Hair Care: వర్షాకాలంలో జుట్టు విపరీతంగా రాలిపోతుందా? ఇలా చేస్తే నిగనిగలాడే కురులు మీసొంతం
వర్షాకాలంలో బయటికి వెళ్లిన ప్రతి సారి మనతోపాటు గొడుగు తీసుకెళ్లలేం. ఫలితంగా ఒక్కోసారి వర్షంలో తడవాల్సి వస్తుంది. కానీ ఏమవుతుంది.. చాలా సమస్యలు వస్తాయి. ప్రధాన సమస్యలలో ఒకటి జుట్టు రాలడం. వర్షాలంలో జుట్టు రాలే సమస్య మరింత రెట్టింపు అవుతుంది. అందువల్ల వర్షాకాలంలో జుట్టు ఆరోగ్యంగా ఉండేందుకు అదనపు జాగ్రత్తలు తీసుకోవాలంటున్నారు నిపుణులు..
వర్షాకాలంలో బయటికి వెళ్లిన ప్రతి సారి మనతోపాటు గొడుగు తీసుకెళ్లలేం. ఫలితంగా ఒక్కోసారి వర్షంలో తడవాల్సి వస్తుంది. కానీ ఏమవుతుంది.. చాలా సమస్యలు వస్తాయి. ప్రధాన సమస్యలలో ఒకటి జుట్టు రాలడం. వర్షాలంలో జుట్టు రాలే సమస్య మరింత రెట్టింపు అవుతుంది. అందువల్ల వర్షాకాలంలో జుట్టు ఆరోగ్యంగా ఉండేందుకు అదనపు జాగ్రత్తలు తీసుకోవాలంటున్నారు నిపుణులు.
1 / 5
వర్షాకాలంలో జుట్టు గరుకుగా, డల్ గా మారుతుంటుంది. ముఖ్యంగా కర్లీ వెంట్రుకలు ఉన్నవారికి చాలా కష్టంగా ఉంటుంది. అందుకే చాలామంది భయపడి జుట్టును చిన్నగా కత్తిరించుకుంటుంటారు. అయితే జుట్టును కత్తిరించకుండా తగు జాగ్రత్తలు తీసుకోగలిగితే వర్షాకాలంలోనూ జుట్టు మెరిసిపోతుంది. అందుకు ఏం చేయాలంటే..
2 / 5
వర్షాకాలంలో జుట్టు శుభ్రంగా ఉంచుకోవడం చాలా ముఖ్యం. ముఖ్యంగా మీ జుట్టును ఆరోగ్యంగా ఉంచుకోవడానికి తక్కువ ఆల్కలీన్ షాంపూని ఉపయోగించుకోవాలి. జుట్టుకు పోషణ, తేమను అందించడానికి మంచి కండీషనర్ ఉపయోగించాలి. కానీ వెంట్రుకల మూలాల వరకు కండీషనర్ అప్లై చేయకూడదు. తర్వాత మీ జుట్టును నీటితో శుభ్రం చేసుకోవాలి.
3 / 5
అలాగే జుట్టును ఆరబెట్టడానికి డ్రైయర్‌ని ఉపయోగించడం మానుకోవాలి. బదులుగా మృదువైన టవల్ ఉపయోగించాలి. స్నానం చేసిన తర్వాత తప్పకుండా మంచి సీరమ్‌ను జుట్టుకు అప్లై చేయాలి. ఇది జుట్టును చెదరగొట్టదు. కరుకుదనం తక్కువగా ఉంటుంది. బయటికి వెళ్లినా, వర్షంలో తడవకుండా జాగ్రత్త పడాలి.
4 / 5
వర్షాకాలంలో జుట్టు సమస్యలు పెరిగితే, జుట్టును చిన్నగా కత్తిరించే బదులు ట్రిమ్ చేయడానికి ప్రయత్నించవచ్చు. ఇది జుట్టు అందాన్ని కాపాడుతుంది. పైగా గరుకుగా ఉండే చివర్లు వంటి సమస్యలను కూడా దూరం చేస్తుంది. తడి జుట్టును ఎప్పుడూ దువ్వకూడదు. ఇది జుట్టుకు మరింత నష్టం కలిగిస్తుంది. ఇతరులు ఉపయోగించే దువ్వెనను మీరు ఉపయోగించకపోవడమే మంచిది. ఇది తెలియకుండానే స్కాల్ప్ మీద బ్యాక్టీరియాకు దారి తీస్తుంది. జుట్టుకు ఆహారం నూనె అనే విషయం మర్చిపోకూడదు. వారానికి కనీసం రెండుసార్లైనా జుట్టు మూలాల వరకు బాగా నూనె రాయడం అవసరం. షాంపూ చేయడానికి ముందైనా నూనె రాయవచ్చు. షాంపూ చేయడానికి ముందు రోజు రాత్రిపూట జుట్టుకు నూనె రాయవచ్చు. ఇది జుట్టు నిగనిగలాడేలా చేస్తుంది.
