బిడ్డను ఎత్తుకొని పరీక్ష కేంద్రానికి వచ్చిన తల్లి.. మానవత్వం చాటుకున్న పోలీస్ కానిస్టేబుల్
గుజరాత్‌లోని ఓ మహిళా కానిస్టేబుల్ తన మంచితనాన్ని చాటుకున్నారు. పసిబిడ్డతో పరీక్షకు వచ్చిన ఓ అభ్యర్థికి తనవంతు సాయం చేసి మానవత్వం చాటుకున్నారు. అంతేకాదు ఆ తల్లి పరీక్ష పూర్తయ్యేవరకు తన బిడ్డను జాగ్రత్తగా చూసుకుంది.
Updated on: Jul 11, 2023 | 2:56 PM
గుజరాత్‌లోని ఓ మహిళా కానిస్టేబుల్ తన మంచితనాన్ని చాటుకున్నారు. పసిబిడ్డతో పరీక్షకు వచ్చిన ఓ అభ్యర్థికి తనవంతు సాయం చేసి మానవత్వం చాటుకున్నారు. అంతేకాదు ఆ తల్లి పరీక్ష పూర్తయ్యేవరకు తన బిడ్డను జాగ్రత్తగా చూసుకుంది. వివరాల్లోకి వెళ్తే గుజరాత్ హైకోర్టులోని ఫ్యూన్ పోస్టులకు ఆదివారం పరీక్ష జరిగింది. ఈ రాత పరీక్ష రాసేందుకు చాలామంది అక్కడికి వచ్చారు. అయితే ఈ పరీక్ష ఓ మహిళ తన ఆరు నెలల వయసున్న పసిబిడ్డను వెంటబెట్టుకుని వచ్చింది. కానీ పరీక్ష మొదలైన కొన్ని నిమిషాల ముందే ఆ బిడ్డ ఎడవడం మొదలుపెట్టింది. అయితే ఆ తల్లి ఒక్కసారిగా కంగారుపడింది. దీంతో అక్కడున్న ఓ మహిళా కానిస్టేబుల్ వద్దకు వెళ్లి తన సమస్యను చెప్పుకుంది.
దీంతో ఆ మహిళా కానిస్టేబుల్ ఆ పాపను ఎత్తుకుంది. ఆ తల్లి పరీక్ష రాసేంతవరకు బిడ్డను జాగ్రత్తగా చూసుకుంటానని హామి ఇచ్చింది. అనంతరం ఆ తల్లిని పరీక్ష కేంద్రంలోకి పంపించింది. ఇక ఆ మహిళా కానిస్టేబుల్ తన విధులు నిర్వహిస్తూనే ఆ బిడ్డ ఆలనాపాలనా చూసుకుంది. ఇందకు సంబంధించిన ఫోటోలను అహ్మదాబాద్ పోలీసులు తమ ట్విట్టర్‌లో పోస్టు చేశారు. దీంతో ఈ ఫోటోలు వైరలవుతున్నాయి. కానిస్టేబుల్ చూపిన మానవత్వంపై నెటీజన్లు ప్రశంసల వర్షం కురిపిస్తున్నారు.
ઓઢવ ખાતે પરીક્ષા આપવા માટે આવેલ મહીલા પરીક્ષાર્થીનુ બાળક રોતું હોય જેથી મહિલા પરીક્ષાથી નું પેપર દરમિયાન સમય બગડે નહીં અને પરીક્ષા વ્યવસ્થિત રીતે આપી શકે તે સારું મહિલા પોલીસ કર્મચારી દયાબેન નાઓએ માનવીય અભિગમ દાખવી બાળકને સાચવેલ જેથી માનવીય અભિગમ દાખવવામાંઆવેલ છે pic.twitter.com/SIffnOhfQM
— Ahmedabad Police અમદાવાદ પોલીસ (@AhmedabadPolice) July 9, 2023
మరిన్ని జాతీయ వార్తల కోసం క్లిక్ చేయండి..
