iQoo 12 Series: ఐకూ నుంచి ప్రీమియం స్మార్ట్ ఫోన్‌.. సూపర్‌ ఫీచర్స్‌..
చైనాకు చెందిన స్మార్ట్ ఫోన్‌ దిగ్గజం ఐకూ మార్కెట్లోకి కొత్త ఫోన్‌ను లాంచ్‌ చేసింది. బడ్జెట్‌ ఫోన్‌లకు పెట్టింది పేరైన ఐకూ తాజాగా మార్కెట్లోకి మరో కొత్త ఫోన్‌ను లాంచ్‌ చేసింది. అయితే ఈసారి ప్రీమియం మార్కెట్‌ను టార్గెట్‌ చేసుకొని ఈ ఫోన్‌ను విడుదల చేశారు. ఐకూ 12 సిరీస్‌ పేరుతో ఈ కొత్త ఫోన్‌ను విడుదల చేశారు. ఈ సిరీస్‌లో భాగంగా మొత్తం రెండు ఫోన్‌లను తీసుకొచ్చారు. ఇంతకీ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు మీకోసం..
స్మార్ట్ ఫోన్‌ దిగ్గజ సంస్థ ఐకూ ప్రీమియం స్మార్ట్ ఫోన్‌ను తీసుకొచ్చింది. ఐకూ 12 సిరీస్‌లో ఈ ఫోన్‌ను లాంచ్‌ చేశారు. ఐకూ 12 సిరీస్‌లో భాగంగా.. ఐకూ 12, ఐకూ 12 ప్రో స్మార్ట్ ఫోన్‌లను లాంచ్‌ చేశారు. ధర విషయానికొస్తే 12 జీబీ ర్యామ్‌, 256 జీబీ స్టోరేజ్ ధర రూ. 45,000కాగా, 16 జీబీ ర్యామ్‌, 512 జీబీ స్టోరేజ్ ధర రూ. 50,000, 16 జీబీ ర్యామ్‌, 1 టీబీ స్టోరేజ్ వేరియంట్‌ ధర రూ. 53,000గా నిర్ణయించారు.
1 / 5
ఇక ఈ ఫోన్‌ ఫీచర్ల విషయానికొస్తే ఇందులో.. 6.78 ఇంచెస్‌తో కూడిన అమోఎల్‌ఈడీ డిస్‌ప్లేను అందించారు. 1.5కే రిజల్యూషన్, 144 హెర్ట్జ్ వరకు అడాప్టివ్ రిఫ్రెష్ రేట్, 20:9 యాస్పెక్ట్ రేషియో ఈ ఫోన్‌ సొంతం. ఇక ఆక్టాకోర్ 4ఎన్ఎం క్వాల్‌కాం స్నాప్‌డ్రాగన్ 8 జెన్ 3 ప్రాసెసర్‌పై పనిచేసే ఈ ఫోన్‌లో ఆండ్రాయిడ్ 14 ఆపరేటింగ్‌ సిస్టమ్‌ను అందించారు.
2 / 5
కెమెరా విషయానికొస్తే ఈ స్మార్ట్ ఫోన్‌లో ట్రిపుల్ కెమెరా సెటప్‌తో కూడిన రెయిర్‌ కెమెరాను ఇచ్చారు. ఇందులో 50 మెగాపిక్సెల్‌, 64 మెగాపిక్సెల్‌, 50 ఎంపీ కెమెరాను అందించారు. ఇక సెల్ఫీల విషయానికొస్తే ఇందులో 16 మెగాపిక్సెల్స్‌తో కూడిన ఫ్రంట్ కెమెరాను అందించారు.
3 / 5
ఐకూ 12 సిరీస్‌ ఫోన్‌లో 120 వాట్స్‌ ఫాస్ట్ ఛార్జింగ్‌కు సపోర్ట్ చేసే.. 5000 ఎంఏహెచ్‌ బ్యాటరీని అందించారు. సెక్యూరిటీ కోసం ఇన్ డిస్‌ప్లే ఫింగర్ ప్రింట్ సెన్సార్ను అందించారు.
4 / 5
ఇక ఈ స్మార్ట ఫోన్‌లో బరువు విషయానికొస్తే 203 గ్రాములుగా ఉంది. అలాగే ఈ ఫోన్‌ను 0.81 సెంటీమీటర్ల మందంతో రూపొందించారు. డిసెంబర్ 12వ తేదీ నుంచి ఐకూ 12 సిరీస్‌ మార్కెట్లోకి అందుబాటులోకి రానుంది.
