On this day in Cricket: సచిన్ టెండూల్కర్ రికార్డును సమం చేసిన హిట్‌మ్యాన్; ఇంగ్లండ్ గడ్డపై ఆ రికార్డుతో చరిత్ర సృష్టించాడు..!
రోహిత్ శర్మ క్రీజులో కుదురుకున్నాడంటే చాలు.. ఇక ఏ బౌలర్ అయినా హిట్ మ్యాన్ ను ఆపడం అంత సులభం కాదు. 2013 నుంచి ప్రపంచంలోని ప్రతీ బౌలర్‌కు ఈ విషయం తెలుసు.
రోహిత్ శర్మ ప్రస్తుతం ఇంగ్లాండ్ పర్యటనలో ఉన్నాడు. ఆగస్టు 4 నుంచి ఇంగ్లండ్‌తో జరిగే ఐదు టెస్టుల సిరీస్‌లో భారత్ తరఫున ఓపెనింగ్ చేసేందుకు సిద్ధమయ్యాడు. ఇంతకు ముందు, ఇంగ్లాండ్‌లో రోహిత్ శర్మ పలు రికార్డులకు కేరాఫ్ అడ్రస్ గా మారిపోయాడు. సరిగ్గా రెండేళ్ల క్రితం, ఈ రోజున, 2019 ప్రపంచ కప్‌లో హిట్‌మ్యాన్ ఐదు సెంచరీలు బాదాడు. ఒక ప్రపంచ కప్‌లో ఐదు సెంచరీలు చేసిన తొలి బ్యాట్స్‌మన్ గా అవతరించాడు. ఒక ప్రపంచ కప్‌లో అత్యధిక సెంచరీలు సాధించిన లిస్టులో కుమార్ సంగక్కర (నాలుగు సెంచరీలు) రికార్డును రోహిత్ బద్దలు కొట్టాడు. అలాగే ప్రపంచ కప్ చరిత్రలో సచిన్ టెండూల్కర్ సాధించిన అత్యధిక సెంచరీలను (6) సమం చేశాడు. నాలుగు ప్రపంచ కప్‌లల్లో సచిన్ ఈ ఘనత సాధిస్తే.. రోహిత్ కేవలం రెండు ప్రపంచ కప్‌లల్లోనే ఆరు సెంచరీలు బాదేశాడు. ఇంగ్లాండ్‌లో 2019 లో జరిగిన ప్రపంచ కప్‌కి ముందు ఆస్ట్రేలియాలో జరిగిన 2015 ప్రపంచ కప్‌లో ఓ సెంచరీ నమోదు చేశాడు.
1 / 6
2019 ప్రపంచ కప్ లో రోహిత్ శర్మ టీమిండియా తొలి మ్యాచ్‌లోనే సెంచరీ సాధించాడు. దక్షిణాఫ్రికాపై 122 పరుగులతో అజేయంగా నిలిచాడు. దీనిలో 13 ఫోర్లు, రెండు సిక్సర్లు ఉన్నాయి. అతని సెంచరీ కారణంగా, ఈ మ్యాచ్‌లో భారత్ ఆరు వికెట్ల తేడాతో విజయం సాధించింది. రోహిత్ శర్మ సెంచరీ కూడా చాలా ప్రత్యేకమైనది. ఓ వైపు దక్షిణాఫ్రికా బౌలర్ కగిసో రబాడా అద్భుతంగా బౌలింగ్ చేస్తూ మరో ఎండ్ లో వికెట్లను కూలుస్తున్నా.. హిట్ మ్యాన్ మాత్రం భారత్ కు విజయం చేకూర్చాడు.
2 / 6
అనంతరం రోహిత్ శర్మ పాకిస్థాన్‌పై సెంచరీ చేశాడు. 113 బంతుల్లో 14 ఫోర్లు, మూడు సిక్సర్లతో 140 పరుగులు చేశాడు. డబుల్ సెంచరీ దిశగా వెళ్తున్న రోహిత్ ను హసన్ అలీ వదిలిన షార్ట్ ఫైన్ లెగ్ కి పెవిలియన్ చేరాడు. దీంతో భారత్ ఐదు వికెట్లకు 336 పరుగులు చేసింది. ఈ మ్యాచ్ లో భారత్ పాకిస్థాన్‌పై 89 పరుగుల తేడాతో విజయం సాధించింది. అలాగే ప్రపంచ కప్ పోటీల్లో పాకిస్థాన్‌తో ఓడిపోని రికార్డును కొనసాగించింది.
3 / 6
రోహిత్ శర్మ ఇంగ్లండ్‌పై 2019 ప్రపంచ కప్‌లో మూడో సెంచరీ నమోదు చేశాడు. 109 బంతుల్లో 102 పరుగులు సాధించాడు. ఈ మ్యాచ్‌లో భారత్ 31 పరుగుల తేడాతో ఓడిపోయింది. గ్రూప్ దశలో టీమిండియా ఓటమి పాలైంది కేవలం ఈ మ్యాచ్ లోనే.
4 / 6
రోహిత్ శర్మ బంగ్లాదేశ్‌పై నాలుగవ సెంచరీ బాదేశాడు. 92 బంతుల్లో ఏడు ఫోర్లు, ఐదు సిక్సర్లతో 104 పరుగులు సాధించాడు. 2019 ప్రపంచ కప్‌లో ఇది వరుసగా రెండో సెంచరీ. అంతకుముందు 2015 ప్రపంచ కప్‌లోనూ బంగ్లాపై సెంచరీ సాధించాడు. దీంతో ప్రపంచ కప్ లో బంగ్లాపై వరుసగా రెండో సెంచరీతో ఆకట్టుకున్నాడు. రోహిత్ సెంచరీ కారణంగా భారత్ తొమ్మిది వికెట్లకు 314 పరుగులు చేసింది. ఈ మ్యాచ్‌లో టీమిండియా 28 పరుగుల తేడాతో విజయం సాధించింది.
5 / 6
2019 ప్రపంచ కప్‌లో రోహిత్ శర్మ చివరి సెంచరీ శ్రీలంకపై నమోదు చేశాడు. అతను వరుసగా మూడోసారి 100 పరుగుల మార్కును దాటాడు. శ్రీలంక విధించిన 265 పరుగుల లక్ష్యాన్ని విజయవంతంగా ఛేదించిన రోహిత్ శర్మ.. కేవలం 94 బంతుల్లో 14 ఫోర్లు, రెండు సిక్సర్లతో 103 పరుగులు సాధించాడ. దీంతో భారత్ 44 వ ఓవర్‌లోనే లక్ష్యాన్ని ఛేదించింది. దాంతో రోహిత్ శర్మ ఒక ప్రపంచ కప్ టోర్నమెంట్‌లో అత్యధిక సెంచరీలు చేసిన రికార్డును కూడా సృష్టించాడు.
