Lakshya Sen Wins Gold: భారత ఖాతాలో మరో స్వర్ణం.. ఉత్కంఠ పోరులో భారత షట్లర్ లక్ష్య సేన్కు బంగారు పతకం
CWG 2022: కామన్వెల్త్ గేమ్స్ 2022లో భారత షట్లర్ లక్ష్య సేన్ బ్యాడ్మింటన్ పురుషుల సింగిల్స్లో బంగారు పతకాన్ని గెలుచుకున్నాడు.
Updated on: Aug 08, 2022 | 5:10 PM
భారత ఖాతాలో మరో స్వర్ణం వచ్చి చేరింది. బర్మింగ్హామ్లో జరుగుతున్న కామన్వెల్త్ గేమ్స్ 2022లో భారత బ్యాడ్మింటన్ క్రీడాకారుడు లక్ష్య సేన్ స్వర్ణం సాధించాడు. పురుషుల సింగిల్స్ బ్యాడ్మింటన్ ఫైనల్ మ్యాచ్లో అతను మలేషియాకు చెందిన ట్జే యోంగ్గ్ను ఓడించాడు. జి యాంగ్పై లక్ష్య సేన్ 19-21, 21-9, 21-16 తేడాతో విజయం సాధించాడు. లక్ష్య సేన్, జి యోంగ్ మధ్య జరిగిన ఈ ఫైనల్ పోరు చాలా టఫ్ గా సాగింది. మొదటి నుంచి ఇద్దరు ఆటగాళ్లు ఉత్కంఠ పోరు సాగింది. లక్ష్య సేన్ ఇక్కడ తన తొలి సెట్ను 19-21తో కోల్పోయాడు. ఒకప్పుడు మ్యాచ్ 18-18తో సమంగా ఉన్నా, చివరిలో సెట్లో వెనుకబడిపోయాయి.
రెండో సెట్లోనూ సమాన స్థాయిలో పోటీ కొనసాగింది. లక్ష్య సేన్ ఈ గేమ్లో 6-8తో ఉన్నా.. ఆ తర్వాత బలంగా పుంజుకుని 21-9తో జి యోంగ్ను అధిగమించాడు. అనంతరం మూడో గేమ్లో లక్ష్య ఆరంభం నుంచే ఆధిక్యాన్ని కొనసాగించాడు. మూడో సెట్ను 21-16తో లక్ష్య కైవసం చేసుకున్నాడు. ఈ పోరుకు ముందు, లక్ష్య సేన్ జి యాంగ్తో రెండుసార్లు ఢీ కొట్టిన సంగతి తెలిసిందే. ఈ రెండు మ్యాచ్ల్లోనూ విజయాన్ని సొంతం చేసుకున్నాడు.
సెమీ-ఫైనల్లో జియా హెంగ్ను ఓడించిన తర్వాత..
20 ఏళ్ల లక్ష్య సేన్కి ఇది మొదటి కామన్వెల్త్ గేమ్స్ . ఇక్కడ జరిగిన బ్యాడ్మింటన్ పురుషుల సింగిల్స్లో ఉత్కంఠభరితమైన సెమీ-ఫైనల్ మ్యాచ్లో సింగపూర్కు చెందిన జియా హెంగ్ను ఓడించి ప్రపంచ 10వ ర్యాంకర్ లక్ష్య ఫైనల్కు చేరుకున్నాడు. జియాతో జరిగిన గేమ్లో లక్ష్య 21-10, 18-21, 21-16తో విజయం సాధించాడు. మరోవైపు సెమీ ఫైనల్ మ్యాచ్లో భారత షట్లర్ కిదాంబి శ్రీకాంత్ను ఓడించి మలేషియాకు చెందిన జి యోంగ్గ్ ఫైనల్లోకి ప్రవేశించాడు.
Silver Medal ? goes to Ng Tze Yong ???!!!
Who would ever thought that he’d come this far. He exceeded our expectations with tremendous improvement of the gameplay! ??
Congrastsss Lakshya Sen ??
19-21 21-9 16-21
Keep improving, yong??#Birmingham2022#CommonwealthGames2022 pic.twitter.com/c1pOVIpEyJ
— Z ??? (@theone_xyz) August 8, 2022
సింగిల్స్ ఈవెంట్లలో లక్ష్య సేన్కు లభించిన రెండో ప్రధాన పతకం సింగిల్స్లో రెండో ప్రధాన విజయం ఇదే. అంతకుముందు, అతను 2021లో జరిగిన ప్రపంచ ఛాంపియన్షిప్లో కాంస్య పతకాన్ని గెలుచుకున్నాడు. కామన్వెల్త్ గేమ్స్ 2022లో అతను మిక్స్డ్ టీమ్ ఈవెంట్లో రజతం సాధించాడు. థామస్ కప్ 2022లో పురుషుల జట్టు స్వర్ణం, ఆసియా టీమ్ ఛాంపియన్షిప్లో పురుషుల జట్టు కాంస్యాలు కూడా అతని పెద్ద విజయాలలో ఒకటి.
మరిన్ని కామన్వెల్త్ గేమ్స్ వార్తల కోసం..
