ప్రపంచంలో అతిపెద్ద అడవులలో ఒకటి దక్షిణ అమెరికాలోని అమెజాన్ రెయిన్‌ ఫారెస్ట్. ఈ వర్షారణ్యం అమెజాన్ బేసిన్‌లో విస్తరించి ఉంది. ఈ అడవిలో 25 లక్షల జాతుల కీటకాలు ఉన్నాయి. వేలాది మొక్కలు, రెండు వేల రకాల జంతువులు, పక్షులు నివసిస్తున్నాయి. అమెజాన్ రెయిన్ఫారెస్ట్ గురించి కొన్ని ఆసక్తికరమైన విషయాలు ఇప్పుడు తెలుసుకుందాం..
1 / 11
అమెజాన్ ఫారెస్ట్.. ప్రపంచంలోనే అతిపెద్ద ఉష్ణమండల వర్షారణ్యం. 5.5 మిలియన్ చదరపు కిలోమీటర్ల విస్తీర్ణంలో ఉన్న ఈ రెయిన్ఫారెస్ట్ ప్రపంచంలోనే అతిపెద్దది. బ్రిటన్, ఐర్లాండ్ దేశాల వైశ్యాలంతో పోల్చితే 17 రెట్లు పెద్దది అని చెప్పాలి. ఇంత పెద్ద విస్తీర్ణం కలిగిఉండి.. ప్రపంచానికి 20 శాతం ఆక్సిజన్‌ను అందిస్తోంది.
2 / 11
దక్షిణ అమెరికాలో ఉన్న అమెజాన్ అడవి తొమ్మిది దేశాల సరిహద్దులో ఉంది. ఇందులో బ్రెజిల్, బొలీవియా, పెరూ, ఈక్వెడార్, కొలంబియా, వెనిజులా, గయానా, సురినామ్, ఫ్రెంచ్ గయానా ఈ అడవికి సరిహద్దులుగా ఉన్నాయి. ఈ అడవి 60 శాతం బ్రెజిల్‌లో ఉంది.
3 / 11
అమెజాన్ నది వర్షారణ్యానికి ఉత్తరాన ప్రవహిస్తుంది. ఇది వందలాది జలమార్గాల నెట్‌వర్క్, 6,840 కిలోమీటర్ల విస్తీర్ణంలో ఉంది. అయితే, ఈ విషయానికి సంబంధించి చాలా వివాదాలు ఉన్నాయి. నైలు నది తరువాత అమెజాన్ ప్రపంచంలో రెండవ అతిపెద్ద నది అని చాలా మంది శాస్త్రవేత్తలు అంటున్నారు.
4 / 11
2007 లో, మార్టిన్ స్ట్రాల్ అనే వ్యక్తి అమెజాన్ నదిని పూర్తిగా ఈదాడు. మార్టిన్ ఈ నదిని ఈదడానికి 66 రోజుల పాటు పట్టింది.
5 / 11
అమెజాన్ రెయిన్ఫారెస్ట్ 400-500 దేశీయ అమెరిండియన్ తెగలకు నిలయంగా ఉంది. వీరిలో 50కి పైగా తెగలకు బయటి ప్రపంచంతో సంబంధాలే లేవు.
6 / 11
అమెజాన్ ఫారెస్ట్ అమోఘమైన పర్యావరణ వ్యవస్థను కలిగి ఉంది. సుమారు 40 వేల జాతుల మొక్కలు, 1300 రకాల పక్షులు, 3000 రకాల చేపలు, 430 రకాల క్షీరదాలు, 25 లక్షల రకాల కీటకాలు ఉన్నాయి.
7 / 11
ప్రపంచంలోని కొన్ని ఆసక్తికరమైన, ప్రమాదకరమైన జీవులు వర్షారణ్యంలో నివసిస్తున్నాయి. ఇందులో ఎలక్ట్రిక్ ఈల్స్, మాంసం తినే పిర్హానా చేపలు, విష కప్పలు, జాగ్వార్‌లు, నదిలో జీవించే విషపూరిత పాములు ఉన్నాయి.
8 / 11
అమెజాన్ రెయిన్‌ఫారెస్ట్‌లో పిరార్క్ అని పిలువబడే ఆసక్తికరమైన చేప కనిపిస్తుంది. ఈ చేప ఇతర చేపలను తింటుంది. దాదాపు మూడు మీటర్ల పొడవు వరకు పెరుగుతుంది. దాని నోరు మరియు నాలుక రెండింటికి దంతాలు ఉంటాయి.
9 / 11
అపారమైన ప్రకృతి సౌందర్యం కలిగిన అమెజాన్ రెయిన్ఫారెస్ట్ ప్రాంతం వాతావరణ మార్పులను నియంత్రించడంలో ముఖ్యమైన పాత్ర పోషిస్తుంది. భారీ స్థాయిలో వృక్షసంపద కలిగిన అమెజాన్ ఫారెస్ట్.. గాలి నుండి కార్బన్ డయాక్సైడ్‌ను తీసుకొని ఆక్సిజన్‌ను విడుదల చేస్తుంది.
10 / 11
అమెజాన్ రెయిన్‌ఫారెస్ట్‌లోని దట్టమైన చెట్ల కారణంగా, దాని ఉపరితలంపై ఎప్పుడూ చీకటి ఉంటుంది. చెట్లన్నీ దట్టంగా ఉండటంతో ఆకాశం నుంచి చూస్తే ఒక పొర మాదిరిగా కనిపిస్తుంది. వర్షం పడినప్పుడు నీరు దిగువకు చేరుకోవడానికి 10 నిమిషాలు పడుతుంది.
