పీక్స్‌కి చేరిన పిచ్చి.. వరద నీటిలో టిక్‌టాక్: యువకుడు మృతి

ప్రాణాలు పోతున్నా.. ఉద్యోగాలు ఊడుతున్నా.. టిక్‌టాక్ పిచ్చి మాత్రం జనాల్లో తగ్గట్లేదు. లేక్‌లు తెచ్చుకోని.. ఫేమస్‌ అయిపోదామని కోరికతో ఎలాంటి వాటికైనా తెగిస్తున్నారు. ముఖ్యంగా యువకులు టిక్‌టాక్ వీడియోస్ చేసి ప్రాణాలను కోల్పోతున్నారు.

కాగా.. బీహార్‌లో వర్షాలు దంచికొడుతున్నాయి. దీంతో.. వరదలు సంభవించిన విషయం తెలిసిందే. ఎక్కడికక్కడ జనజీవనం స్తంభించిపోయింది. ఈ వరద నీటిలో టిక్‌టాక్ చేయబోయి ఓ యువకుడు ప్రాణాలు కోల్పోయాడు. అద్దావ్‌పూర్‌కి చెందిన అఫ్జల్ అనే యువకుడు తన స్నేహితులతో కలిసి వరద నీటిలో టిక్‌టాక్ చేశాడు. ఈ సమయంలో.. వరద పోటెత్తడంతో.. అఫ్జల్ కొట్టుకుపోయాడు. వెంటనే అతని స్నేహితులు పోలీసులకు సమాచారమివ్వగా.. ఎన్డీఆర్ఎఫ్ బృందం రంగంలోకి దిగింది. దాదాపు మూడు రోజులు గాలింపు చర్యలు చేపట్టాగా.. ఈరోజు యువకుడి మృతదేహం లభ్యమైంది.