Vastu Tips: పొరపాటున కూడా ఈ వస్తువులను పూజ గదిలో ఉంచొద్దు.. లేదంటే లక్ష్మీదేవి వెళ్లిపోతుంది!

హిందూ మతంలో వాస్తు శాస్త్రానికి చాలా ప్రాముఖ్యత ఉంది. వాస్తు శాస్త్రం ఇంటి నిర్మాణం, వస్తువుల అమరికను గురించి చాలా వివరంగా తెలియజేసింది. అంతేగాక, ఇంట్లోని పూజా మందిరంకు సంబంధించిన విషయాలను స్పష్టం చేసింది. వాస్తు నియమాలను విస్మరించడం వల్ల జీవితంలో అనేక సమస్యలు వస్తాయని నమ్ముతారు.

పూజా మందిరంలో కొన్ని వస్తువులను ఉంచడం వల్ల ప్రయోజనాలు లేకపోగా.. వ్యతిరేక ప్రభావం ఉంటుందని వాస్తు శాస్త్రం చెబుతోంది. అలాంటి వస్తువులు పూజా మందిరంలో ఉంటే లక్ష్మీదేవి కూడా ఇంట్లో నుంచి బయటికి పోతుందని హెచ్చరిస్తోంది. కాబట్టి ఇంట్లోని పూజా మందిరంలో ఉంచని ఆ వస్తువుల గురించి తెలుసుకుందాం.

విరిగిన విగ్రహాలను ఉంచుకోవద్దు

విరిగిన దేవతల విగ్రహాలను పూజా మందిరంలో ఎప్పుడూ ఉంచవద్దు. వాస్తు శాస్త్రం ప్రకారం, ఇంటి పూజా గదిలో విరిగిన విగ్రహాలను పూజించడం వల్ల ప్రతికూలత పెరుగుతుంది, జీవితంలో అనేక సమస్యలకు దారితీస్తుంది. ఇంకా, పూజ ఎటువంటి ఫలితాలను ఇవ్వదు. విరిగిన విగ్రహాలను పవిత్ర నదిలో నిమజ్జనం చేయాలని సూచిస్తుంది.

పూర్వీకుల చిత్రాలను ఉంచవద్దు

పూజా మందిరంలో పూర్వీకుల చిత్రాలను ఉంచకూడదని వాస్తు శాస్త్రం సలహా ఇస్తుంది. పూర్వీకులు, దేవతల స్థానాన్ని గ్రంథాలు వేరుగా నిర్వచించాయి. దేవాలయాలలో పూర్వీకుల చిత్రాలను ఉంచడం వల్ల అశాంతి ఏర్పడుతుందని నమ్ముతారు. వాస్తు ప్రకారం, ఇంట్లో పూర్వీకుల చిత్రాలను ఉంచడానికి దక్షిణ దిశ అత్యంత పవిత్రమైనదిగా పరిగణించబడుతుంది.

చిరిగిన మత పుస్తకాలను ఉంచుకోవద్దు.

చిరిగిన మతపరమైన పుస్తకాలను పూజా గదిలో ఉంచవద్దు. చిరిగిన మతపరమైన పుస్తకాలను పూజా మందిరంలో ఉంచడం వల్ల వ్యక్తి జీవితంపై ప్రతికూల ప్రభావం చూపుతుందని నమ్ముతారు.

పదునైన వస్తువులను ఉంచవద్దు

వాస్తు శాస్త్రం ప్రకారం.. కత్తెర, కత్తులు వంటి పదునైన వస్తువులను కూడా పూజా మందరింలో ఉంచకూడదు. పదునైన వస్తువులు ప్రతికూలతను సూచిస్తాయని చెబుతారు, కాబట్టి వాస్తు శాస్త్రంలో వివరించిన నియమాలను పాటించాలని సూచించబడింది.

ఎండిన పువ్వులను ఉంచవద్దు

పూజ సమయంలో ప్రతిరోజూ దేవతకు పూలు అర్పిస్తారు. మరుసటి రోజు ఉదయం, దేవత అలంకరణ సమయంలో ఈ పూలను తొలగిస్తారు, ఎందుకంటే ఎండిన పూలను పూజా మందిరంలో ఉంచరు. ఎండిన పూలను పూజా మందిరంలో ఉంచడం వల్ల ఇంట్లోకి ప్రతికూల శక్తి ఆకర్షిస్తుందని నమ్ముతారు. అలాంటి సందర్భంలో, ఎండిన పూలను పవిత్ర నదిలో ముంచాలి లేదా చెట్టు కింద పాతిపెట్టాలి.

Note: ఈ వార్తలోని సమాచారం వాస్తుశాస్త్రం, మత విశ్వాసాలపై ఆధారపడి ఉంది. TV9తెలుగు దీనిని ధృవీకరించదు.