Khammam District: ఖమ్మం జిల్లాలో వింత.. రాముడి విగ్రహం కళ్ళ నుండి నీళ్ళు !
ఖమ్మం జిల్లాలో వింత చోటుచేసుకుంది. కారేపల్లి మండలం వెంకటయి తండాలోని రామాలయంలో ఉన్న రాముడి విగ్రహం కళ్ళ నుండి నీళ్ళు ...
ఖమ్మం జిల్లాలో వింత చోటుచేసుకుంది. కారేపల్లి మండలం వెంకటయి తండాలోని రామాలయంలో ఉన్న రాముడి విగ్రహం కళ్ళ నుండి నీళ్ళు వస్తున్నాయంటూ ఆనోటా ఈ నోటా ప్రచారం జరుగుతుంది. ఈ వింతను చూడటానికి చుట్టుప్ర‌క్క‌ల గ్రామాల నుండి ప్రజలు భారీ సంఖ్య‌లో తరలి వస్తున్నారు. ఇలా జ‌ర‌గడానికి గ‌ల కార‌ణాల‌పై ప‌లు ర‌కాల క‌థ‌నాలు వినిపిస్తున్నాయి. ప్రస్తుతం ప్ర‌పంచాన్ని పీడిస్తున్న వైప‌రిత్యాల నేప‌థ్యంలో.. ఈ ఘ‌ట‌న తీవ్ర చ‌ర్చ‌నీయాంశ‌మైంది. మున్ముందు మాన‌వజాతికి రాబోతున్న మ‌రిన్ని క‌ష్టాల‌కు రాముడి కంట క‌న్నీరే సాక్ష‌మ‌ని కొంద‌రు అంటున్నారు. ఘ‌ట‌న‌పై స‌ద‌రు తండా వాసులు మ‌రింత ఆందోళ‌న వ్య‌క్తం చేస్తున్నారు. త‌మ గ్రామానికి ఏమైనా అరిష్ఠం జ‌ర‌తుందనే ఆలోచ‌న‌లో ప‌డ్డారు. ఈ క్ర‌మంలో రాముల‌వారికి ప్ర‌త్యేక పూజ‌లు నిర్వ‌హించేందుకు ఏర్పాటు చేస్తున్నారు ఆల‌య నిర్వాహ‌కులు. ప్రస్తుతం రాముడి విగ్రహం కంటి నుంచి నీరు వ‌స్తున్న వీడియోలు సోష‌ల్ మీడియాలో తెగ వైర‌లవుతున్నాయి.
Also Read: తిమింగలం వాంతి పేరుతో దోచేస్తున్నారు.. సీన్‌లోకి సులేమాన్‌ స్టోన్ కూడా