Garuda Line: చేతిలో గరుడ రేఖ ఉంటే మహర్జాతకులు అవుతారా..? అసలు విషయం ఇదే
Garuda line palmistry: చేతి రేఖల్లో అత్యంత అరుదైనదిగా, శక్తివంతమైనదిగా చెప్పబడేది గరుడ రేఖ. చేతి పట్టు భాగంలో లేదా జీవరేఖ, మస్తిష్క రేఖల మధ్య గరుడ పక్షి ఆకారంలో కనిపించే ప్రత్యేక రేఖా నిర్మాణాన్ని గరుడ రేఖగా పిలుస్తారు. అయితే, ఈ రేఖ ఉన్నవారు సాధారణ వ్యక్తులు కారు అని జ్యోతిష్య గ్రంథాలు పేర్కొంటాయి.
చేతిలో రేఖలు మనిషి వ్యక్తిత్వానికి, భవిష్యత్ భవిష్యత్లో ఎదుర్కోబోయే పరిణామాలకు సంకేతమని హస్తరేఖ నిపుణులు చెబుతుంటారు. మనిషి చేతి రేఖలు వ్యక్తి గత కర్మలు, ప్రస్తుత స్వభావం, భవిష్యత్ అవకాశాలను ప్రతిబింబిస్తాయని సాముద్రిక శాస్త్రం చెబుతుంది. ఈ రేఖల్లో అత్యంత అరుదైనదిగా, శక్తివంతమైనదిగా చెప్పబడేది గరుడ రేఖ. చేతి పట్టు భాగంలో లేదా జీవరేఖ, మస్తిష్క రేఖల మధ్య గరుడ పక్షి ఆకారంలో కనిపించే ప్రత్యేక రేఖా నిర్మాణాన్ని గరుడ రేఖగా పిలుస్తారు. ఇది స్పష్టంగా కనిపించడం చాలా అరుదు. అయితే, ఈ రేఖ ఉన్నవారు సాధారణ వ్యక్తులు కారు అని జ్యోతిష్య గ్రంథాలు పేర్కొంటాయి.
జ్యోతిష్య పరంగా గరుడ రేఖ ఫలితాలు
గరుడ రేఖ ఉన్న జాతకులకు సాధారణంగా కనిపించే లక్షణాలు:
1. మహర్జాతక లక్షణం
ఈ రేఖ ఉన్నవారు.. ధన, పదవి, గౌరవాలు పొందే యోగం కలవారు. జీవితంలో ఒక్కసారైనా అత్యున్నత స్థితిని చేరుకుంటారు. రాజయోగ సమానమైన ఫలితాలు అనుభవిస్తారు
2. శత్రువులపై విజయం
గరుడుడు సర్పాలకు శత్రువు అయినట్లే..ఈ రేఖ ఉన్నవారు శత్రువుల కుట్రలను జయిస్తారు. కోర్టు కేసులు, వివాదాల్లో చివరకు గెలుస్తారు.
3. నాయకత్వ లక్షణాలు
ఇతరులను ప్రభావితం చేసే మాటతీరు. పాలన, రాజకీయాలు, పరిపాలన, ఆధ్యాత్మిక రంగాల్లో ఎదుగుదల. సహజంగా నాయకత్వం కలిగి ఉంటారు.
ఆధ్యాత్మిక దృష్టిలో గరుడ రేఖ
గరుడుడు శ్రీమన్నారాయణుడి వాహనం. అందువల్ల గరుడ రేఖ ఉన్నవారిపై విష్ణు అనుగ్రహం ఉంటుంది. గత జన్మలో విష్ణు భక్తి,
నారాయణ సేవ, దానం, ధర్మ కార్యాలు చేసిన ఫలితం. తీవ్రమైన కష్టాలు వచ్చినా చివరకు రక్షణ లభిస్తుంది. అకాల మృత్యు భయం ఉండదు. ఆధ్యాత్మిక మార్గంలో ముందుకు సాగే శక్తి కలిగి ఉంటారు. ఈ రేఖ ఉన్నవారు తమ జీవితం తమ కోసమే కాదు, ఇతరుల కోసం కూడా ఉపయోగపడేలా గడుపుతారు.
గరుడ రేఖ ఉండడం మాత్రమే సరిపోదు. చేతిలోని ఇతర రేఖలు (జీవరేఖ, భాగ్యరేఖ, సూర్యరేఖ) బలంగా ఉండాలి. వ్యక్తి కర్మ, ప్రవర్తన, ధర్మాచరణ ముఖ్యమైనవి. గరుడ రేఖ అనేది అవకాశం మాత్రమే.. దానిని మహర్జాతకంగా మార్చేది వ్యక్తి జీవన విధానం.
గరుడ రేఖ ఉన్నవారు చేయవలసిన ఆధ్యాత్మిక సాధనలు
ప్రతిరోజూ విష్ణు సహస్రనామం లేదా గరుడ గాయత్రి మంత్రం జపం.
గురువారం విష్ణు ఆలయ దర్శనం.
పాము, పక్షులకు ఆహారం పెట్టడం.
అహంకారం లేకుండా జీవించడం.
చేతిలో గరుడ రేఖ ఉండటం అనేది దైవ అనుగ్రహ సూచన. అది మహర్జాతక యోగానికి బీజం మాత్రమే. దాన్ని ఫలించే వృక్షంగా మార్చేది మాత్రం మీ కర్మ, మీ భక్తి, మీ ధర్మం అని గుర్తుంచుకోవాలని పండితులు చెబుతున్నారు.
(Disclaimer: ఈ వార్తలోని సమాచారం మత సంబంధమైన అంశాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని టీవీ9 తెలుగు ధృవీకరించదు.)