నెక్ట్స్ ఏంటి?.. డైరెక్టర్ శంకర్ తర్వాత ప్రాజెక్ట్‌పైనే అభిమానుల ఫోకస్!
ప్రస్తుతం దర్శకుడు శంకర్ దర్శకత్వంలో రామ్ చరణ్ హీరోగా నటించిన సినిమా గేమ్ ఛేంజర్ మూవీ విడుదలకు సిద్ధంగా ఉన్న విషయం తెలిసిందే. ఈ మూవీ సంక్రాంతికి థియేటర్లలలో సందడి చేయనుంది. దీంతో ఇప్పుడు అభిమానులందరూ, శంకర్ నెక్స్ సినిమా ఏంటా అని , అతను ఏ ప్రాజెక్ట్ చేయబోతున్నాడా అని ఆశగా ఎదురు చూస్తున్నారు.
శంకర్ నెక్ట్స్ సినిమా ఏంటి..? అదేంటి ఇంకా గేమ్ ఛేంజర్ విడుదలే కాలేదు.. ఇండియన్ 3 కూడా లైన్‌లోనే ఉంది. అప్పుడే నెక్ట్స్ సినిమా గురించి ఎందుకు.. ముందు ఇవి విడుదల కానివ్వండి అనుకుంటున్నారు కదా..! కానీ ప్లానింగ్‌లో పిహెచ్‌డీ చేసిన శంకర్ ఊరుకుంటారా చెప్పండి..? అందుకే అప్‌కమింగ్ ప్రాజెక్ట్‌పై వర్క్ మొదలుపెట్టేసారు.
1 / 5
శంకర్ ఫోకస్ అంతా ప్రస్తుతం గేమ్ ఛేంజర్‌పైనే ఉంది. ఈ సినిమాతో ఎలాగైనా పర్ఫెక్ట్ కమ్‌బ్యాక్ ఇవ్వాలని చూస్తున్నారు శంకర్. కొన్నేళ్లుగా ఈయనకు సరైన సినిమా పడలేదు. ఇంకా చెప్పాలంటే 2010లో వచ్చిన రోబో తర్వాత ఆ రేంజ్ సక్సెస్ శంకర్‌కు రాలేదు. ఐ, 2.0, ఇండియన్ 2 కమర్షియల్‌గా నిరాశ పరిచాయి.
2 / 5
ఇతర సినిమాల ఫంక్షన్స్‌లో కనిపించినా... మహేష్ మూవీ గురించి మాట్లాడేందుకు ఇష్టపడటం లేదు రాజమౌళి. గేమ్ చేంజర్ వేదిక మీద ఎస్ఎస్ఎంబీ 29 ప్రస్తావన వచ్చినా... ఏ మాత్రం క్లూ ఇవ్వలేదు. షూటింగ్ టైమ్‌ లైన్స్ విషయంలోనూ ఎలాంటి కమిట్మెంట్స్ ఇవ్వకుండా జాగ్రత్త పడ్డారు.
3 / 5
గేమ్ ఛేంజర్ హిట్టైతే ఇండియన్ 3కి మళ్లీ ఊపొస్తుంది. అదే జరగాలని కోరుకుంటున్నారు శంకర్ కూడా. ఇండియన్ 2 డిజాస్టర్ కావడంతో.. పార్ట్ 3పై ఎవరికీ పెద్దగా అంచనాల్లేవు. దీని తర్వాత ప్రాజెక్ట్‌కు ఇప్పట్నుంచే గ్రౌండ్ ప్రిపేర్ చేసుకుంటున్నారు శంకర్. వీరయుగ నాయగన్ వేల్పరి అనే పుస్తకం ఆధారంగా 3 భాగాలతో శంకర్ ఓ సినిమా ప్లాన్ చేస్తున్నట్లు తెలుస్తుంది
4 / 5
నిజానికి వీరయుగ నాయగన్ వేల్పరి అనేది శంకర్ డ్రీమ్ ప్రాజెక్ట్. ఈ సినిమాను శంకర్ కూడా కన్ఫర్మ్ చేసారు. గేమ్ ఛేంజర్ స్క్రిప్ట్‌లో సాయం చేసిన మధురై ఎంపి వెంకటేశన్ రాసిన నవలలో వేల్పరి నేపథ్యం ఉంది. దీన్ని కూడా తన సినిమా కోసం వాడుకోబోతున్నారు శంకర్. గేమ్ ఛేంజర్, ఇండియన్ 3 ఆడితే.. శంకర్ నుంచి ఈ 3 పార్ట్స్ సినిమా ఎక్స్‌పెక్ట్ చేయొచ్చు.
