Largest Kidney Stone: బాబోయ్ కిడ్నీలో రాయి కాదు! ఏకంగా పె..ద్ద.. బండ! గిన్నిస్ రికార్డుకెక్కిన కిడ్నీ స్టోన్
కిడ్నీల్లో రాళ్లు ఈ రోజుల్లో సర్వసాధారణమైపోయింది. సాధారణంగా కిడ్నీలో ఏర్పటే రాళ్లు చాలా చిన్న సైజులో ఉంటాయి. ఆపరేషన్‌తోపని లేకుండానే మందుల ద్వారా వాటంతట అవే కరిగిపోయేలా డాక్టర్లు మందులు ఇస్తుంటారు. ఐతే కొన్ని సందర్భాల్లో రాళ్ల సైజు కాస్త..
Updated on: Jun 14, 2023 | 7:31 PM
కొలంబో: కిడ్నీల్లో రాళ్లు ఈ రోజుల్లో సర్వసాధారణమైపోయింది. సాధారణంగా కిడ్నీలో ఏర్పటే రాళ్లు చాలా చిన్న సైజులో ఉంటాయి. ఆపరేషన్‌తోపని లేకుండానే మందుల ద్వారా వాటంతట అవే కరిగిపోయేలా డాక్టర్లు మందులు ఇస్తుంటారు. ఐతే కొన్ని సందర్భాల్లో రాళ్ల సైజు కాస్త పెద్దగా ఉండటంతో సర్జరీ చేయాల్సి ఉంటుంది. ఎంతపెద్ద రాళ్లైనా 20 నుంచి 30 గ్రాముల వరకు బరువుంటాయి. లేదా అంతకన్నా కన్నా తక్కువ సైజులో ఉంటాయి. అయితే ఓ వ్యక్తి కిడ్నీలో రాల్లు కాదు ఏకంగా బండ సైజు ఉన్న పెద్ద రాయి ఉంది. దాని బరువు ఏకంగా 801 గ్రాములు ఉంది. ఇక పరిమాణం 13.372 సెం.మీ (అంటే 5.264 అంగుళాలు) ఉంది. ఆ వ్యక్తికి మంగళవారం ఆపరేషన్‌ చేసిన శ్రీలంక డాక్టర్లు విజయవంతంగా దాన్ని తొలగించారు.
ఇప్పటి వరకు కొలంబోలోని ఆర్మీ హస్పిటల్ వైద్యులు పేరిట ప్రపంచంలోనే అతి పెద్ద కిడ్నీ రాయిని తొలగించిన రికార్డు ఉంది. 2004లో భారత్‌కి చెందిన ఓ వ్యక్తికి 13 సెంటీమీటర్ల కిడ్నీ స్టోన్ పేరిట రికార్డు ఉండేది. అంతకుముందు 2008లో పాకిస్థాన్‌లో 620 గ్రాముల కిడ్నీ స్టోన్‌ను తొలగించారు. ఈ రికార్డులన్నింటినీ బ్రేక్‌ చేస్తూ.. తాజాగా శ్రీలంక డాక్టర్లు చేసి తొలగించిన రాయినే ప్రపంచంలో అతి పెద్ద కిడ్నీ స్టోన్‌గా గుర్తింపు దక్కించుకుని గిన్నీస్‌ వరల్డ్‌ రికార్డు కెక్కింది. 13.372 సెంటీ మీటర్ల పరిమాణం ఉంది మరి. కన్సల్టెంట్ యూరాలజిస్ట్ లెఫ్టినెంట్ కల్నల్ (డా) కె. సుదర్శన్, జెనిటో యూరినరీ యూనిట్ హెడ్ డా పతిరత్న, డాక్టర్ థమాషా ప్రేమతిలక ఈ శస్త్రచికిత్స నిర్వహించారు.
మరిన్ని అంతర్జాతీయ వార్తల కోసం క్లిక్‌ చేయండి.
