Eclipse 2025: సెప్టెంబర్ నెలలో చంద్ర, సూర్య గ్రహణాలు.. ఈ సమయంలో గర్భిణీ స్త్రీలు చేయవలసినవి, చేయకూడనివి..

Chandra Grahan 2025

సెప్టెంబర్ 2025 నెల ఖగోళ దృక్కోణంలో చాలా ప్రత్యేకమైనది. ఈ నెలలో రెండు పెద్ద గ్రహణాలు ఏర్పడనున్నాయి. చంద్రగ్రహణం సెప్టెంబర్ 7న, సూర్యగ్రహణం సెప్టెంబర్ 21న. వీటిల్లో చంద్ర గ్రహణం భారతదేశంలో కనిపిస్తుంది. కనుక ఆధ్యాత్మికంగా, జ్యోతిషశాస్త్ర దృక్కోణంలో ఈ గ్రహణం ప్రాముఖ్యత మరింత పెరుగుతుంది. గ్రహణం రోజువారీ జీవితాన్ని ప్రభావితం చేస్తుంది, అయితే ఈ గ్రహణ సమయం గర్భిణీ స్త్రీలకు చాలా సున్నితంగా పరిగణించబడుతుంది. గ్రహణం ప్రతికూల శక్తి పుట్టబోయే బిడ్డను త్వరగా ప్రభావితం చేస్తుందని పురాణ గ్రంథాలలో స్పష్టంగా చెప్పబడింది. అందుకే గర్భిణీ స్త్రీలు గ్రహణం సమయంలో కొన్ని ప్రత్యేక నియమాలను పాటించాలి.

సెప్టెంబర్ 2025 లో సంభవించే రెండో చంద్ర గ్రహణం సమయంలో గర్భిణీ స్త్రీలు జాగ్రత్తగా ఉండాలని సూచిస్తున్నారు. గర్భిణీ స్త్రీలు ఈ సమయంలో ఇంట్లో నుంచి బయటకు రాకుండా విశ్రాంతి తీసుకోవాలి. మంత్రాలు పఠిస్తూ.. ఆధ్యాత్మిక గ్రంథాలను చదువుతూ గడిపినట్లయితే, గ్రహణం గర్భిణీ స్త్రీలపై, వారికి పుట్టబోయే బిడ్డపై ఎటువంటి ప్రతికూల ప్రభావం చూపదని విశ్వాసం.

గ్రహణాలు ఎప్పుడు సంభవిస్తాయి?

1. 7 సెప్టెంబర్ 2025 చంద్రగ్రహణం (పూర్తిగా కనిపిస్తుంది)
2. 21 సెప్టెంబర్ 2025 సూర్యగ్రహణం ( పాక్షికంగా కనిపిస్తుంది)
3. మత విశ్వాసాల ప్రకారం రెండు గ్రహణాలు ముఖ్యమైనవి. గర్భిణీ స్త్రీలు ఈ రోజుల్లో అదనపు జాగ్రత్తలు తీసుకోవాలని సూచించారు.

గర్భిణీ స్త్రీలు ఏమి చేయాలంటే

1. గర్భిణీ స్త్రీలు గ్రహణం సమయంలో పుట్టబోయే బిడ్డను ప్రతికూల ప్రభావాల నుంచి రక్షించే విధంగా చర్యలు తీసుకోవాలి.
2. మంత్రాలను పఠించండి. గ్రహణ సమయంలో మత గ్రంథాలు, శ్లోకాలు పఠించడం చాలా శుభప్రదంగా పరిగణించబడుతుంది. గర్భిణీ స్త్రీలు రామరక్షా స్తోత్రం, హనుమాన్ చాలీసా, విష్ణు సహస్రనామం, భగవత్ గీతలోని శ్లోకాలు చదవాలి లేదా ఓం నమః శివాయ, ఓం నమో భగవతే వాసుదేవాయ్ అని జపించాలి.
3. గర్భిణీ స్త్రీలు దర్భలను, తులసి ఆకులు లేదా గంగా జలాన్ని తమతో ఉంచుకోవాలి. వీటిని స్వచ్ఛత, రక్షణకు చిహ్నంగా భావిస్తారు.
4. పూర్తిగా విశ్రాంతి తీసుకోవాలి. ధ్యానం చేయాలి. సానుకూల శక్తి కోసం ధ్యానం చేయడం, విశ్రాంతి తీసుకోవడం గ్రహణ సమయం ఉత్తమ సమయం.
5. గ్రహణం ముగిసిన తర్వాత స్నానం చేయండి. గ్రహణం ముగిసిన వెంటనే.. గర్భిణీ స్త్రీ స్నానం చేసి శుభ్రమైన బట్టలు ధరించాలి. దీని తర్వాతే ఆహారం తినాలి.

గర్భిణీ స్త్రీలు చేయకూడని పనులు ఏమిటంటే

1. గ్రహణాన్ని చూడకండి. గ్రహణాన్ని నేరుగా కళ్ళతో చూడటం వల్ల పుట్టబోయే బిడ్డపై ప్రభావం చూపుతుందని నమ్ముతారు.
2. దేనినీ కత్తిరించవద్దు లేదా తొక్కవద్దు.. ఈ కాలంలో కత్తి, కత్తెర లేదా సూదిని ఉపయోగించడం అశుభకరమైనదిగా పరిగణించబడుతుంది.
3. గ్రహణ సమయంలో వండిన ఆహారం తినడం నిషిద్ధం. ఇది అపవిత్రంగా పరిగణించబడుతుంది.
4. గ్రహణ సమయంలో గర్భిణీ స్త్రీలు ఇంటి నుండి బయటకు వెళ్లకూడదు.
5. ఒత్తిడి కలిగించే పనులకు దూరంగా ఉండండి. గ్రహణ సమయంలో శాంతి , స్థిరత్వాన్ని కాపాడుకోవడం ముఖ్యం.

ఆయుర్వేదం, విజ్ఞాన దృక్పథం

గ్రహణ సమయంలో వెలువడే కాస్మిక్ కిరణాలు గర్భిణీ స్త్రీలు, వారి పుట్టబోయే బిడ్డపై అత్యధిక ప్రభావాన్ని చూపుతాయని ఆయుర్వేదం చెబుతోంది. అందువల్ల గ్రహణ సమయంలో పూర్తిగా విశ్రాంతి తీసుకోవాలని.. దర్భలను తమతో ఉంచుకోవాలని సూచిస్తారు. అంతేకాదు మంత్రాలను జపించడం ద్వారా రక్షణ లభిస్తుంది. గ్రహణం వల్ల శారీరక హాని జరుగుతుందని ఎటువంటి ఆధారాలు లేవని ఆధునిక శాస్త్రం నమ్ముతుంది, కానీ సాంప్రదాయ నియమాలను పాటించడం వల్ల గర్భిణీ స్త్రీకి మానసిక ప్రశాంతత, విశ్వాసం లభిస్తుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.