Banke Bihari: ఏడాదికి ఒక్కసారి మాత్రమే బాంకే బిహారీ పాదాల దర్శనం.. దేశ విదేశాల నుంచి పోటెత్తే భక్తులు..
ప్రతి సంవత్సరం వైశాఖ శుక్ల తృతీయ తిథి నాడు అంటే అక్షయ తృతీయ నాడు బృందావనంలోని బంకే బిహారీ పాదాలను దర్శించే భాగ్యం కలుగుతుంది. భగవంతుని పాదాలను ఏడాది పొడవునా వస్త్రాలతో కప్పి ఉంచడంతో.. సంవత్సరానికి ఒకసారి అంటే అక్షయ తృతీయ రోజున మాత్రమే పాద దర్శనం పొందుతారు. ఈరోజు కన్నయ్య పాదాల దర్శనం కోసం భారీ సంఖ్యలో భక్తులు ఆలయం వద్దకు చేరుకుంటారు. బాంకే బిహారీ పాదాలను దర్శించుకునేందుకు దేశం నలుమూలల నుంచి మాత్రమే కాదు విదేశాల నుంచి కూడా బృందావనానికి వస్తుంటారు.
భారతదేశంలోని ఉత్తర ప్రదేశ్‌లోని మధుర జిల్లా బృందావనంలో ఉన్న ప్రముఖ దేవాలయం బాంకే బిహారీ దేవాలయం. ఈ ఆలయంలో కొలువైన రాధా, కృష్ణుల మిశ్రమ రూపాన్ని దర్శించుకోవడానికి ఏడాది పొడవునా భారీ సంఖ్యలో భక్తులు బృందావనానికి వస్తుంటారు. అయితే కన్నయ్య విగ్రహ పాదాలను మాత్రం దర్శించుకోలేరు. ఎందుకంటే బాంకే బిహారీ పాదాలు ఏడాది పొడవునా కన్నయ్యకు ధరింపజేసి దుస్తులతో కప్పబడి ఉంటాయి. అయితే బాంకే బిహారీ పాదాలను దర్శించుకునే అవకాశం కోసం భక్తులు ఎంతో ఆసక్తితో భక్తి శ్రద్దలతో ఎదురుచూస్తూ ఉంటారు. ఏడాదికి ఒకసారి మాత్రమే కన్నయ్య తన భక్తులందరికీ తన పాద దర్శనం ఇస్తారు.
ప్రతి సంవత్సరం వైశాఖ శుక్ల తృతీయ తిథి నాడు అంటే అక్షయ తృతీయ నాడు బృందావనంలోని బంకే బిహారీ పాదాలను దర్శించే భాగ్యం కలుగుతుంది. భగవంతుని పాదాలను ఏడాది పొడవునా వస్త్రాలతో కప్పి ఉంచడంతో.. సంవత్సరానికి ఒకసారి అంటే అక్షయ తృతీయ రోజున మాత్రమే పాద దర్శనం పొందుతారు. ఈరోజు కన్నయ్య పాదాల దర్శనం కోసం భారీ సంఖ్యలో భక్తులు ఆలయం వద్దకు చేరుకుంటారు. బాంకే బిహారీ పాదాలను దర్శించుకునేందుకు దేశం నలుమూలల నుంచి మాత్రమే కాదు విదేశాల నుంచి కూడా బృందావనానికి వస్తుంటారు.
ఆలయ చరిత్ర కథనం ప్రకారం చాలా సంవత్సరాల క్రితం స్వామి హరిదాస్ భక్తి , ఆరాధనకు సంతోషించిన బాంకే బిహారీ నిధివన్‌లో కనిపించారు. స్వామి హరిదాస్ బాంకే బిహారీని పూర్తి భక్తితో సేవించేవారు. వారు కూడా ఆయనకు ఇష్టమైన వంటకాలు అందించి పూజలు చేశారు. బ్యాంక్ బిహారీ సేవలో ఉన్నప్పుడు, అతను ఒకసారి ఆర్థిక సంక్షోభాన్ని ఎదుర్కోవలసి వచ్చింది. అతనికి ఎవరి నుంచి సహాయం లభించలేదు. అప్పుడు ఠాకూర్ జీ స్వామిజీకి తన పాద దర్శనం ఇచ్చాడు. స్వామి బంకే బిహారీ పాదాల వద్ద బంగారు నాణెం కనిపించి స్వామి ఆర్ధిక కష్టాన్ని తీర్చింది.
అలా స్వామిజీకి డబ్బు కొరత ఏర్పడినప్పుడల్లా ఠాకూర్ జీ పాదాల నుంచి బంగారు నాణేలు పొందేవాడని నమ్ముతారు. అందుకే బాంకే బిహారీ జీ పాదాల దర్శనం ప్రతిరోజూ ఉండదు. అతని పాదాలు ఏడాది పొడవునా దుస్తులతో కప్పబడి ఉంటాయి. అక్షయ తృతీయ రోజున మాత్రమే ఆయన పాదాలు దర్శనమిస్తాయి. ఎందుకంటే స్వామివారు తొలిసారిగా స్వామివారి పాద దర్శనం చేసుకున్న రోజు. ఆ రోజు అక్షయ తృతీయ. అందుకే.. అప్పటి నుంచి అక్షయ తృతీయ రోజున బంకే బిహారీ పాదాల దర్శనం ఇచ్చే సంప్రదాయం కొనసాగుతోంది. సంవత్సరానికి ఒకసారి అక్షయ తృతీయ శుభ సందర్భంగా, భగవంతుని పాద దర్శనం చేసుకునే సువర్ణావకాశం భక్తులకు లభిస్తుంది.
పాద దర్శన ప్రాముఖ్యత ఏమిటో తెలుసా?
అక్షయ తృతీయ సందర్భంగా బంకే బిహారీ పాదాలను దర్శించుకోవడం వల్ల ప్రజలకు ఆనందం, అదృష్టం కలుగుతుందని నమ్ముతారు. ఈ రోజున భగవంతుని పాదాలను దర్శించుకునే భక్తుల కోరికలను తీరుస్తాడు. కష్టాలన్నీ తొలగిపోతాయని విశ్వాసం. అంతే కాకుండా జీవితంలో వచ్చే అడ్డంకుల నుండి విముక్తి లభిస్తుంది. ఇంట్లో ఎప్పుడూ డబ్బుకు లోటు ఉండదు. ఎల్లప్పుడూ సుఖ శాంతితో నిండి ఉంటుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు
