Karnataka: మాకో డిప్యూటీ సీఎం ఇవ్వండి.. కాంగ్రెస్ పార్టీకి సున్నీ ఉలేమా బోర్డు డిమాండ్..

కర్నాటక ఎన్నికల గెలుపు ముంగిట్లో కాంగ్రెస్‌కు కొత్త డిమాండ్లు పెరుగుతున్నాయి. కర్ణాటకలో కాంగ్రెస్ సీఎం పదవిపై ఇంకా నిర్ణయం తీసుకోలేక పోవడంతో కాంగ్రెస్ ముందున్న కొత్త డిమాండ్ తెరపైకి వచ్చింది. కర్నాటక డిప్యూటీ సీఎం ముస్లిం వర్గానికి చెందినవారే కావాలని సున్నీ ఉలేమా బోర్డు ముస్లిం నేతలు డిమాండ్ చేశారు. దీంతో పాటు ఐదుగురు ముస్లిం ఎమ్మెల్యేలకు మంచి శాఖలున్న మంత్రి పదవులు ఇవ్వాలని, అందులో హోం, రెవెన్యూ, వైద్యారోగ్య శాఖ తదితర శాఖలు ఇవ్వాలని వక్ఫ్ బోర్డు చైర్మన్ షఫీ సాదీ కాంగ్రెస్ పార్టీని కోరారు.

వక్ఫ్ బోర్డు చైర్మన్ షఫీ సాదీ మాట్లాడుతూ.. మాకు 30 సీట్లు (ముస్లిం అభ్యర్థులు) ఇవ్వాలని ఎన్నికలకు ముందే చెప్పాం. మాకు 15 సీట్లు ఇచ్చారు. ఇందులో 9 మంది ముస్లిం అభ్యర్థులు గెలిచారు. కాంగ్రెస్ 72 అసెంబ్లీల్లో గెలిచింది అంటే అందుకు ముస్లింల వల్లే. తాము కాంగ్రెస్‌ పార్టీకి చాలా ఇచ్చాం. ఇప్పుడు మాకు ప్రతిఫలంగా ఏదైనా పొందే సమయం వచ్చిందన్నారు. మాకు ఒక ముస్లిం డిప్యూటీ సీఎం,  హోం, రెవెన్యూ, హెల్త్ వంటి మంచి శాఖలు ఉన్న 5 మంది మంత్రులు కావాలి. దీంతో కృతజ్ఞతలు చెప్పాల్సిన బాధ్యత కాంగ్రెస్‌ పార్టీపై ఉంది. దీనిని అమలు చేయడానికి తాము సున్నీ ఉలేమా బోర్డుతో అత్యవసర సమావేశం నిర్వహించాం.

ఆ పదవి ఎవరికి దక్కుతుందో కాంగ్రెస్‌కే వదిలేశారు

ఈ పదవి ఎవరికి ఇవ్వాలనే విషయంపై షఫీ మాట్లాడుతూ.. ఈ 9 మందిలో (గెలిచిన ముస్లిం అభ్యర్థులు) ఎవరికి పదవి ఇవ్వాలనేది కాంగ్రెస్ అధిష్టానం నిర్ణయమన్నారు. ఎవరు పని చేశారో, మంచి అభ్యర్థి ఎవరో కాంగ్రెస్‌ తేల్చాల్సి ఉందన్నారు. అనేక మంది ముస్లిం అభ్యర్థులు కూడా ఇతర నియోజకవర్గాలను ప్రచారం నిర్వహించారు. కొన్నిసార్లు ఆయన తన నియోజకవర్గాన్ని పక్కన పెట్టి కాంగ్రెస్ గెలుపుకోసం పనిచేశారు. అందుకే కాంగ్రెస్ గెలుపులో వారిదే కీలకపాత్ర. ముస్లిం సమాజం నుంచి ఒకరు డిప్యూటీ సీఎం కావాలి. అది కాంగ్రెస్ పార్టీ బాధ్యత అని గుర్తు చేశారు.

ఎప్పుడూ ముస్లిం సీఎం కాలేదు- షఫీ

ఎన్నికలకు ముందే తాను ఈ డిమాండ్ చేశానని షఫీ పునరుద్ఘాటించారు. “దీన్ని కాంగ్రెస్ పార్టీ పరిష్కరించాలి. ఎన్నికలకు ముందు ఇది మా డిమాండ్. ఇది నెరవేర్చాలి. మేము ముస్లింను డిప్యూటీ సీఎం మాత్రమే అడుగుతున్నాం. వాస్తవానికి ముస్లిం సీఎం ఉండాలి.. ఎందుకంటే కర్ణాటక చరిత్ర నేను ఇప్పటి వరకు ముస్లిం ముఖ్యమంత్రి లేరు. రాష్ట్రంలో 90 లక్షల మంది ముస్లింలు ఉన్నారు.షెడ్యూల్డ్ కులాలు కాకుండా రాష్ట్రంలో అతి పెద్ద మైనారిటీ కమ్యూనిటీ మాది. తాము ఎన్నికల ముందే కోరుకున్నట్లుగా మాకు 30కిపైగా సీట్లు కాంగ్రెస్ పార్టీ ఇవ్వలేదు. గెలిచిన తర్వాత ఇప్పుడు మా కోరికలు తీర్చాలి. అందుకే ఐదుగురు ముస్లిం మంత్రులు, ఒక డిప్యూటీ సీఎం కావాలి. ఇదే మాకు కోరిక.

కర్ణాటక తదుపరి సీఎం ఎవరన్నది..

ఇదిలావుంటే, కర్నాటక తదుపరి సీఎం ఎవరనే విషయంలో కాంగ్రెస్ ఇప్పటి వరకు నిర్ణయం తీసుకోలేకపోయింది. ఆదివారం (మే 14) బెంగళూరులో కాంగ్రెస్ లెజిస్లేచర్ పార్టీ సమావేశం జరిగింది. దీనిలో సీఎంను ఎన్నుకునే నిర్ణయం తీసుకునే హక్కును కాంగ్రెస్ అధ్యక్షుడు మల్లికార్జున్ ఖర్గేకు ఎమ్మెల్యేలు ఇచ్చారు. ఇక సీఎం పేరుపై ఖర్గే నిర్ణయం తీసుకోవాల్సి ఉంది. కర్ణాటక రాష్ట్ర కాంగ్రెస్ అధ్యక్షుడు డీకే శివకుమార్, సిద్ధరామయ్యల మధ్య సీఎం పదవి కోసం గట్టి పోటీ నెలకొంది.

మరిన్ని జాతీయ వార్తల కోసం