June 2024 Monthly Horoscope: వారికి ఈ నెలంతా నిత్య కల్యాణం పచ్చతోరణంలా సాగిపోతుంది..12 రాశుల వారికి జూన్ మాసఫలాలు
మాస ఫలాలు (జూన్ 1 నుంచి జూన్ 30, 2024 వరకు): మేష రాశి వారికి ఈ నెలంతా అనుకూల కాలం. వృత్తి, ఉద్యోగాల్లోనే కాకుండా కుటుంబంలో కూడా అనుకోకుండా కొన్ని శుభ పరిణామాలు చోటుచేసుకుంటాయి. వృషభ రాశి వారికి ఈ నెల ఆదాయం బాగా వృద్ధి చెందడానికి, ఆకస్మిక ధన లాభానికి బాగా అవకాశం ఉంది. మిథున రాశి వారికి ఆదాయానికి లోటుండదు. ఆర్థికపరంగా ఏ ప్రయత్నంత తలపెట్టినా విజయ వంతం అవుతుంది. మేష రాశి మొదలు మీన రాశి వరకు 12 రాశుల వారికి జూన్ మాసఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1): రాశ్యధిపతి కుజుడు ఈ రాశిలో ప్రవేశించడం, ధన స్థానంలో మూడు శుభ గ్రహాలు కలుసుకోవడం, లాభ స్థానంలో శని సంచారం వంటి కారణాల వల్ల ఈ రాశి వారికి ఈ నెలంతా అనుకూల కాలం నడుస్తోందని చెప్పవచ్చు. వృత్తి, ఉద్యోగాల్లోనే కాకుండా కుటుంబంలో కూడా అనుకోకుండా కొన్ని శుభ పరిణామాలు చోటుచేసుకుంటాయి. నిరుద్యోగులకు, ఉద్యోగులకు విదేశాల నుంచి కూడా ఆశించిన ఆఫర్లు అందుతాయి. అనుకున్న పనులు అనుకున్నట్టు జరిగిపోతాయి. వృత్తి, ఉద్యో గాల్లో సానుకూల మార్పులకు అవకాశం ఉంది. సాధారణంగా ఏ ప్రయత్నం తల పెట్టినా విజయవంతం అవుతుంది. వ్యాపారాల్లో అంచనాలకు మించి లాభాలు పెరుగుతాయి. ఆదాయం నిలకడగా ఉంటుంది. విందులు, వినోదాలు, విలాసాల మీద ఖర్చు ఎక్కువయ్యే అవకాశం ఉంది. రావలసిన డబ్బు చేతికి అందుతుంది. బాకీలు, బకాయిలు వసూలు అవుతాయి. ఆరోగ్యం సహక రిస్తుంది. కుటుంబ పరిస్థితి మెరుగ్గా ఉంటుంది. జీవిత భాగస్వామికి అధికార యోగం పడుతుంది.
1 / 12
వృషభం (కృత్తిక 2,3,4, రోహిణి, మృగశిర 1,2): ఈ రాశిలో రాశ్యధిపతి శుక్రుడు, గురు, బుధ, రవుల సంచారం, లాభస్థానంలో రాహువు సంచారం బాగా అనుకూలంగా ఉన్నందువల్ల ఆదాయం బాగా వృద్ధి చెందడానికి, ఆకస్మిక ధన లాభానికి బాగా అవకాశం ఉంది. ఉద్యోగంలో ప్రాధాన్యం, ప్రాభవం కొనసాగుతాయి. వృత్తి, వ్యాపారాలు మూడు పువ్వులు ఆరు కాయలుగా సాగిపోతాయి. ఆదాయానికి, ఆరోగ్యానికి లోటుండదు. అదనపు ఆదాయ సంబంధమైన ప్రయత్నాలు సత్ఫలితాలనిస్తాయి. ఇంట్లో శుభకార్యాలు జరిగే అవకాశం ఉంది. ఆర్థిక లావాదేవీల జోలికి పోకపోవడం మంచిది. విలాసాల మీద, స్నేహితుల మీద అనవసర ఖర్చులు పెరిగే సూచనలున్నాయి. ముఖ్యమైన వ్యవహారాలు, కార్యకలాపాలు వ్యయ ప్రయాసలతో పూర్తవుతాయి. పిల్లల నుంచి శుభవార్తలు వింటారు. ఒకటి రెండు కుటుంబ సమస్యలు ఇబ్బంది పెట్టే అవకాశం ఉంది. ఉద్యోగ, పెళ్లి ప్రయత్నాలకు ఆశించిన స్పందన లభి స్తుంది. ఆస్తి వివాదాలు పరిష్కార దిశగా సాగుతాయి. జీవిత భాగస్వామితో అన్యోన్యత పెరుగుతుంది.
2 / 12
మిథునం (మృగశిర 3,4, ఆర్ద్ర, పునర్వసు 1,2,3): ఈ రాశివారికి ప్రస్తుతం రాహువు దశమంలో, కుజుడు లాభస్థానంలో యోగదాయకంగా ఉన్నాయి. వీటివల్ల ఆదాయానికి లోటుండదు. ఆర్థికపరంగా ఏ ప్రయత్నంత తలపెట్టినా విజయవంతం అవుతుంది. మంచి పరిచయాలు ఏర్పడతాయి. ఆర్థిక సమస్యల నుంచి విముక్తి లభి స్తుంది. రాశ్యధిపతి బుధుడు వ్యయంలో శుభ గ్రహాలతో కలిసి ఉన్నందువల్ల ఇంట్లో శుభ కార్యాలు జరుగుతాయి. ఖర్చులు బాగా తగ్గుతాయి. తీర్థయాత్రలు చేయడం జరుగుతుంది. తప్పకుండా శుభ వార్తలు వినడం, శుభ పరిణామాలు చోటు చేసుకోవడం జరుగుతుంది. జీవితం ఆశించిన విధంగా ఉత్సాహంగా సాగిపోతుంది. వృత్తి, ఉద్యోగాలలో ఒత్తిడి నుంచి ఉపశమనం లభిస్తుంది. వ్యాపారాలు లాభాల బాట పడతాయి. నిరుద్యోగులకు మంచి ఆఫర్ అందే అవకాశం ఉంది. పెళ్లి ప్రయత్నాలు ఒక కొలిక్కి వస్తాయి. వ్యాపారంలో పెట్టుబడులు పెంచడానికి వీలుంది. సొంత నిర్ణయాల మీద ఆధారపడడం మంచిది. ఆరోగ్యం చాలావరకు అనుకూలంగా ఉంటుంది.
3 / 12
కర్కాటకం (పునర్వసు 4, పుష్యమి, ఆశ్లేష): లాభ స్థానంలో మూడు శుభ గ్రహాలు, దశమ స్థానంలో కుజుడు సంచారం చేస్తున్నందువల్ల అనేక ఉత్తమ ఫలితాలు అనుభవానికి వస్తాయి. ఈ నెలంతా చాలావరకు సుఖ సంతోషాలతో సాగిపో తుంది. అష్టమ శని కారణంగా ఉద్యోగంలో పనిభారం, వృత్తి, వ్యాపారాల్లో శ్రమాధిక్యత ఉండే అవ కాశం ఉంది. కుటుంబ జీవితం ఉత్సాహంగా, ఉల్లాసంగా గడిచిపోతుంది. ఆదాయం బాగా పెరిగి, ఆర్థిక స్థిరత్వం ఏర్పడుతుంది. వృత్తి, వ్యాపారాలు లాభాల బాట పడతాయి. ఉద్యోగ జీవితం సామ రస్యంగా సాగిపోతుంది. ఎంతో సమయస్ఫూర్తితో ఒకటి రెండు వ్యక్తిగత సమస్యలను పరిష్కరిం చుకుంటారు. అదనపు ఆదాయ మార్గాలు పెరిగే అవకాశం ఉంది. ఆహార, విహారాల్లో జాగ్రత్తగా ఉండడం మంచిది. పిల్లల నుంచి శుభవార్తలు వింటారు. ముఖ్యమైన కార్యకలాపాలను సంతృప్తి కరంగా పూర్తి చేస్తారు. పెళ్లి, ఉద్యోగ ప్రయత్నాల్లో ఆశించిన శుభవార్తలు వింటారు. ఏ పని తల పెట్టినా విజయవంతంగా పూర్తవుతుంది. కుటుంబంలో ఒకటి రెండు శుభ పరిణామాలు చోటు చేసుకుంటాయి.
4 / 12
సింహం (మఖ, పుబ్బ, ఉత్తర 1): దశమ స్థానంలో శుభ గ్రహాల యుతి కారణంగా వృత్తి, ఉద్యోగాల్లో అనుకూలతలు పెరుగుతాయి. ఉద్యోగానికి సంబంధించిన ప్రతి ప్రయత్నమూ నెరవేరుతుంది. రాజకీయ ప్రముఖులతో పరిచ యాలు వృద్ధి చెందుతాయి. నిరుద్యోగుల ప్రయత్నాలన్నీ ఫలిస్తాయి. సప్తమంలో శనీశ్వరుడి సంచారం వల్ల ఇంటా బయటా ఒత్తిడి కాస్తంత ఎక్కువగా ఉన్నా గౌరవ మర్యాదలు పెరిగే అవ కాశం ఉంది. ఆర్థికంగా ఇబ్బందుల నుంచి చాలావరకు బయటపడతారు. వృత్తి, ఉద్యోగాల్లో భారీగా మార్పులు చోటు చేసుకుంటాయి. అనేక విధాలుగా పురోగతి ఉంటుంది. ఉద్యోగంలో ఆశించిన స్థిరత్వం లభిస్తుంది. వ్యాపారాలు కొత్త పుంతలు తొక్కుతాయి. వివాహ ప్రయత్నాలు విజయ వంతం అవుతాయి. కొద్ది ప్రయత్నంతో ముఖ్యమైన వ్యవహారాలు, పనులు పూర్తవుతాయి. కుటుంబ జీవితం సామరస్యంగా సాగిపోతుంది. ఒకటి రెండు వ్యక్తిగత సమస్యలు పరిష్కారం అవుతాయి. ఆరోగ్యం విషయంలో జాగ్రత్తగా ఉండడం మంచిది. ఆర్థిక లావాదేవీలకు దూరంగా ఉండాలి.
5 / 12
కన్య (ఉత్తర 2,3,4, హస్త, చిత్త 1,2): ఈ నెలంతా భాగ్య స్థానంలో శుభ గ్రహాల సంచారం వల్ల అనేక విధాలుగా కలిసి వస్తుంది. ఏ ప్రయత్నం తలపెట్టినా నెరవేరే అవకాశం ఉంటుంది. వృత్తి, ఉద్యోగాల్లో మీ ప్రాభవం బాగా పెరుగుతుంది. జీవితం సానుకూల మలుపులు తిరుగుతుంది. ఆర్థిక సమస్యలు చాలావరకు పరిష్కారమవుతాయి. విదేశీయాన యోగం ఉంది. నిరుద్యోగులకే కాకుండా, ఉద్యోగులకు కూడా విదేశాల నుంచి ఆఫర్లు అందుతాయి. ఆశించిన శుభ పరిణామాలు చోటు చేసుకుంటాయి. ఆదాయం బాగా మెరుగుపడుతుంది. పలువురు మిత్రులకు ఆర్థికంగా సహాయం చేస్తారు. వృత్తి, ఉద్యోగాల్లో మీ ప్రతిభా పాటవాలు, శక్తిసామర్థ్యాలు ఆశించిన స్థాయిలో రాణిస్తాయి. శుభ కార్యాలు, దైవ కార్యాల్లో పాల్గొంటారు. వ్యాపారాల్లో లాభాలు అంచనాలను మించుతాయి. పిల్లలు ఆశించిన విధంగా అభివృద్ధిలోకి వస్తారు. పెళ్లి ప్రయత్నాల్లో శుభ వార్తలు వింటారు. అనారోగ్యం నుంచి కూడా ఉపశమనం లభిస్తుంది. రాహు, కేతువులకు పరిహారం చేయించడం మంచిది.
6 / 12
తుల (చిత్త 3,4, స్వాతి, విశాఖ 1,2,3): అష్టమ స్థానంలో శుభ గ్రహాల స్థితి వల్ల కొద్దిగా ఆరోగ్య సమస్యలున్నప్పటికీ ఆదాయం మాత్రం ఇబ్బడిముబ్బడిగా పెరుగుతుంది. ఆకస్మిక ధన లాభానికి అవకాశం ఉంది. ప్రముఖులతో పరి చయాలు పెరుగుతాయి. రాజకీయంగా కూడా ప్రాబల్యం పెరుగుతుంది. ఈ నెలంతా తప్పకుండా కొన్ని శుభ ఫలితాలు, శుభ పరిణామాలు అనుభవానికి వస్తాయి. ఏ ప్రయత్నం తలపెట్టినా విజయవంతం అవుతుంది. ఉద్యోగంలో ఆదరణ, ప్రోత్సాహం బాగా పెరుగుతాయి. అధికారులతో బాధ్యతలు పంచుకోవడం జరుగుతుంది. వృత్తి, వ్యాపారాల్లో పురోగతి చెందుతారు. సొంత ఆలోచ నలు ఉపయోగపడతాయి. నిరుద్యోగులకు మంచి ఆఫర్లు అందే అవకాశం ఉంది. ఉద్యోగంలో సానుకూల మార్పులకు, ఉద్యోగం మారడానికి సమయం అనుకూలంగా ఉంది. ఆదాయపరంగా దినదినాభివృద్ధి ఉంటుంది. జీవిత భాగస్వామికి వృత్తి, ఉద్యోగాల పరంగా మంచి గుర్తింపు లభి స్తుంది. ఆరోగ్యం చాలావరకు బాగానే ఉంటుంది. పిల్లల నుంచి శుభవార్తలు వినే అవకాశం ఉంది.
7 / 12
వృశ్చికం (విశాఖ 4, అనూరాధ, జ్యేష్ట): రాశ్యధిపతి కుజుడు స్వస్థానంలోకి రావడం, సప్తమ స్థానంలో శుభ గ్రహాలు యుతి చెందడం వల్ల నెలంతా శుభ వార్తలతో సానుకూలంగా గడిచిపోతుంది. ఇంట్లో శుభ కార్యాలు జరుగుతాయి. పెళ్లి ప్రయత్నాలు సఫలం అవుతాయి. సంపన్న కుటుంబానికి చెందిన వ్యక్తితో వివాహం నిశ్చయం అవుతుంది. అనుకున్న పనులు అనుకున్నట్టు పూర్తవుతాయి. ముఖ్యమైన ప్రయత్నాలు తప్పకుండా విజయవంతం అవుతాయి. వృత్తి, ఉద్యోగాల్లో ప్రాధాన్యం పెరుగుతుంది. ఉద్యోగంలో కొన్ని సానుకూల మార్పులు చేర్పులు చోటు చేసుకుంటాయి. ఆర్థికంగా ఉచ్ఛ స్థితికి చేరుకుం టారు. వ్యాపారాల్లో పెట్టుబడులు పెట్టడం వల్ల ఉపయోగం ఉంటుంది. విదేశాల నుంచి శుభ వార్తలు అందుతాయి. ఇతర దేశాల్లో ఉంటున్న పిల్లలు ఇంటికి రావడం జరుగుతుంది. ఆరోగ్యం బాగానే ఉంటుంది. ఆర్థిక స్థిరత్వం ఏర్పడుతుంది. ప్రయాణాల వల్ల ఆర్థిక లాభం కలుగుతుంది. నిరుద్యోగులకు ఉద్యోగ యోగం పడుతుంది. అనుకోకుండా ప్రేమ వ్యవహారంలో పడే అవకాశం ఉంది.
8 / 12
ధనుస్సు (మూల, పూర్వాషాఢ, ఉత్తరాషాఢ 1): తృతీయ స్థానంలో సంచారం చేస్తున్న శనీశ్వరుడి వల్ల అభివృద్ది, పురోగతి యోగాలు పట్టే అవకాశం ఉన్నప్పటికీ, చతుర్థ స్థానంలోని రాహువు వల్ల మానసిక ఒత్తిడి, కుటుంబ కలహాలు తప్పకపోవచ్చు. రాశ్యధిపతి గురువు ఆరవ స్థానంలో సంచారం వల్ల ఆర్థిక లావాదేవీల జోలికి వెళ్లకపోవడం మంచిది. ఖర్చులు బాగా పెరిగి ఇబ్బంది పడతారు. అయితే రాశ్యధిపతి గురువుతో రెండు శుభ గ్రహాలు చేరినందువల్ల తప్పకుండా కొన్ని శుభ పరిణామాలు చోటు చేసుకుంటాయి. ఒకటి రెండు శుభవార్తలు వినడం కూడా జరుగుతుంది. ఉద్యోగ జీవితం సామరస్యంగా, సానుకూలంగా సాగిపోతుంది. ఆదాయ ప్రయత్నాలను పెంచుతారు. ఎంత చేసినా కొద్దిపాటి ఆర్థిక ఒడిదుడుకులు తప్పకపోవచ్చు. వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. అధికారుల నుంచి ఆశించిన ప్రోత్సాహకాలను అందుకుంటారు. వ్యాపారాలు కొత్త పుంతలు తొక్కుతాయి. వ్యయ ప్రయాసలు ఎక్కువగా ఉంటాయి. జీవిత భాగస్వామికి ఊహించని అదృష్టం పడుతుంది.
9 / 12
మకరం (ఉత్తరాషాఢ 2,3,4, శ్రవణం, ధనిష్ట 1,2): రాశ్యధిపతి శనీశ్వరుడితో సహా ఆరు గ్రహాలు బాగా అనుకూలంగా ఉన్నందువల్ల నెల రోజుల పాటు వీరి జీవితం నిత్య కల్యాణం పచ్చతోరణంలా సాగిపోతుంది. ఆకస్మిక ధన లాభానికి అవ కాశం ఉంది. అధికార యోగం పడుతుంది. ప్రముఖులతో పరిచయాలు పెరుగుతాయి. సమయం బాగా అనుకూలంగా ఉన్నందువల్ల ఎంత సద్వినియోగం చేసుకుంటే అంత మంచిది. ఏ రంగంలో ఉన్నవారైనా విజయాలు, సాఫల్యాలు ఎక్కువగా అనుభవానికి వస్తాయి. ఇంటా బయటా అను కూలతలు పెరుగుతాయి. ముఖ్యమైన వ్యవహారాలను సంతృప్తికరంగా పూర్తి చేస్తారు. వృత్తి, ఉద్యో గాలు నల్లేరు మీది బండిలా సాగిపోతాయి. ముఖ్యంగా ఉద్యోగంలో హోదా పెరగడానికి అవకాశం ఉంది. అధికారులు ప్రత్యేక బాధ్యతలను అప్పగించడం జరుగుతుంది. అనవసర వ్యవహారాలకు దూరంగా ఉండడం మంచిది. సొంత పనుల మీద శ్రద్ధ పెట్టాల్సిన అవసరం ఉంది. ఆహార, విహా రాల్లో జాగ్రత్తగా ఉండాలి. కుటుంబ జీవితం ప్రశాంతంగా సాగిపోతుంది. పిల్లలు వృద్ధిలోకి వస్తారు.
10 / 12
కుంభం (ధనిష్ట 3,4, శతభిషం, పూర్వాభాద్ర 1,2,3): చతుర్థ స్థానంలో శుభ గ్రహాలన్నీ అనుకూలంగా ఉన్నందువల్ల గృహ, వాహన యోగాలు కలగ డానికి అవకాశం ఉంది. ఇంటా బయటా బాగా ఒత్తిడి ఉన్నప్పటికీ ముఖ్యమైన వ్యవహారాలన్నీ సంతృప్తికరంగా పూర్తవుతాయి. ఆస్తుల వివాదాలు పరిష్కారం అవుతాయి. ఆస్తుల విలువ పెరు గుతుంది. జీవితంలో తప్పకుండా కొన్ని సానుకూల మార్పులు చోటు చేసుకుంటాయి. వృత్తి, ఉద్యోగాలపరంగా కొన్ని కీలకమైన శుభ ఫలితాలు అనుభవానికి వస్తాయి. ముఖ్యంగా విదేశాల నుంచి ఆఫర్లు, ఆహ్వానాలు అందుతాయి. విదేశాల్లో స్థిరపడడానికి అవకాశముంది. పెళ్లి ప్రయ త్నాల్లో కూడా విదేశీ సంబంధం ఖాయమయ్యే అవకాశం ఉంది. వృత్తి, ఉద్యోగాలు గౌరవప్రదంగా సాగిపోతాయి. వ్యాపారాల్లో లాభాలకు లోటుండదు. అదనపు ఆదాయ ప్రయత్నాలకు సమయం బాగా అనుకూలంగా ఉంది. నిరుద్యోగులకు మంచి ఆఫర్ అందుతుంది. చిన్న ప్రయత్నంతో ఆశించిన ఆర్థిక ప్రయోజనాలను పొందుతారు. ప్రయాణాల్లో వీలైనంత జాగ్రత్తగా ఉండడం మంచిది.
11 / 12
మీనం (పూర్వాభాద్ర 4, ఉత్తరాభాద్ర, రేవతి): ఈ నెలంతా గ్రహ బలం ఏమంత అనుకూలంగా లేనందువల్ల ముఖ్యమైన ప్రయత్నాల్లో అవ రోధాలు ఎక్కువగా ఉంటాయి. ఇంటా బయటా బాగా ఒత్తిడి ఉంటుంది. అనుకున్నదొకటి, అయిం దొకటి అన్నట్టుగా ఉంటుంది. ఇతరులతో ఎంత జాగ్రత్తగా వ్యవహరిస్తే అంత మంచిది. ముఖ్యంగా ఆరోగ్యాన్ని కాపాడుకునే ప్రయత్నాలు చేయాలి. దాదాపు ప్రతి పనిలోనూ టెన్షన్, శ్రమ ఉండే అవకాశం ఉంది. కొన్ని కుటుంబ సమస్యలు ఇబ్బంది పెడతాయి. వృత్తి, ఉద్యోగాల్లో పని భారం ఎక్కువగా ఉంటుంది. అయితే, ఆశించిన ప్రతిఫలం ఉంటుంది. ధన స్థానంలో రాహువు ఉండడం వల్ల ఆదాయానికి లోటుండదు. అదనపు ఆదాయ ప్రయత్నాలు కూడా చాలా వరకు సఫలం అవుతాయి. వ్యాపారాలు ఆశాజనకంగా సాగిపోతాయి. ఉద్యోగం మారడానికి ప్రయత్నం చేయక పోవడం మంచిది. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. పట్టు దలగా కొన్ని ముఖ్యమైన వ్యవహారాలను పూర్తి చేస్తారు. వ్యక్తిగత సమస్య ఒకటి పరిష్కారం అవుతుంది.
