ఈ టాపిక్ ఇప్పుడు కాదు చాలా రోజులుగా నడుస్తుంది. మొదటి భాగం హిట్టైన తర్వాత.. రెండో పార్ట్ కోసం బడ్జెట్ పెంచడం అనేది చాలా రోజులుగా నడుస్తున్న ఆనవాయితీ. బాహుబలి 2, కేజియఫ్ 2 లాంటి సినిమాలే దీనికి నిదర్శనం. వీటి మొదటి భాగాల కంటే రెండో భాగానికి బడ్జెట్ ఎక్కువగా పెట్టారు.. లాభాలు కూడా అలాగే వచ్చాయి. అయితే ఇప్పుడు కాంతార 2 బడ్జెట్ కూడా 140 కోట్ల వరకు అవుతుందని తెలుస్తుంది. దానికి కారణం కాంతార ఏకంగా 400 కోట్లు వసూలు చేయడమే.
ఈ టాపిక్ ఇప్పుడు కాదు చాలా రోజులుగా నడుస్తుంది. మొదటి భాగం హిట్టైన తర్వాత.. రెండో పార్ట్ కోసం బడ్జెట్ పెంచడం అనేది చాలా రోజులుగా నడుస్తున్న ఆనవాయితీ. బాహుబలి 2, కేజియఫ్ 2 లాంటి సినిమాలే దీనికి నిదర్శనం. వీటి మొదటి భాగాల కంటే రెండో భాగానికి బడ్జెట్ ఎక్కువగా పెట్టారు.. లాభాలు కూడా అలాగే వచ్చాయి.
1 / 8
అయితే ఇప్పుడు కాంతార 2 బడ్జెట్ కూడా 140 కోట్ల వరకు అవుతుందని తెలుస్తుంది. దానికి కారణం కాంతార ఏకంగా 400 కోట్లు వసూలు చేయడమే. అప్పట్లో దీని బడ్జెట్ 18 కోట్లు మాత్రమే. కానీ రెండో భాగం కోసం భారీగా ఖర్చు పెట్టిస్తున్నాడు దర్శకుడు కమ్ హీరో రిషబ్ శెట్టి. ఇదిలా ఉంటే పుష్ప 2 బడ్జెట్ కూడా అదుపు తప్పుతుందనే ప్రచారం జరుగుతుంది.
2 / 8
దీనికి కారణం కూడా లేకపోలేదు. పుష్ప ఏకంగా 350 కోట్లు వసూలు చేసింది. పైగా సెకండ్ పార్ట్ కచ్చితంగా 1000 కోట్లు వసూలు చేస్తుందనే నమ్మకం కూడా అందరిలోనూ కనిపిస్తుంది. ఈ నమ్మకంతోనే బడ్జెట్ భారీగా పెరుగుతుందని తెలుస్తుంది. ముఖ్యంగా ఈ బడ్జెట్ పెట్టడానికి నిర్మాతలు కూడా వెనకాడట్లేదు. థియెట్రికల్‌తో పాటు డిజిటల్, శాటిలైట్, ఆడియో వగైరా ఉన్నాయి కాబట్టి అన్నీ కలిపి ప్రీ రిలీజ్ బిజినెస్ 500 కోట్లు దాటిపోయేలా కనిపిస్తుంది.
3 / 8
అలాంటప్పుడు బడ్జెట్ 250 కోట్లు దాటినా భయపడేదే లేదంటున్నారు నిర్మాతలు. అందుకే ఇప్పుడు పుష్ప 2 బడ్జెట్ గురించి ఆసక్తికరమైన చర్చ జరుగుతుంది. ముందు ఈ సినిమాను 150 కోట్లతో నిర్మించాలనుకున్నా.. ఇప్పుడు అందుతున్న సమాచారం ప్రకారం 250 కోట్లు దాటిపోయిందని తెలుస్తుంది. అందులో అల్లు అర్జున్ రెమ్యునరేషన్ 120 కోట్లు ఉన్నట్లు టాక్.
4 / 8
మరోవైపు సుకుమార్ రెండో భాగానికి నిర్మాణ భాగస్వామి అయ్యాడు కాబట్టి ఆయన వాటా కూడా 100 కోట్లకు పైగానే ఉంటుందని అంచనా. కథకు కూడా చాలా మెరుగులు దిద్ది.. నార్త్ ఆడియన్స్ టేస్టుకు తగ్గట్లుగా స్క్రిప్టులో మార్పులు కూడా చేసాడు లెక్కల మాస్టారు. ఎందుకంటే పుష్ప 2 మేజర్ మార్కెట్ హిందీనే కాబట్టి.. అక్కడి వాళ్లపై ఫోకస్ చేస్తున్నాడు దర్శకుడు.
5 / 8
గతంలో బాహుబలి 2, కేజియఫ్ 2 కూడా హిందీ నుంచి 400 కోట్ల నుంచి 500 కోట్ల వరకు వసూలు చేసాయి. ఇప్పుడు పుష్ప 2 కూడా దీనికి మినహాయింపేమీ కాదు. అందుకే కథ ముందుగానే సిద్ధం చేసుకున్నా.. పుష్ప హిట్టైన తర్వాత చాలా మార్పులు జరిగాయి. పైగా పర్ఫెక్షన్ పేరుతో ఒక్కో సీన్ వారాలకు వారాలు తెరకెక్కిస్తున్నాడు సుకుమార్. బడ్జెట్ కూడా అలాగే పెట్టిస్తున్నాడు.
6 / 8
కేవలం ఇంటర్వెల్ షాట్‌తో పాటు ఓ జాతర సీన్ కోసమే 70 కోట్లు ఖర్చు చేసినట్లు తెలుస్తుంది. ముఖ్యంగా గంగ జాతర సీక్వెన్స్ గురించి ఎక్కువగా వినిపిస్తుంది. ఈ ఒక్క సీన్ కోసమే 40-50 కోట్ల వరకు ఖర్చైందని అంచనా. ముందు అనుకున్న బడ్జెట్ కంటే 100 కోట్ల వరకు ఎక్కువగానే అవుతున్నా.. నిర్మాతలు కూడా నిశ్చింతగానే ఉన్నారు.
7 / 8
ఈ సినిమాకు వస్తున్న ఆఫర్స్ అలా ఉన్నాయి కాబట్టి వాళ్లకు అయితే కంగారు కనిపించడం లేదు. ఆగస్ట్ 15, 2024న విడుదల కానుంది పుష్ప 2. లాంగ్ వీకెండ్ ఉంది కాబట్టి బయ్యర్లు కూడా పుష్ప 2 వైపు ఆసక్తి చూపిస్తున్నారు. కచ్చితంగా ఇది బన్నీకి మొదటి 1000 కోట్ల సినిమా అవుతుందని అంచనా వేస్తున్నారు వాళ్లు.
