మీరు తరచూ ప్రేమలో మోసపోతున్నారా? మీ జాతకంలో దోషం ఇదే.. ఇలా చేయండి
కొంతమంది తాము ప్రేమించిన వ్యక్తి మోసం చేశాడని బాధపడుతూ ఉంటారు. మరికొందరు తమను ప్రేమించిన వ్యక్తి నమ్మకం చూపించడం లేదని, క్రమంగా తమ నుంచి దూరమవుతున్నాడని అనుకుంటూ దిగులులో మునిగిపోతారు. తాము ఎలాంటి షరతులు లేకుండా ప్రేమను అర్పించినప్పటికీ, ఎదుటి వ్యక్తి దూరంగా ప్రవర్తిస్తుంటే తీవ్ర ఆవేదనకు గురవుతారు. అయితే, వాస్తు శాస్త్రం ప్రకారం ఈ తరహా పరిస్థితులకు కొన్ని కారణాలు ఉండవచ్చని పండితులు పేర్కొంటున్నారు.
కొంతమంది తాము ప్రేమించిన వ్యక్తి మోసం చేశారంటూ బాధ పడుతూ ఉంటారు. మరికొంత మంది తాము ప్రేమించిన వ్యక్తి తమను నమ్మడం లేదని, తమకు దూరమవుతున్నారని విచారంలోకి వెళుతుంటారు. తాము ఎలాంటి షరతులు లేకుండా ప్రేమను పంచినా.. తమను దూరం పెడుతన్నారంటే ఆవేదన చెందుతుంటారు. అయితే, వాస్తు శాస్త్రం ప్రకారం ఇందుకు పలు కారణాలున్నాయని పండితులు చెబుతున్నారు.
మీ జాతకంలో ఐదవ ఇంట ఉన్న గ్రహాలు కారణం కావచ్చంటున్నారు. జ్యోతిష్య శాస్త్రంలో ఐదవ ఇంటిని ప్రేమ, శృంగారం, భావోద్వేగాల ఇల్లుగా పరిగణిస్తారు. మీ ప్రేమ జీవితంలో ఏ గ్రహాలు విలన్ పాత్ర పోషిస్తున్నాయో ఇప్పుడు తెలుసుకుందాం.
జాతకంలో ఐదవ ఇల్లు ఏంటి?
జ్యోతిష్యశాస్త్ర గణనల ప్రకారం.. జాతకంలోని ఐదవ ఇల్లు మన హృదయ భావోద్వేగాలను, సృజనాత్మకతను, ప్రేమ సంబంధాలను నియంత్రిస్తుంది. ఈ ఇంటి అధిపది, ఐదవ ఇల్లు బలంగా ఉండి.. శుభ గ్రహాలచే దృష్టిని కలిగిఉంటే.. ఆ వ్యక్తి ప్రేమ జీవితం సంతోషంగా ఉంటుంది. అయితే, ఈ ఇల్లు క్రూరమైన లేదా పాపాత్మకమైన గ్రహాలచే ప్రభావితమైనప్పుడు సంబంధాలు విచ్ఛిన్నం కావడం మొదలవుతుంది.
ఈ గ్రహాలే మోసాలకు కారణం
జ్యోతిష్యశాస్త్ర గణనల ప్రకారం.. మీ జాతకంలో ఐదవ ఇంట్లో శని, కుజుడు లేదా సూర్యుడు నీచ స్థితిలో ఉంటే.. అది ప్రేమ సంబంధాలకు మంచి సంకేతం కాదు.
శని: సంబంధాలలో ఏకస్వామ్యం, దూరాన్ని తెస్తుంది. ఇది విడిపోవడానికి కారణమవుతుంది.
కుజుడు: ప్రేమలో కోపం, అహంకారం, వివాదాలను సృష్టిస్తుంది. ఇది విడిపోవడానికి దారితీస్తుంది.
సూర్యుడు: సూర్యుడు నీచ స్థితిలో ఉంటే.. ఆ వ్యక్తి అహంకారం ఎంతగా పెరిగిపోతుందంటే అతన తన భాగస్వామి భావాలను విస్మరించడం ప్రారంభిస్తాడు.
రాహువు భ్రమల వలయం
జ్యోతిష్య శాస్త్రం ప్రకారం.. ఐదవ ఇంట్లో రాహువు ఉండటం అత్యంత ప్రమాదకరమైన స్థితిగా పరిగణించబడుతుంది. రాహువు భ్రమలను సృష్టించే నీడ గ్రహం కావడంతో, ఈ స్థితిలో ఉన్న వ్యక్తులు తరచుగా తప్పు భాగస్వామిని ఎంచుకునే అవకాశం ఉంటుంది. కొన్నిసార్లు నిజమైన గుర్తింపును దాచిపెట్టి, మోసపూరితంగా అనుబంధం ఏర్పరచుకునే భాగస్వామిని కూడా వారు ఎదుర్కొనవచ్చు.
రాహువు ప్రభావంతో వ్యక్తి అనుబంధంలో అంధత్వానికి లోనై మోసానికి గురయ్యే పరిస్థితులు ఏర్పడతాయి. గ్రహ దృష్టి ప్రభావానికి ఈ ఇంట్లో గ్రహాలు ప్రత్యక్షంగా ఉండాల్సిన అవసరం లేదు. శని లేదా కుజుడు వంటి క్రూర గ్రహాలు ఐదవ ఇంటిపై చెడు దృష్టి ఉంచినప్పుడు, ప్రేమ సంబంధాలలో ద్వేషం, కలహాలు, సంఘర్షణలు నిరంతరం కొనసాగుతాయి.
జ్యోతిష్య పరిహారాలు ఏంటి?
ఐదవ ఇంటిని బలోపేతం చేయండి:
మీ జాతక చక్రం ప్రకారం ఐదవ ఇంటి అధిపతి గ్రహానికి సంబంధించిన రత్నాన్ని ధరించడం శుభ ఫలితాలను ఇస్తుంది.
రాహువుకు పరిహారాలు:
రాహువు అడ్డంకులు సృష్టిస్తున్నట్లయితే, శనివారం రోజున ప్రవహించే నీటిలో కొబ్బరికాయను వదిలేయడం లేదా రాహు మంత్రాన్ని నిత్యం జపించడం ప్రయోజనకరం.
శివ–పార్వతి ఆరాధన:
ప్రేమ సంబంధాలలో విజయం సాధించేందుకు, విశ్వసనీయమైన భాగస్వామిని పొందేందుకు శివుడు, పార్వతి దేవిని కలిసి పూజించడం అత్యంత ఫలదాయకంగా భావించబడుతుంది.
శుక్రుడిని బలోపేతం చేయండి:
శుక్రుడు ప్రేమ, ఆకర్షణలకు కారక గ్రహం. శుక్రవారాల్లో తెల్లటి వస్తువులను దానం చేయడం వల్ల ప్రేమ జీవితంలో మాధుర్యం, స్థిరత్వం పెరుగుతాయి.
Note: ఈ వార్తలోని సమాచారం మత విశ్వాసాలు, జ్యోతిష్యశాస్త్రంపై ఆధారపడి ఉంది. TV9తెలుగు దీనిని ధృవీకరించదు.