మస్కిటో కాయిల్ వాడుతున్నారా..? అయితే, ఇంటిల్లిపాది ఆరోగ్యం డేంజర్‌లో పడినట్లే!
ఇంట్లో దోమల్ని నివారించడానికి చాలామంది మస్కిటో కాయిల్ వాడుతుంటారు. ఇంట్లోని వివిధ మూలల్లో మస్కిటో కాయిల్స్ పెట్టడం వల్ల దోమలు ఇంట్లోంచి పారిపోతాయి. మస్కిటో కాయిల్ నుండి వచ్చే పొగ దోమలను నియంత్రిస్తుంది. కానీ, ఈ దోమలను చంపే కాయిల్స్ మన ఆరోగ్యానికి కూడా కీడు చేస్తాయన్న విషయం మీకు తెలుసా? ఇందులో అనేక రకాల క్రిమిసంహారక రసాయనాలు వాడతారు. అందుకే కాయిల్స్ నుండి వచ్చే పొగ మనుషులకు అత్యంత ప్రమాదకరం అంటున్నారు నిపుణులు.
మస్కిటో కాయిల్స్ నుంచి వెలువడే పొగ ఆరోగ్యానికి తీవ్ర హాని కలిగిస్తుందని ఆరోగ్య నిపుణులు అంటున్నారు. ఈ పొగను పీల్చడం సిగరెట్ తాగినట్లే. ఎందుకంటే ఈ కాయిల్‌లో అనేక రకాల రసాయనాలను ఉపయోగిస్తారు. ఈ పొగ నేరుగా ఊపిరితిత్తులలోకి చేరి శరీరానికి హాని కలిగిస్తుంది. దీర్ఘకాలం ఉండే ప్రభావాలను కూడా కలిగి ఉంటాయి.
1 / 5
మస్కిటో కాయిల్ నుంచి వెలువడే పొగ పీల్చుకోవడం వల్ల ఊపిరితిత్తులు దెబ్బతినే అవకాశం ఉంది. మస్కిటో కాయిల్స్‌లోని సమ్మేళనాలు తలనొప్పిని కూడా ప్రేరేపిస్తాయి. అందుకే చాలామందికి దోమల నివారణ మందు వాసన చూస్తే తలనొప్పి వస్తుంది. ఇది అనేక శ్వాస సంబంధ సమస్యలకు దారితీస్తుంది.
2 / 5
మస్కిటో కాయిల్స్ నుంచి వెలువడే పొగ కారణంగా కొందరికి ఆస్తమా రావచ్చు. ఈ పొగ అత్యంత విషపూరితమైనదని, మెదడును కూడా దెబ్బతీస్తుందని ఆరోగ్య నిపుణులు అంటున్నారు. అలాగే చాలా మందికి స్కిన్ అలర్జీలు రావచ్చు. దీని పొగ వల్ల పిల్లలో శ్వాసకోశ సమస్యలు వచ్చే అవకాశం ఉంది.
3 / 5
మస్కిటో కాయిల్ ద్వారా చర్మంపై దద్దుర్లు వచ్చే అవకాశం ఉంది. ఎలర్జీ సమస్య ఉన్నవారు ఈ పొగకు దూరంగా ఉండటమే మంచిది. మస్కిటో కాయిల్స్ పర్యావరణంపై కూడా చెడు ప్రభావం చూపుతాయి. దీని నుంచి వెలువడే విషపూరిత పొగలు గాలిని కలుషితం చేస్తాయి.
4 / 5
దోమలను నివారించడానికి ఉపయోగించే మస్కిటో కాయిల్స్‌లో క్యాన్సర్ కారకాలు ఎక్కువగా ఉంటాయి. ఇవి ఊపిరితిత్తుల క్యాన్సర్‌కు కారణమవుతాయి. ఇంట్లో పిల్లలు ఉంటే వీలైనంత వరకు మస్కిటో కాయిల్స్ వాడటం మానేయండి. దోమలను నివారించడానికి సహజ మార్గాలు ఎంచుకోండి. దోమ తెరలు మీరు పడుకునే బెడ్ చుట్టూ కట్టుకోండి. లేదంటే సహజంగా దోమలను తరిమేసే మార్గాలు చాలా ఉన్నాయి. వాటిని ఫాలో అవ్వండి.
