Zodiac Signs: జ్యోతిష్య శాస్త్రం ప్రకారం 12 రాశి చక్రాలు ఉన్నాయి. పుట్టిన కాలం, సమయం ప్రకారం వ్యక్తుల రాశి చక్రాలు ఉంటాయి. 12 రాశుల స్వభావం భిన్నంగా ఉన్నట్లుగానే.. ఆ రాశుల వారి మనస్తత్వాలు కూడా చాలా భిన్నంగా ఉంటాయి. ఇవాళ మనం మేష రాశి వారికి సంబంధించిన ఆసక్తికర వివరాలు తెలుసుకుందాం.. కాల పురుషుని జాతకంలో మేషం మొదటి రాశిగా పేర్కొంటారు. జ్యోతిష్యశాస్త్రంలో మేషరాశి గురించి కొన్ని ప్రత్యేక విషయాలు చెప్పబడ్డాయి. అవేంటో ఇప్పుడు తెలుసుకుందాం..
కష్టపడి పనిచేస్తారు..
మేషరాశి వారి ప్రత్యేకత ఏంటంటే.. వీరు చాలా కష్టపడి పనిచేస్తారు. కష్టపడి పనిచేయడానికి ఎప్పుడూ భయపడరు. సోమరితనంతో అస్సలు ఉండదరు. ఈ కారణంగానే మేష రాశి వారు జీవితంలో ఉన్నత స్థాయిలో నిలుస్తారు. మంచి విజయాన్ని పొందుతారు.
మేష రాశికి అధిపతి అంగారక గ్రహం..
జ్యోతిష్య శాస్త్రం ప్రకారం మేష రాశికి అధిపతి అంగారక గ్రహం. అంగారక గ్రహం ధైర్యం, శక్తికి సూచికగా పరిగణించబడుతుంది. మేష రాశివారి జాతకంలో కుజుడు శుభప్రదంగా, బలంగా ఉన్నప్పుడు ఈ రాశి వారు చాలా ధైర్యంగా ఉంటారు. ఈ వ్యక్తులు తమ నైపుణ్యంతో ప్రతి పనిలో విజయం సాధిస్తారు.
మొండి పట్టుదలగలవారు..
మేష రాశి వారు చాలా మొండిగా ఉంటారు. వీరి ఒకసారి నిర్ణయించుకుంటే.. ఆ పనిలో వెనకడుగు వేసే ప్రసక్తే లేదు. చేయాలనుకున్న పని చేసిన తరువాత వెనక్కి తగ్గుతారు. ఒక్కసారి అడుగు ముందుకు పడిందంటే.. గమ్యం చేరే వరకు ఎంత కష్టం వచ్చినా, ఎన్ని ఒడిదుడుకులు వచ్చినా వెనక్కి తగ్గకుండా ముందుకు సాగుతారు.
మేషరాశికి దోషమిదే..
మేష రాశివారిలో కొన్ని చెడు గుణాలు, దోషాలు కూడా కనిపిస్తాయి. మేషరాశి వారు తమ కోపాన్ని నియంత్రించుకోవడం నేర్చుకోవాలి. అంగారకుడి ప్రభావం వల్ల మేషరాశి వారికి త్వరగా కోపం వస్తుంది. దానివల్ల భారీ నష్టాన్ని ఫేస్ చేయాల్సి వస్తుంది. మేషరాశి వారి మాటలు కూడా కఠువుగా ఉంటాయి. అందుచేత తమ మాటల్లో మాధుర్యాన్ని తీసుకోవడానికి ప్రయత్నించాలి.
మరిన్ని ఆధ్యాత్మిక వార్తల కోసం ఈ లింక్ క్లిక్ చేయండి..