IND vs ENG: మాంచెస్టర్‌లో అరంగేట్రం చేయనున్న 10మంది భారత ఆటగాళ్లు.. 4వ టెస్ట్‌లో అరుదైన సీన్

India vs England: భారత్, ఇంగ్లాండ్ మధ్య ఐదు మ్యాచ్‌ల టెస్ట్ సిరీస్‌లో నాలుగో మ్యాచ్ 2025 జులై 23 నుంచి మాంచెస్టర్‌లోని ఓల్డ్ ట్రాఫోర్డ్ స్టేడియంలో జరుగుతుంది. సిరీస్‌లో 1-2 తేడాతో వెనుకబడిన టీమిండియాకు ఈ మ్యాచ్ చాలా ముఖ్యమైనది కానుంది. తిరిగి విజయం సాధించడానికి, సిరీస్‌లో కొనసాగడానికి వారు ఎట్టి పరిస్థితుల్లోనూ ఓటమిని తప్పించుకోవాలి. అదే సమయంలో, ఈ మ్యాచ్‌లో ఒక ప్రత్యేక దృశ్యం కూడా కనిపిస్తుంది. వాస్తవానికి, టీమిండియాకు చెందిన 10 మంది ఆటగాళ్ళు ఓల్డ్ ట్రాఫోర్డ్ స్టేడియంలో ప్రత్యేకంగా అరంగేట్రం చేయనున్నారు.

టీం ఇండియాకు చెందిన 10 మంది ఆటగాళ్ళు మాంచెస్టర్‌లో అరంగేట్రం..

ప్లాట్ పిచ్‌గా పేరుగాంచిన ఓల్డ్ ట్రాఫోర్డ్ స్టేడియం భారత జట్టుకు కొత్త సవాలును అందిస్తుంది. ప్రస్తుత భారత జట్టులో ఈ మైదానంలో గతంలో టెస్ట్ మ్యాచ్ ఆడిన ఏకైక ఆటగాడు రవీంద్ర జడేజా. ఆయనతో పాటు, ప్లేయింగ్ 11లో ఎంపికైన మిగిలిన 10 మంది ఆటగాళ్లు ఈ మైదానంలో టెస్ట్ మ్యాచ్ ఆడటం ఇదే మొదటిసారి.

టీం ఇండియా తమ ప్లేయింగ్ 11 లో ఎలాంటి మార్పులు చేయకపోతే, యశస్వి జైస్వాల్, కేఎల్ రాహుల్, కరుణ్ నాయర్, శుభ్మన్ గిల్, రిషబ్ పంత్, నితీష్ రెడ్డి, వాషింగ్టన్ సుందర్, జస్ప్రీత్ బుమ్రా, ఆకాష్ దీప్, మహ్మద్ సిరాజ్ వంటి స్టార్ ఆటగాళ్ళు ఓల్డ్ ట్రాఫోర్డ్ స్టేడియంలో తొలిసారి టెస్ట్ మ్యాచ్ ఆడతారు. ఈ ఆటగాళ్లందరూ చరిత్రను మార్చే బాధ్యత కూడా కలిగి ఉంటారు. నిజానికి, ఈ మైదానంలో టీం ఇండియా ఇంకా ఒక్క టెస్ట్ మ్యాచ్ కూడా గెలవలేదు.

ఓల్డ్ ట్రాఫోర్డ్‌లో టీమ్ ఇండియా గణాంకాలు..

ఓల్డ్ ట్రాఫోర్డ్ స్టేడియంలో టీం ఇండియా రికార్డు ఇప్పటివరకు నిరాశపరిచింది. ఈ చారిత్రాత్మక మైదానంలో భారత్ 9 టెస్ట్ మ్యాచ్‌లు ఆడింది. కానీ ఒక్కటి కూడా గెలవలేదు. ఈ మ్యాచ్‌లలో 4 మ్యాచ్‌లలో భారత్ ఓటమి పాలవగా, 5 మ్యాచ్‌లు డ్రాగా ముగిశాయి. టీం ఇండియా తొలి టెస్ట్ 1936లో ఇక్కడ జరిగింది. ఆ మ్యాచ్ డ్రాగా ముగిసింది. అదే సమయంలో, చివరి టెస్ట్ మ్యాచ్ 2014లో జరిగింది. ఆ మ్యాచ్ ఇన్నింగ్స్ 54 పరుగుల తేడాతో ఓడిపోయింది.