. ఈ మ్యాచ్‎లో ఇంగ్లాండ్ గెలిస్తే సిరిస్ 1-1తో సమం అవుతుంది. ఆసీస్ గెలిస్తే సిరీస్ 2-1లీడ్‎లో ఉంటుంది.

Read Also.. Ashes Series: ఫాస్ట్ బౌలర్ స్పిన్ వెస్తే ఎలాగుంటదో తెలుసా.. వైరల్ అయిన వీడియో..