Vastu Tips: ఈ దిక్కులో టీవీ ఉంచితే అనర్థాలు తప్పవు! వాస్తు శాస్త్రం ఏం చెబుతోందంటే..

ఎలక్ట్రానిక్ వస్తువులు సౌకర్యం, వినోదం కోసం మనం నిత్యం ఉపయోగిస్తుంటాం. వాస్తు శాస్త్రం ప్రకారం, ఈ వస్తువులను సరైన దిక్కులో ఉంచడం వల్ల సానుకూల ఫలితాలు లభిస్తాయి. కానీ టీవీ, కంప్యూటర్ లాంటివి వాస్తుపరంగా సరైన దిక్కున పెట్టినా, ఇంట్లో ఉన్న పిల్లలకు నష్టం కలిగించవచ్చు. మరి ఈ వస్తువులను ఎక్కడ పెట్టాలో ఇప్పుడు తెలుసుకుందాం.

ఈశాన్యం (నార్త్ ఈస్ట్): వినోదానికి ఉత్తమమైన దిక్కు

వాస్తు శాస్త్రం ప్రకారం, ఎలక్ట్రానిక్ వస్తువులైన టీవీ, కంప్యూటర్, ల్యాప్‌టాప్ లాంటివి ఈశాన్యంలో ఉంచడం మంచిది. ఈ దిక్కును ఎంటర్టైన్మెంట్ జోన్‌గా భావిస్తారు.

అయితే, ఈ స్థానంలో టీవీ పెట్టినప్పుడు పిల్లలు ఆ దిక్కున కూర్చుని చూడటం వల్ల చదువు వదిలేసి వాటికి అలవాటు పడిపోతారు. కాబట్టి వాస్తు పెద్దలకు, పిల్లలకు ఇద్దరికీ లాభించేలా చూసుకోవాలి. ఇంట్లో పిల్లలు ఉన్నప్పుడు ఈ దిక్కున టీవీ పెట్టేటప్పుడు జాగ్రత్త వహించాలి.

నైరుతి (దక్షిణ నైరుతి): ఫలితాలు ఉండవు

దక్షిణ నైరుతిలో కూర్చుని టీవీలు చూసినా, కంప్యూటర్లు, ల్యాప్‌టాప్‌లు ఉపయోగించినా సమయం వృథా అవుతుంది. ఈ దిక్కున కూర్చుని పని చేయడం వల్ల ఎలాంటి ఫలితాలు లభించవని శాస్త్రం చెబుతోంది. ఏవైనా ముఖ్యమైన పనులు ఉన్నప్పుడు అక్కడ కూర్చుని చేస్తే ఫలితం రాదు. పడమర నైరుతి కూడా ఇలాంటి ఫలితాన్నే ఇస్తుంది.

పడమర నైరుతి: చదువులకు నష్టం

పడమర నైరుతి అనేది ఎడ్యుకేషన్ జోన్. పిల్లలు చదువుకోవడానికి ఈ స్థానం అనువైనది. ఈ దిక్కులో టీవీలు లాంటివి పెడితే పిల్లలు చదువుపై దృష్టి పెట్టలేరని వాస్తు శాస్త్రం చెబుతోంది.

పడమర వాయవ్యం: ఒత్తిడి పెరుగుతుంది

వెస్ట్ నార్త్ వెస్ట్ అంటే పడమర వాయవ్యం అనేది డిప్రెషన్ జోన్. ఈ దిక్కులో టీవీలు పెట్టుకుని చూసేవాళ్లు డిప్రెషన్‌లోకి వెళ్లే అవకాశాలు ఎక్కువ.

ఇతర వస్తువుల వాస్తు

వాస్తు ప్రకారం, ఎయిర్ కండిషనర్ లాంటివి ఉత్తర, పడమర దిశలో పెట్టుకోవాలి.

గమనిక: ఈ కథనం వాస్తు శాస్త్రం, ప్రజల సాంప్రదాయ నమ్మకాలపై ఆధారపడి రూపొందించబడింది. ఇక్కడ పేర్కొన్న అంశాలకు శాస్త్రీయ ఆధారాలు లేవు. ఇది కేవలం సమాచారం కోసం మాత్రమే ప్రచురించబడింది. పాఠకులు వీటిని ఒక నమ్మకంగా మాత్రమే చూడాలి.