Marriage dates in May: పెళ్ళిళ్ళ సందడికి వేళాయెరా.. వైశాఖ మాసంలో మంచి ముహర్తాలు ఇవే..
చైత్రమాసం తర్వాత వచ్చే మాసమే వైశాఖ మాసం తెలుగు సంవత్సరంలో రెండవ నెల. చంద్రుడు ఈ మాసంలో విశాఖ నక్షత్రంతో ఉంటాడు కనుక ఈ నెలకు వైశాఖ మాసం అని పేరు. ఈ వైశాఖం ను మాధవ మాసం అని కూడా అంటారు, లక్ష్మీ నారాయణులకు చాలా ప్రీతికరమైనది. ఈ మాసంలో వివాహాలు, గృహాప్రవేశాలు, శంఖుస్థాపనాలు, ఉపనాయనాలు, సీమంతం వంటి శుభకార్యాలు చేయడం శుభప్రదం. మే నెలలో వివాహానికి , శుభకార్యాలకు శుభ సమయాలు ఎప్పుడు ఉంటాయో తెలుసుకుందాం..
Updated on: Apr 30, 2025 | 8:26 PM
పురాతన కాలం నుంచి హిందువుల వివాహాలు, గృహప్రవేశం, కొత్త వ్యాపారాన్ని ప్రారంభించడం, నామకరణం, అన్నప్రాసన, ఉపనయనం మొదలైన ముఖ్యమైన కార్యక్రమాలను నిర్వహించడానికి మంచి రోజు, సమయాన్ని ఎంచుకునే సంప్రదాయం ఉంది. మంచి రోజులు మంచి ముహర్తం చూసి మరీ కొన్ని శుభ కార్యాలను నిర్వహిస్తారు. అందుకే ఖర్మలు ముగిసే వరకు జనం ఎదురు చూస్తారు. ఏదైనా శుభ కార్యం చేసే ముందు శుభ సమయాన్ని ఖచ్చితంగా పరిగణనలోకి తీసుకుంటారు.
వివాహం విషయానికి వస్తే, వివాహం శుభ సమయంలో జరిగేలా ఎక్కువ జాగ్రత్త తీసుకుంటారు ఎందుకంటే వివాహం మన గ్రంథాలలో వివరించిన 16 మతకర్మలలో ఒకటి. మరికొన్ని గంటల్లో మే నెలలో అడుగు పెట్టేస్తున్నాం. ఇది వైశాఖ మాసం శుభకార్యాలకు పవిత్ర మాసం. కనుక ఈ నెలలో వివాహాల సందడి నెలకొననుంది. మీరు కూడా ఈ నెలలో వివాహం చేసుకోవాలని ఆలోచిస్తుంటే, మే 2025 లో శుభప్రదమైన వివాహ ముహూర్తాలు ఎప్పుడో తెలుసుకుందాం..
మే 2025 లో శుభ వివాహ ముహూర్తాలు ఎప్పుడంటే
01 మే 2025, గురువారం:- ఉదయం 11:23 నుండి మధ్యాహ్నం 02:21 వరకు.
05 మే 2025, సోమవారం:- రాత్రి 08:28 నుండి మరుసటి రోజు ఉదయం 05:54 వరకు.
06 మే 2025, మంగళవారం:- ఉదయం 05:54 నుండి మధ్యాహ్నం 03:51 వరకు.
08 మే 2025, గురువారం :- మధ్యాహ్నం 12:28 నుండి ఉదయం 05:52 వరకు.
09 మే 2025, శుక్రవారం:- ఉదయం 05:52 నుండి మధ్యాహ్నం 12:08 వరకు.
10 మే 2025, శనివారం:- ఉదయం 03:15 నుండి మరుసటి రోజు ఉదయం 04:01 వరకు.
14 మే 2025, బుధవారం:- ఉదయం 06:34 నుండి 11:46 వరకు.
15 మే 2025, గురువారం:- ఉదయం 04:02 నుండి మరుసటి రోజు ఉదయం 05:26 వరకు.
16 మే 2025, శుక్రవారం:- ఉదయం 05:49 నుండి సాయంత్రం 04:07 వరకు.
17 మే 2025, శనివారం:- సాయంత్రం 05:43 నుండి మరుసటి రోజు ఉదయం 05:48 వరకు.
18 మే 2025, ఆదివారం:- సాయంత్రం 05:48 నుండి 06:52 వరకు.
22 మే 2025, గురువారం:- మధ్యాహ్నం 01:11 నుండి ఉదయం 05:46 వరకు.
23 మే 2025, శుక్రవారం:- ఉదయం 05:46 నుండి మరుసటి రోజు ఉదయం 05:46 వరకు.
24 మే 2025, శనివారం:- ఉదయం 05:22 నుండి ఉదయం 08:22 వరకు.
27 మే 2025, మంగళవారం:- సాయంత్రం 06:44 నుండి మరుసటి రోజు ఉదయం 05:45 వరకు.
28 మే 2025, బుధవారం:- ఉదయం 05:45 నుండి సాయంత్రం 07:08 వరకు. (28వ తేదీ తెలుగు నెలల్లో జ్యేష్ట మాసం)
మే నెల ఎల్లప్పుడూ వివాహాలు మొదలైనా అవి చాలా ప్రత్యేకమైనవిగా పరిగణించబడుతుంటాయి. ఎందుకంటే ఈ సమయంలో వాతావరణం బాగుంటుంది. ఈ నెలలో అనేక శుభ ముహూర్తాలు కూడా ఉన్నాయి. ఈ పెళ్లి వేడుక వధూవరులతోపాటు ఎన్నో కుటుంబాల్లో సంతోషాన్ని నింపుతుంది. కొన్ని వందల మందికి ప్రత్యక్షంగా, పరోక్షంగా ఉపాధినిస్తుంది. పురోహితులు, ఈవెంట్ ఆర్గనైజర్లు, క్యాటరింగ్, మేళతాళాల ట్రూప్లు, డీజేలు, టెంట్హౌస్లకు పెళ్లిళ్ల సీజన్లో ఫుల్ డిమాండ్ ఉంటుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
