పాకిస్థాన్‌తో వన్డే సిరీస్‌కు ముందు ఇంగ్లాండ్ వన్డే జట్టును కరోనా కుదిపేసింది. ఒక్కసారిగా ఏడుగురికి సభ్యులకు కోవిడ్ పాజిటివ్‌గా తేలడంతో.. బెన్ స్టోక్స్ కెప్టెన్సీలో సరికొత్త జట్టును ఈసీబీ ప్రకటించింది. అయితే గత కొన్నేళ్లుగా డొమెస్టిక్ క్రికెట్‌లో పరుగుల వరద పారిస్తున్న అలెక్స్ హేల్స్ పేరు మాత్రం అందులో లేదు. మే 2019 నుండి అతడు జాతీయ జట్టుకు దూరమయ్యాడు. డ్రగ్స్ తీసుకుని దొరికిపోవడంతో.. కెప్టెన్ ఇయాన్ మోర్గాన్, టీమ్ మేనేజ్‌మెంట్ హేల్స్‌ను జట్టు నుంచి తొలగించింది. కొద్దికాలం తర్వాత అతడి పునరాగమనం ఉంటుందని ఆశించినా.. ప్రస్తుత పరిస్థితులు చూస్తుంటే.. హేల్స్ కెరీర్ ముగిసినట్లే అని తెలుస్తోంది.
1 / 5
2020-2021 మధ్య అలెక్స్ హేల్స్ టీ20 క్రికెట్‌లో 1992 పరుగులు చేశాడు. ఈ ఫార్మాట్‌లో అత్యధిక పరుగులు చేయడంలో అతడు రెండోస్థానంలో ఉన్నాడు. పాకిస్తాన్ కెప్టెన్ బాబర్ అజామ్ (2150) అగ్రస్థానంలో నిలిచాడు. కాని హేల్స్ స్ట్రైక్ రేట్ బాబర్ కంటే చాలా ఎక్కువ. అలాగే 2020వ సంవత్సరం నుండి టీ20ల్లో 1500 పరుగులు సాధించిన ఏకైక ఆటగాడు అలెక్స్ హేల్స్. ప్రస్తుతం ఇంగ్లాండ్‌లో జరుగుతోన్న వైటాలిటీ బ్లాస్ట్ టీ20లో కూడా హేల్స్ ఆదరగొడుతున్నాడు.
2 / 5
బిగ్ బాష్ లీగ్ 2020-21లో అలెక్స్ అత్యధిక పరుగులు చేశాడు. అతను 161.60 స్ట్రైక్ రేట్‌తో 15 మ్యాచ్‌లలో 38.78 సగటుతో 543 పరుగులు చేశాడు. అదే సమయంలో, పాకిస్తాన్ సూపర్ లీగ్ 2020లో, తొమ్మిది మ్యాచ్‌లు ఆడి 148.63 స్ట్రైక్ రేట్‌తో 271 పరుగులు చేశాడు. అలెక్స్ హేల్స్ టి 20 క్రికెట్‌లో ఐదు సెంచరీలు సాధించాడు. ఇంగ్లండ్ తరఫున అంతర్జాతీయ టీ20 మ్యాచ్‌ల్లో అత్యధిక స్కోరు సాధించిన రికార్డును సొంతం చేసుకున్నారు.
3 / 5
డ్రగ్స్ తీసుకున్నందుకు అలెక్స్ హేల్స్‌ను 2019లో ఇంగ్లాండ్ జట్టు నుంచి తప్పించారు. 2019 ప్రపంచ కప్‌కు ముందే అతన్ని బయటకు తీసేశారు. ఆ సమయంలో అతనిపై 21 రోజులు నిషేధం విధించగా.. ఆ తర్వాత నుంచి ఇప్పటివరకు మాత్రం హేల్స్‌కు అస్సలు జాతీయ జట్టులో చోటు దొరకలేదు. నిషేధించారు. అలెక్స్ చివరి అంతర్జాతీయ టీ20 మ్యాచ్ 2019 మార్చి 10న వెస్టిండీస్‌తో ఆడాడు. అలాగే, 18 మార్చి 2019న, అతను చివరిసారిగా ఇంగ్లాండ్ తరఫున వన్డే మ్యాచ్ ఆడాడు.
4 / 5
అలెక్స్ హేల్స్ 11 టెస్టుల్లో 573 పరుగులు, 70 వన్డేల్లో 2419, ఇంగ్లాండ్ తరఫున 60 టీ20 మ్యాచ్‌ల్లో 1644 పరుగులు చేశాడు. వన్డేల్లో ఆరు సెంచరీలు, టి20 ల్లో ఒక సెంచరీ సాధించాడు.
