A Cerificate: A సర్టిఫికెట్ దర్శక నిర్మాతలే కోరి మరీ తెచ్చుకుంటున్నారా.? నయా బిజినెస్ ట్రెండ్ ఇదేనా.?
A సర్టిఫికెట్ కావాలని దర్శక నిర్మాతలే సెన్సార్ బోర్డు సభ్యులను అడుగుతున్నారా..? తమ సినిమా పెద్దలకు మాత్రమే అనే ట్యాగ్ లైన్ కోరి మరీ తెచ్చుకుంటున్నారా..? అదేంటి A వస్తే వాళ్లకే కదా నష్టం అనుకుంటున్నారు కదా..! అందులో కూడా బిజినెస్ స్ట్రాటజీ ఉంది. ఈ మధ్య కాసుల వర్షం కురిపించిన సినిమాలన్నీ A సర్టిఫికెట్ తీసుకున్నవే. మరి ఈ నయా బిజినెస్ ట్రెండ్‌పై ఎక్స్‌క్లూజివ్ స్టోరీ చూద్దాం పదండి..
A సర్టిఫికెట్ కావాలని దర్శక నిర్మాతలే సెన్సార్ బోర్డు సభ్యులను అడుగుతున్నారా..? తమ సినిమా పెద్దలకు మాత్రమే అనే ట్యాగ్ లైన్ కోరి మరీ తెచ్చుకుంటున్నారా..? అదేంటి A వస్తే వాళ్లకే కదా నష్టం అనుకుంటున్నారు కదా..! అందులో కూడా బిజినెస్ స్ట్రాటజీ ఉంది. ఈ మధ్య కాసుల వర్షం కురిపించిన సినిమాలన్నీ A సర్టిఫికెట్ తీసుకున్నవే. మరి ఈ నయా బిజినెస్ ట్రెండ్‌పై ఎక్స్‌క్లూజివ్ స్టోరీ చూద్దాం పదండి..
1 / 5
A సర్టిఫికెట్ సినిమాల టైం నడుస్తుందిప్పుడు ఇండస్ట్రీలో. పెద్దలకు మాత్రమే అని సెన్సార్ సభ్యులు చెప్తున్నా థియేటర్స్ మాత్రం పిల్లా పెద్దలతో నిండిపోతున్నాయి. గత కొన్ని నెలలుగా అడల్ట్స్ ఓన్లీ అని సెన్సార్ బోర్డు చెప్పిన సినిమాలో బాక్సాఫీస్ దగ్గర కలెక్షన్ల వర్షం కురిపిస్తున్నాయి. గతేడాది వందల కోట్లు వసూలు చేసిన యానిమల్, సలార్ సినిమాలకు వచ్చింది A సర్టిఫికేటే.
2 / 5
సినిమాకు A సర్టిఫికెట్ వచ్చిందంటే అందులో ఏదో ఉందనే ఆసక్తి ఆడియన్స్‌లోనూ పెరిగిపోతుంది. అదే కలెక్షన్స్ పెంచేస్తుంది. సలార్, యానిమల్ మాత్రమే కాదు.. లాస్ట్ ఇయర్ బేబీ కూడా A సర్టిఫికేట్‌తో వచ్చి సెన్సేషన్ క్రియేట్ చేసింది. తాజాగా డబుల్ ఇస్మార్ట్ సినిమాకు A సర్టిఫికేట్ ఇచ్చింది సెన్సార్ బోర్డ్. ఆగస్ట్ 15న రానుంది ఈ చిత్రం.
3 / 5
అభ్యంతరకర డైలాగ్స్, మితిమీరిన హింస, బోల్డ్ కంటెంట్ ఉన్నప్పుడే A సర్టిఫికెట్ ఇస్తుంది సెన్సార్ బోర్డు. ఈ లెక్కన డబుల్ ఇస్మార్ట్‌లో ఈ డోస్ ఎక్కువగానే ఉండబోతుందన్నమాట. చిత్రమేంటంటే.. అలాంటి సినిమాలకే ఈ మధ్య గిరాకీ పెరిగింది. కొన్ని సినిమాలకు నిర్మాతలే అడిగిమరీ A సర్టిఫికెట్ తీసుకుంటున్నారని ప్రచారం జరుగుతుంది.
4 / 5
ఒకప్పుడు A సర్టిఫికేట్ అంటేనే భయపడే నిర్మాతలు.. ఇప్పుడు అదే కావాలంటున్నారు. ఈ సర్టిఫికెట్ వల్ల ఓపెనింగ్స్ పెరిగుతున్నాయనేది కాదనలేని నిజం. కానీ ఇదే ట్రెండ్ కొనసాగితే మాత్రం ఇండస్ట్రీకి అది చెడు చేసే అవకాశం ఎక్కువ అనేది విశ్లేషకుల భావన. మరోవైపు పంద్రాగస్ట్‌కు వస్తున్న మిస్టర్ బచ్చన్, ఆయ్ సినిమాలకు U/A సర్టిఫికేట్‌తో వస్తున్నాయి.
