Akshaya Tritiya: ఈ రోజు అక్షయ తృతీయ… పూజ విధానం, శుభముహర్తం, చేయాల్సిన దానాలు పూర్తి వివరాలు మీ కోసం

ఈ సంవత్సరం మే 10, 2024 అంటే ఈరోజు అక్షయ తృతీయ పర్వదినం. అక్షయ్ అంటే ఎప్పటికీ క్షీణించనిది. ఎప్పుడూ శాశ్వతంగా ఉంటుంది. పురాణాల ప్రకారం అక్షయ తృతీయ తిథి దేవుని తిథి, అందుకే ఈ రోజున లక్ష్మీ దేవిని, కుబేర దేవుడిని, శ్రీమహావిష్ణువును పూజించడం వలన తరగని సంపదను ఇస్తుంది.  అక్షయ తృతీయ రోజున కొనుగోలు చేసిన వస్తువులు ఆ వ్యక్తి వద్ద శాశ్వతంగా ఉండి, అతనికి శ్రేయస్సును అందిస్తాయి. అటువంటి పరిస్థితిలో అక్షయ తృతీయ రోజున పూజ, షాపింగ్ చేయడానికి అనుకూలమైన సమయం ఏమిటో తెలుసుకుందాం.. పూజా విధానం ఏమిటి? ఈ రోజున ఏ పని చేయవచ్చు తెలుసుకుందాం..

అక్షయ తృతీయ సమగ్ర పూజ:

అక్షయ తృతీయ రోజున పూజ కోసం పూజ పీఠం, పసుపు వస్త్రం, 2 మట్టి కుండలు, కుంకుమ, బియ్యం, పసుపు, యాలకులు, గంగాజలం, చందనం, పసుపు, కుంకుమ, కర్పూరం, తమలపాకులు, పసుపు పువ్వులు, లక్ష్మి-విష్ణువు చిత్రపటం, ధూపం, నాణేలు, పంచామృతం, పండ్లు, పువ్వులు, కొబ్బరి కాయలు, దీపం, అష్టగంధ లతో పాటు ఈ రోజు కొనుగోలు చేసిన వస్తువులను లక్ష్మీదేవికి సమర్పించండి.

అక్షయ తృతీయ శుభ సమయం

వైశాఖ మాసంలోని శుక్ల పక్షంలోని అక్షయ తృతీయ రోజున అబుజ్హ ముహూర్తంలో ఒకటిగా పరిగణించబడుతుంది. బంగారం, వెండి, వాహనాలు, ఆస్తులు కొనుగోలు చేయడానికి ఈ రోజు ఉత్తమంగా పరిగణించబడుతుంది.

అక్షయ తృతీయ 2024 షాపింగ్ అనుకూల సమయం

అక్షయ తృతీయ నాడు బంగారం కొనడానికి అనుకూలమైన సమయం – మే 10వ తేదీ ఉదయం 05:45 నుండి మే 11వ తేదీ ఉదయం 02:50 వరకు.

అక్షయ తృతీయ నాడు పూజ సమయం – మే 10 ఉదయం 5:45 నుండి మధ్యాహ్నం 12:05 వరకు.

అక్షయ తృతీయపై దాతృత్వం

అక్షయ తృతీయ రోజున భూమి, నువ్వులు, బంగారం, వెండి, నెయ్యి, బట్టలు, ఉప్పు, తేనె, పండ్లు, బియ్యం,    ధాన్యం మొదలైన వాటిని దానం చేయండి.

అక్షయ తృతీయ పూజ విధి

1. అక్షయ తృతీయ రోజున పూజ పీఠంపై పసుపు వస్త్రాన్ని పరచి దానిపై బియ్యం ఉంచండి.
2. తర్వాత  విష్ణువు, లక్ష్మిదేవి విగ్రహాలను ఉంచండి. కలశాన్ని ఏర్పాటు చేసి పూజ చేయండి.
3. నీరు సమర్పించి, గంధం, అక్షతం, పువ్వులు, పసుపు, కుంకుమలను సమర్పించండి.
4. తర్వాత ఇతర పూజా సామాగ్రి సమర్పించాలి.
5. పూజ సామగ్రిని సమర్పించిన తర్వాత, భగవంతుడికి స్వీట్లు లేదా పండ్లు సమర్పించండి.
6. తర్వాత అందరికీ ప్రసాదం పంచండి. దీని తర్వాత మీ శక్తి మేరకు మేరకు దానం చేయండి.

అక్షయ తృతీయ సమర్పించాల్సిన నైవేద్యం

అక్షయ తృతీయ నాడు పూజ సమయంలో లక్ష్మీ దేవికి తెలుపు రంగు స్వీట్ ను సమర్పించండి. అంతేకాదు  అక్షయ తృతీయ రోజున లక్ష్మీ దేవికి మఖానాతో చేసిన ఆహార పదార్ధాలను తయారు చేసి సమర్పించవచ్చు. దీనితో పాటు అక్షయ తృతీయ ఆరాధన సమయంలో లక్ష్మీ దేవికి మఖానాతో చేసిన ఖీర్‌ను కూడా సమర్పించవచ్చు. అదే సమయంలో అక్షయ తృతీయ నాడు పూజ ముగిసిన తర్వాత, లక్ష్మీదేవికి తాంబూలం సమర్పించండి.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు