PV Sindhu: మరోసారి దుమ్మురేపిన సింధు.. ఈసారి బంగారు పతకం కైవసం..
Commonwealth Games 2022: కామన్వెల్త్ గేమ్స్ 2022లో పీవీ సింధు గోల్డ్ సొంతం చేసుకుంది. పివి సింధు రెండవ గేమ్ ప్రారంభంలో లీ కంటే 1 పాయింట్ వెనుకబడి ఉంది.. అయితే ఆమె మరుసటి నిమిషంలో..
Updated on: Aug 08, 2022 | 5:11 PM
కామన్వెల్త్ గేమ్స్ 2022లో(Commonwealth Games 2022) పీవీ సింధు(PV Sindhu) గోల్డ్ సొంతం చేసుకుంది. కామన్వెల్త్ గేమ్స్ 2022లో భారత్కు మరో బంగారు పతకం దక్కింది. కామన్వెల్త్ గేమ్స్ మహిళల సింగిల్స్ విభాగంలో భారత క్రీడాకారిణి పీవీ సింధు స్వర్ణ పతకం సాధించి చరిత్ర సృష్టించింది. రెండుసార్లు ఒలింపిక్ పతక విజేత పివి సింధు కామన్వెల్త్ గేమ్స్ బ్యాడ్మింటన్ మహిళల సింగిల్స్ ఈవెంట్లో కెనడా క్రీడాకారిణి మిచెల్ లీని ఫైనల్లో వరుస గేమ్లలో ఓడించి స్వర్ణ పతకాన్ని కైవసం చేసుకుంది.
మహిళల బ్యాడ్మింటన్ సింగిల్స్ ఈవెంట్లో పీవీ సింధు కామన్వెల్త్ గేమ్స్ ఛాంపియన్గా నిలవడం ఇదే తొలిసారి. పివి సింధు రెండవ గేమ్ ప్రారంభంలో లీ కంటే 1 పాయింట్ వెనుకబడి ఉంది.. అయితే ఆమె మరుసటి నిమిషంలో బలమైన పునరాగమనం చేసి బలమైన ఆధిక్యాన్ని సాధించింది. సింధు స్వర్ణానాన్ని దక్కించుకుంది. కెనడా షట్లర్ లీపై పీవీ సింధు వరుస గేమ్లలో విజయం సాధించింది. తొలి గేమ్ను 21-15తో గెలుచుకోగా, రెండో గేమ్లో 21-13తో విజయం సాధించింది. కామన్వెల్త్ గేమ్స్ 2022 బ్యాడ్మింటన్ ఈవెంట్లో భారత్కు ఇదే తొలి బంగారు పతకం.
కెనడా షట్లర్ నుంచి పీవీ సింధు ఆశించిన స్థాయిలో గట్టి పోటీ ఇవ్వలేకపోయింది. కెనడా క్రీడాకారిణి మిచెల్ లీపై పివి సింధు అనుభవం పూర్తి స్థాయిలో ఆధిపత్యం ప్రదర్శించింది. తన అనుభవాన్ని ఉపయోగించి పీవీ గోల్డ్ మెడల్ మ్యాచ్ను సులభంగా గెలుచుకుంది.
@Pvsindhu1 wins gold ?#CommonwealthGames2022 #Badminton #India4CWG2022 @KasthuriShankar pic.twitter.com/vovNMlbbEn
— ???? ????????? (வாழப்பாடி இராம சுகந்தன்) (@vazhapadi) August 8, 2022
కేవలం 48 నిమిషాల్లో విజయం..
కామన్వెల్త్ గేమ్స్ 2022 గోల్డ్ మెడల్ మ్యాచ్ గెలవడానికి పివి సింధు కేవలం 48 నిమిషాలు పట్టింది. కెనడా షట్లర్ మిచెల్ లీపై పీవీ సింధుకిది 9వ విజయం. గోల్డ్ కోస్ట్లో జరిగిన కామన్వెల్త్ గేమ్స్ సింగిల్స్, టీమ్ ఈవెంట్లలో మిచెల్ లీ గతంలో పివి సింధును రెండుసార్లు ఓడించింది. కానీ, గోల్డ్కోస్ట్లో జరిగిన ఆ రెండు పరాజయాలకు బర్మింగ్హామ్లో చాలా గర్వంగా ప్రతీకారం తీర్చుకుంది పీవీ సింధు.
స్వర్ణ పతక పోరులో పివి సింధుతో జరిగిన రెండు గేమ్ల్లోనూ మిచెల్ లీ ఆధిక్యంలో నిలిచింది. అయితే ఆ తర్వాత కూడా భారత షట్లర్ ముందు మోకరిల్లాల్సి వచ్చింది.
GLORY FOR SINDHU?@Pvsindhu1 wins against Michelle Li (CAN) with a score of 2-0 at the #CommonwealthGames2022
With this win the former World Champion Sindhu adds another Gold? to her long list of monumental achievements?
Many Congratulations Champ???#Cheer4India pic.twitter.com/s7ZyiDxV2w
— SAI Media (@Media_SAI) August 8, 2022
స్వర్ణ పతక పోరులో కెనడా షట్లర్ను పివి సింధు వరుస గేమ్లలో ఓడించి బర్మింగ్హామ్లో త్రివర్ణ పతాకాన్ని ఎగురవేసింది. బర్మింగ్హామ్ కామన్వెల్త్ గేమ్స్లో భారత్కు ఇది 19వ బంగారు పతకం. అదే సమయంలో, మహిళల బ్యాడ్మింటన్ సింగిల్స్ ఈవెంట్లో పీవీ సింధు కామన్వెల్త్ గేమ్స్ ఛాంపియన్గా నిలవడం ఇదే తొలిసారి. మొత్తం పతకాల పట్టికలో భారత్ 5వ స్థానంలో ఉంది.
మరిన్ని కామన్వెల్త్ గేమ్స్ వార్తల కోసం..
