Utpanna Ekadashi: గోదాన ఫలితాన్నిచ్చే ఉత్పన్న ఏకాదశి వ్రతం.. ఈ శుభ యోగంలో పూజిస్తే కోరిన కోర్కెలు నెరవేరతాయి..
హిందూ మతంలో ఉత్పన్న ఏకాదశి తిధి విష్ణువుకు అంకితం చేయబడింది. ఈ రోజు విష్ణువు పూజించి ఏకాదశి వ్రతాన్ని ఆచరించడం ద్వారా పాపాలు నశించి మోక్షాన్ని పొందుతారని విశ్వాసం. అంతేకాదు జీవితంలో వచ్చే సమస్యల నుంచి , కష్టాల నుంచి ఉపశమనం పొందుతారు.
Updated on: Nov 16, 2024 | 3:53 PM
హిందూ మతంలో ఉత్పన్న ఏకాదశికి చాలా ప్రాముఖ్యత ఉంది. ఉత్పన్న ఏకాదశిని ప్రతి సంవత్సరం కార్తీక పూర్ణిమ తర్వాత వచ్చే కృష్ణపక్ష ఏకాదశి తిథి రోజున జరుపుకుంటారు. ఈ పవిత్రమైన రోజున విష్ణువు, లక్ష్మీ దేవిని పూజిస్తారు. శాస్త్రాల ప్రకారం ఇది పరమ ఏకాదశి తర్వాత వచ్చే ఏకాదశి. అందువల్ల ఉత్పన్న ఏకాదశి ని ఏకాదశి తిధి జన్మదినంగా భావిస్తారు. ఉత్పన్న ఏకాదశి రోజున ఉపవాసం చేయడం ద్వారా వైకుంఠానికి చేరుకుంటారని అనేక జన్మల పాపాలు నశిస్తాయని తెలుస్తోంది. అలాగే విష్ణువు ఆశీర్వాదం ఇంట్లోని ప్రజలందరికీ లభించి .. జీవితంలోని కష్టాల నుంచి ఉపశమనం పొందుతారు.
పంచాంగం ప్రకారం ఏకాదశి తిథి నవంబర్ 26వ తేదీ తెల్లవారుజామున 1:01 గంటలకు ప్రారంభమై నవంబర్ 27వ తేదీ తెల్లవారుజామున 3:47 గంటలకు ముగుస్తుంది. ఉదయతిథి ప్రకారం, ఉత్పన్న ఏకాదశి నవంబర్ 26 న జరుపుకుంటారు. నవంబర్ 27 మధ్యాహ్నం 1:12 నుంచి 3:18 వరకు ఏకాదశి ఉపవాసాన్ని విరమించవచ్చు.
ఉత్పన్న ఏకాదశి శుభ యోగం
జ్యోతిష్య శాస్త్రం ప్రకారం ఉత్పన్న ఏకాదశి రోజున మొదట ప్రీతి యోగం ఏర్పడుతోంది. దీని తరువాత ఆయుష్మాన్ యోగా, శివ్వాస్ యోగా కూడా ఏర్పడనున్నాయి. ఈ యోగాల సమయంలో లక్ష్మీ నారాయణుడిని ఆరాధించడం భిన్నమైన ప్రాముఖ్యతను కలిగి ఉంది. భగవంతుడు భక్తుల కోరికలను తీరుస్తాడు. కుటుంబంలో సుఖ సంతోషాలు నెలకొంటాయి.
ఉత్పన్న ఏకాదశి రోజున ప్రీతి యోగం ఉదయం ప్రారంభమై మధ్యాహ్నం 2:14 గంటలకు ముగుస్తుంది. ఆ తర్వాత ఆయుష్మాన్ యోగం ఏర్పడుతుంది. ఇది మరుసటి రోజు మధ్యాహ్నం వరకు ఉంటుంది. ఏకాదశి రోజున ద్విపుష్కర యోగం నవంబర్ 27వ తేదీ ఉదయం 4:35 AM నుంచి 6:54 AM వరకు ఉంటుంది. ఉత్పన్న ఏకాదశి రోజున హస్తా నక్షత్రం నవంబర్ 27 ఉదయం నుంచి 4.35 వరకు ఉంటుంది. ఆ తర్వాత చిత్రా నక్షత్రం వస్తుంది.
ఉత్పన ఏకాదశి పూజా విధానం
- ఉత్పన్న ఏకాదశి రోజున ముందుగా శంఖం ఊది అనంతరం శంఖాన్ని శుద్ధి చేయాలి.
- విష్ణువును ధ్యానించండి.. పూజ కోసం పీటాన్ని ఏర్పాటు చేయాలి.
- శ్రీ మహా విష్ణువు విగ్రహానికి పంచామృతంతో స్నానం చేయించి శుభ్రమైన వస్త్రాలు ధరించండి.
- శ్రీ మహా విష్ణువును చందనం, కుంకుమ అక్షతలతో అలంకరించి పుష్పాలను సమర్పించాలి.
- ధూపం, దీపం వెలిగించి దేవుడికి నైవేద్యాన్ని సమర్పించాలి.
- భగవంతుని హారతి ఆచరించి, విష్ణువు మంత్రాలను జపించాలి
ఉత్పన ఏకాదశి ఉపవాసం విరమించే సముయం
నవంబరు 26న ఉత్పన్న ఏకాదశి ఉపవాసం ఉన్నట్లయితే.. వారు నవంబర్ 27వ తేదీ బుధవారం మధ్యాహ్నం 1:12 నుంచి 3:18 వరకు ఎప్పుడైనా ఉపవాసాన్ని విరమించవచ్చు.
ఉత్పన ఏకాదశి ప్రాముఖ్యత
హిందూ మతంలో ఉత్పన్న ఏకాదశి పండుగ సందర్భంగా ఇంట్లో, దేవాలయాల్లో లక్ష్మీనారాయణలకు ప్రత్యేక పూజలు చేస్తారు. ఈ రోజున ఉపవాసం కూడా పాటిస్తారు. ఈ వ్రతాన్ని ఆచరించడం ద్వారా సాధకుడు గోదానానికి సమానమైన ఫలితాలను పొందుతాడు. ఈ రోజు ఆచారాల ప్రకారం పూజిస్తే విష్ణువు అనుగ్రహం ఎల్లప్పుడూ భక్తులకు ఉంటుంది. సాధకుడి జీవితంలోని అన్ని దుఃఖాలు తొలగిపోతాయి. అంతేకాదు జీవితంలో ఎప్పుడూ సమస్యలను ఎదుర్కోవాల్సిన అవసరం లేదు.
మరిన్ని ఆధ్మాతిక వార్తల కోసం క్లిక్ చేయండి..
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్ గమనించాలి.
