Diwali Astrology: దీపావళి వేళ రెండు అద్భుత యోగాలు.. ఇక ఆ రాశుల వారి తలరాతలు మారిపోవడం పక్కా..!
దీపావళి సందర్భంగా ఏర్పడుతున్న ఈ రెండు యోగాలూ తప్పకుండా కొన్ని రాశుల వారి తలరాతలను మార్చే అవకాశం ఉంది. ఇందులో ఒకటి గజకేసరి యోగం కాగా, మరొకటి చంద్ర మంగళ యోగం. చంద్ర మంగళ యోగాన్ని మహా లక్ష్మీ యోగం అని కూడా అంటారు. తులా రాశిలో కుజ, చంద్రులు కలవడం వల్ల చంద్ర మంగళ యోగం ఏర్పడుతుండగా, మేష రాశిలో ఉన్న గురువు చంద్రుడిని సప్తమ దృష్టితో వీక్షించడం వల్ల గజకేసరి యోగం ఏర్పడుతోంది.
ఈ నెల 12, 13 తేదీలలో తులా రాశిలో రెండు బ్రహ్మాండమైన యోగాలు చోటు చేసుకుంటు న్నాయి. దీపావళి సందర్భంగా ఏర్పడుతున్న ఈ రెండు యోగాలూ తప్పకుండా కొన్ని రాశుల వారి తలరాతలను మార్చే అవకాశం ఉంది. ఇందులో ఒకటి గజకేసరి యోగం కాగా, మరొకటి చంద్ర మంగళ యోగం. చంద్ర మంగళ యోగాన్ని మహా లక్ష్మీ యోగం అని కూడా అంటారు. తులా రాశిలో కుజ, చంద్రులు కలవడం వల్ల చంద్ర మంగళ యోగం ఏర్పడుతుండగా, మేష రాశిలో ఉన్న గురువు చంద్రుడిని సప్తమ దృష్టితో వీక్షించడం వల్ల గజకేసరి యోగం ఏర్పడుతోంది. చంద్ర మంగళ యోగం వల్ల ఆర్థిక పరిస్థితి గణనీయంగా మెరుగుపడడానికి, లక్ష్మీ కటాక్షం కలగడానికి అవకాశం ఉంటుంది. గజకేసరి యోగం వల్ల కూడా ఆర్థికంగా, వృత్తి, ఉద్యోగాలపరంగా మహాయోగం పట్టడానికి అవకాశం ఉంటుంది. ఈ రెండు యోగాలు ఏకకాలం పట్టే రాశులుః మేషం, మిథునం, కర్కాటకం, తుల, ధనుస్సు, మకరం.
1 / 7
మేషం: ఈ రాశికి ఒకేసారి గజకేసరి యోగం, చంద్ర మంగళ యోగం పట్టడం వల్ల దీపావళి సందర్భం గానూ, దీపావళ్లి వెళ్లిపోయిన తర్వాత కూడా ఆకస్మిక ధన ప్రాప్తి యోగం పట్టడం జరుగుతుంది. లాటరీలు, జూదాలు, షేర్లు, ఆర్థిక లావాదేవీల ద్వారానే కాకుండా, వృత్తి, వ్యాపారాలపరంగా కూడా అనూహ్యంగా కలిసి వచ్చే సూచనలున్నాయి. ఆస్తి కలిసి రావడం, ఆస్తి వివాదం అకస్మాత్తుగా పరిష్కారం కావడం, ఆస్తి విలువ బాగా పెరగడం వంటివి కూడా జరిగే అవకాశం ఉంది.
2 / 7
మిథునం: ఈ రాశివారికి పంచమ స్థానంలో ఈ రెండు యోగాలు పట్టడం వల్ల లాటరీలు, జూదాలు, షేర్లు బాగా కలిసి వచ్చే అవకాశం ఉంది. ఏదో ఒక రూపేణా సంపన్నులు కావడం జరుగుతుంది. వృత్తి, వ్యాపారాల్లో ఈ రాశివారి ఆలోచనలు, వ్యూహాలు బాగా కలిసి వచ్చి, రాబడి, లాభాలు ఇబ్బడి ముబ్బడిగా పెరగడం జరుగుతుంది. ఆస్తి వివాదం సానుకూలంగా పరిష్కారం అవుతుంది. గృహ, వాహన సౌకర్యాలను అమర్చుకునే అవకాశం ఉంది. స్థిరాస్తుల విలువ బాగా పెరిగే సూచనలున్నాయి.
3 / 7
కర్కాటకం: ఈ రాశికి నాలుగవ స్థానంలో ఈ రెండు యోగాలు చోటు చేసుకుంటున్నందువల్ల, వృత్తి, ఉద్యో గాల్లో తప్పకుండా భారీ జీతభత్యాలతో మార్పులు జరిగే అవకాశం ఉంది. అధికార యోగ సూచ నలు కూడా ఉన్నాయి. ఆర్థిక పరిస్థితుల్లో బాగా మెరుగుదల ఉంటుంది. స్థిరాస్తుల విలువ బాగా పెరుగుతుంది. కొత్తగా ఆస్తులు కొనే అవకాశం కూడా ఉంది. వస్త్రాభరణాల మీద పెట్టుబడి పెట్టే సూచనలున్నాయి. నిరుద్యోగులకు కూడా మంచి ఆఫర్లు అందివస్తాయి. తల్లి నుంచి ఆస్తి కలిసి వస్తుంది.
4 / 7
తుల: ఈ రాశిలో చంద్ర మంగళ యోగం ఏర్పడడంతో పాటు, గజకేసరి యోగం కూడా ఏర్పడడం వల్ల ఆర్థికంగా, రాజకీయంగా, సామాజికంగా కూడా ఉన్నత స్థాయి వ్యక్తుల జాబితాలో చేరే అవకాశం ఉంటుంది. కీర్తి ప్రతిష్టలు, పలుకుబడి బాగా పెరుగుతాయి. సామాజిక హోదాలో సానుకూల మార్పు వస్తుంది. వృత్తి, ఉద్యోగాల్లో అందలాలు ఎక్కే అవకాశం ఉంటుంది. నిరుద్యోగుల కల సాకా రం అవుతుంది. గృహ, వాహన సౌకర్యాలు ఏర్పడతాయి. ఆరోగ్యంలో కూడా ఎంతో ఉపశమనం లభిస్తుంది.
5 / 7
ధనుస్సు: ఈ రాశివారికి లాభస్థానంలో ఈ విధంగా రెండు యోగాలు పట్టడం అదృష్టమనే చెప్పాల్సి ఉంటుంది. ఆర్థిక ప్రయత్నాలన్నీ బ్రహ్మాండంగా కలిసి వస్తాయి. ఆకస్మిక ధన లాభానికి అవకాశం ఉంది. పట్టిందల్లా బంగారం అవుతుంది. ఉన్నత స్థాయి వ్యక్తులతో కానీ, సంపన్నులతో కానీ బాగా పరిచయాలు పెరుగుతాయి. వృత్తి, వ్యాపారాల్లో లాభాలు వృద్ధి చెందే అవకాశం ఉంది. ఆస్తి వివాదం పరిష్కారమై, ఆస్తి కలిసి వస్తుంది. జీవితంలో అన్ని విధాలు గానూ స్థిరత్వం ఏర్పడుతుంది.
6 / 7
మకరం: ఈ రాశికి దశమ స్థానంలో ఈ రెండు యోగాలు ఏర్పడడం వల్ల వృత్తి, ఉద్యోగాలు కొత్త పుంతలు తొక్కుతాయి. నిరుద్యోగులతో పాటు ఉద్యోగులకు కూడా మంచి ఆఫర్లు అంది వస్తాయి. వృత్తి, ఉద్యోగాల్లోనే కాకుండా సామాజికంగా కూడా హోదా పెరిగే అవకాశం ఉంది. ఏ ప్రయత్నం తల పెట్టినా, ఏ పని ప్రారంభించినా తప్పకుండా ఆర్థికంగా అంచనాలకు మించి కలిసి వస్తుంది. గృహ, వాహన సౌకర్యాలు అమరుతాయి. ఎక్కడికి వెళ్లినా, ఎవరిని కలిసినా గౌరవ మర్యాదలు లభిస్తాయి.
