Shakuna Shastra: మీ ఇంటిపై ఈ పక్షులు వాలుతున్నాయా? జాగ్రత్త.. అది పూర్వీకుల ఆగ్రహానికి సంకేతం కావచ్చు!

పక్షులు కేవలం ఆకాశంలో ఎగిరే జీవులే కాదు, అవి ప్రకృతి ఇచ్చే హెచ్చరికల వాహకాలు కూడా. డేగలు పదే పదే ఇంటిపై వాలడం లేదా గబ్బిలాలు ఇంట్లోకి రావడం వంటివి నెగటివ్ ఎనర్జీకి సూచికలని జ్యోతిష్య నిపుణులు హెచ్చరిస్తున్నారు. ఇలాంటి అశుభ శకునాలు ఎదురైనప్పుడు భయపడకుండా, దైవ ప్రార్థన చేయడం లేదా పితృ దేవతలకు తర్పణాలు వదలడం ద్వారా దోష నివారణ చేసుకోవచ్చు. అశుభం కలిగించే ఆ 4 పక్షుల గురించి ఇప్పుడు వివరంగా తెలుసుకుందాం.

ఈ 4 పక్షుల రాకతో జాగ్రత్తగా ఉండండి:

డేగ : శకున శాస్త్రం ప్రకారం గద్దలను పూర్వీకులతో సంబంధం ఉన్న పక్షులుగా చూస్తారు. గద్దలు పదే పదే ఇంటిపై వాలితే పూర్వీకులు మీ చర్యలతో అసంతృప్తిగా ఉన్నారని, వారి శాపం వల్ల మీ పనుల్లో అడ్డంకులు ఎదురవుతాయని అర్థం.

కాకుల మంద: ఒకేసారి పెద్ద సంఖ్యలో కాకులు ఇంటి ముందు చేరి వింతగా, బిగ్గరగా అరుస్తుంటే అది కుటుంబంలో జరగబోయే ఏదో ఒక పెద్ద విపత్తుకు లేదా దురదృష్టానికి సంకేతంగా భావిస్తారు.

గబ్బిలాలు: చీకటి జీవులైన గబ్బిలాలు ప్రతికూల శక్తికి నిలయాలు. ఇవి ఇంట్లోకి ప్రవేశించినా లేదా పైకప్పుపై నివాసం ఉన్నా ఆర్థిక నష్టం, దీర్ఘకాలిక అనారోగ్యం లేదా కుటుంబ కలహాలు వచ్చే అవకాశం ఉంది.

చెట్టు పిచ్చుక (Tree Sparrow): ఈ పక్షి ఇంటిపై కూర్చుని అసాధారణమైన శబ్దాలు చేస్తే అది మరణ భయం లేదా తీవ్రమైన కోర్టు వివాదాలకు సంకేతం అని శాస్త్రాలు హెచ్చరిస్తున్నాయి.

శుభ శకునాలు కూడా ఉన్నాయి!

అన్ని పక్షులూ చెడు చేయవు. మీ ఇంటి ప్రాంగణంలో పిచ్చుకలు గూడు కట్టుకోవడం లేదా పావురాలు ప్రశాంతంగా కూర్చోవడం లక్ష్మీదేవి కటాక్షానికి, ఆర్థిక లాభానికి సంకేతం. అలాగే రాత్రిపూట పడమర దిశలో గుడ్లగూబ అరుపు వినిపిస్తే అది ఊహించని ధన లాభాన్ని సూచిస్తుంది.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. శకున శాస్త్రం అనేది నమ్మకాల మీద ఆధారపడి ఉంటుంది, వీటికి శాస్త్రీయ ఆధారాలు లేవు.