Video: 6,6,6,6,6,6.. 20 ఓవర్లలో 427 పరుగులు.. టీ20 హిస్టరీలోనే బుర్ర బద్దలయ్యే రికార్డ్ భయ్యో..

Arg W vs Chile W: అంతర్జాతీయ టీ20 క్రికెట్ చరిత్రలో ఎవరూ ఊహించని సరికొత్త రికార్డు నమోదైంది. సిక్సర్లు, ఫోర్లతో విరుచుకుపడి ఏకంగా 427 పరుగులు స్కోర్ బోర్డుపై పెట్టి క్రికెట్ ప్రపంచాన్ని ఆశ్చర్యపరిచింది అర్జెంటీనా మహిళా జట్టు. ఈ విధ్వంసకర ఇన్నింగ్స్‌కు సంబంధించిన వివరాలు ఇప్పుడు సోషల్ మీడియాలో వైరల్ అవుతున్నాయి.

అర్జెంటీనా వర్సెస్ చిలీ మహిళా జట్ల మధ్య జరిగిన టీ20 మ్యాచ్‌లో ఈ అద్భుతం చోటుచేసుకుంది. తొలుత బ్యాటింగ్ చేసిన అర్జెంటీనా జట్టు, చిలీ బౌలర్లను ఉతికి ఆరేస్తూ నిర్ణీత 20 ఓవర్లలో 1 వికెట్ నష్టానికి 427 పరుగులు చేసింది. పురుషుల లేదా మహిళల టీ20 క్రికెట్ చరిత్రలో ఇదే అత్యధిక టీమ్ స్కోరు కావడం విశేషం.

విధ్వంసకర బ్యాటింగ్..

ఈ మ్యాచ్‌లో అర్జెంటీనా ఓపెనర్లు ఆకాశమే హద్దుగా చెలరేగారు. లూసియా టేలర్ (Lucia Taylor): కేవలం 84 బంతుల్లో 27 ఫోర్లతో 169 పరుగులు చేసింది. ఆల్బర్టినా గలాన్ (Albertina Galan): 84 బంతుల్లో 23 ఫోర్లతో 145 పరుగులు (నాటౌట్) సాధించింది. వీరిద్దరూ కలిసి మొదటి వికెట్‌కు ఏకంగా 350 పరుగుల రికార్డు భాగస్వామ్యాన్ని నెలకొల్పారు.

ఒక్క ఓవర్‌లో 52 పరుగులు..

ఈ మ్యాచ్‌లో చిలీ బౌలర్లు దారుణంగా విఫలమయ్యారు. ఒక ఓవర్‌లో చిలీ బౌలర్ ఫ్లోరెన్సియా మార్టినెజ్ ఏకంగా 52 పరుగులు సమర్పించుకుంది. ఇందులో ఆమె ఏకంగా 17 నో-బాల్స్ వేయడం గమనార్హం. మొత్తం ఇన్నింగ్స్‌లో చిలీ జట్టు 64 నో-బాల్స్‌తో కలిపి 73 ఎక్స్‌ట్రాలు ఇచ్చింది.

అనంతరం బ్యాటింగ్‌కు దిగిన చిలీ జట్టు కేవలం 63 పరుగులకే కుప్పకూలింది. దీంతో అర్జెంటీనా జట్టు 364 పరుగుల భారీ తేడాతో విజయం సాధించింది. ఇది కూడా టీ20 చరిత్రలో పరుగుల పరంగా అతిపెద్ద విజయం.

ఈ మ్యాచ్ క్రికెట్ గణాంకాలను పూర్తిగా మార్చేసింది. పురుషుల క్రికెట్‌లో నేపాల్ (314/3) పేరిట ఉన్న రికార్డును అర్జెంటీనా మహిళలు ఎప్పుడో అధిగమించారు.