Tollywood News: మేకోవర్ పై ఫోకస్ పెట్టిన ముగ్గురు మొనగాళ్లు
ఇట్స్ మేకోవర్ టైమ్ అంటున్నారు మన హీరోలు. ఒక్కో సినిమా వందల కోట్లు ఖర్చు పెడుతుంటారు కాబట్టి దానికి తగ్గట్లుగా ఛేంజ్ అవ్వడానికి కూడా టైమ్ తీసుకుంటున్నారు మన స్టార్స్. ఇందులో భాగంగానే ముగ్గురు స్టార్ హీరోలు ఇదే పనిమీద బిజీగా ఉన్నారిప్పుడు. మరి వాళ్లెవరు..? ఏయే సినిమాల కోసం వాళ్లు మేకోవర్ అవుతున్నారో చూద్దాం పదండి..
ఇట్స్ మేకోవర్ టైమ్ అంటున్నారు మన హీరోలు. ఒక్కో సినిమా వందల కోట్లు ఖర్చు పెడుతుంటారు కాబట్టి దానికి తగ్గట్లుగా ఛేంజ్ అవ్వడానికి కూడా టైమ్ తీసుకుంటున్నారు మన స్టార్స్. ఇందులో భాగంగానే ముగ్గురు స్టార్ హీరోలు ఇదే పనిమీద బిజీగా ఉన్నారిప్పుడు. మరి వాళ్లెవరు..? ఏయే సినిమాల కోసం వాళ్లు మేకోవర్ అవుతున్నారో చూద్దాం పదండి..
1 / 5
ఎప్పుడూ ఒకే లుక్‌లో ఏం కనిపిస్తాం చెప్పండి..? సినిమా సినిమాకు మారిపోతుంటేనే కదా అసలు మజా అంటున్నారు మన హీరోలు. కథలో కొత్తదనం ఉన్నా లేకపోయినా.. లుక్‌లో మాత్రం చూపించాలని ఫిక్సయ్యారు స్టార్స్. ఈ నేపథ్యంలోనే రాజమౌళి అడ్వంచరస్ మూవీ కోసం చెమటోడుస్తున్నారు మహేష్ బాబు. గుంటూరు కారం తర్వాత అదే పనిమీద ఉన్నారు మహేష్.
2 / 5
గుంటూరు కారం కోసమే చాలా రోజుల తర్వాత జుట్టు పెంచారు మహేష్. పూర్తిగా రఫ్ లుక్‌లోకి మారిపోయారు. ఈ మాస్ లుక్‌కి ఫ్యాన్స్ కూడా ఫిదా అయిపోయారు. ఇప్పుడు దాన్ని మించే లుక్ ట్రై చేస్తున్నారు మహేష్. రీసెంట్ ఫోటోస్ చూస్తుంటే ఏదో చేస్తున్నారని అర్థమవుతుంది. మరోవైపు దేవర, వార్ 2లో ఇంచుమించు ఒకేలా కనిపిస్తున్న తారక్.. ప్రశాంత్ నీల్ కోసం పూర్తిగా మారిపోతున్నారు.
3 / 5
దేవర కోసం రెండు సార్లు మేకోవర్ అయ్యారు ఎన్టీఆర్. టైటిల్ సాంగ్‌లో చాలా రఫ్‌గా కనిపించిన తారక్.. సెకండ్ సింగిల్‌కు వచ్చేసరికి రొమాంటిక్ బాయ్ అయిపోయారు. ఇప్పుడు ప్రశాంత్ నీల్ కోసం రగ్డ్ లుక్ ట్రై చేస్తారని ప్రచారం జరుగుతుంది. రామ్ చరణ్ సైతం గేమ్ ఛేంజర్‌లోనే మూడు డిఫెరెంట్ లుక్స్ ట్రై చేసారు. ఇప్పుడు బుచ్చిబాబు కోసం మేకోవర్ అవుతున్నారు.
4 / 5
బుచ్చిబాబు సినిమాకు కమిట్ అయి కూడా ఏడాది అవుతుంది. ఆ మధ్య ఓపెనింగ్ కూడా జరిగింది. సెప్టెంబర్ నుంచి రెగ్యులర్ షూటింగ్ మొదలు కానుంది. స్పోర్ట్స్ డ్రామా కావడంతో లుక్ విషయంలో కేర్ తీసుకుంటున్నారు చరణ్. మొత్తానికి ఎన్టీఆర్, మహేష్ బాబు, చరణ్.. ముగ్గురి సినిమాలు దాదాపు సెప్టెంబర్, అక్టోబర్ టైమ్‌లోనే మొదలు కానున్నాయి.
