Village of Widows : ‘ఇది’ వితంతువుల గ్రామం.. ఇక్కడ ఎక్కువ మంది పురుషులే చనిపోతారు..ఎందుకో తెలుసా..?
ఈ గ్రామంలో నివసించే వితంతువుల జీవితాలు పోరాటాలతో నిండి ఉన్నాయి. ఈ గ్రామంలో చాలా మంది మహిళలు తమ జీవిత భాగస్వామిని కోల్పోయారు. గ్రామంలో అకాల మరణాల రేటు ఎక్కువగా ఉంది. ఈ గ్రామంలో పురుషులు అకాల మరణానికి సరైన కారణం ఏమిటని చాలా మంది ఆశ్చర్యపోతున్నారు.
Updated on: Jul 29, 2023 | 6:30 PM
Village of Widows : భారతదేశంలో ‘వితంతువుల గ్రామం’ అనే ఓ గ్రామం ఉంది. రాజస్థాన్‌లోని బుండి జిల్లాలోని ఒక గ్రామాన్ని వితంతువుల గ్రామం అని పిలుస్తారు. ఈ గ్రామంలో చాలా మంది మహిళలు తమ భర్తలను కోల్పోయారు. ఈ స్త్రీల జీవితాలన్నీ పోరాటాలే. రాజస్థాన్ రాష్ట్రంలోని బుండి జిల్లాలోని ఈ గ్రామంలో పురుషుల అకాల మరణాలు అత్యధికంగా ఉన్నాయి. ఈ గ్రామంలోని మహిళలు తమ కుటుంబాలకు జీవనోపాధి కోసం జీవన పోరాటం చేస్తున్నారు. రోజుకు పది గంటల పాటు వారంతా ఇసుక తవ్వకాలు చేస్తూ జీవనోపాధి పొందుతున్నారు.
‘ఇది’ వితంతువుల గ్రామం
రాజస్థాన్ రాష్ట్రంలోని బుండి జిల్లాలోని బుధ్‌పురా గ్రామాన్ని వితంతువుల గ్రామంగా కూడా పిలుస్తారు. ఈ గ్రామంలో నివసించే వితంతువుల జీవితాలు పోరాటాలతో నిండి ఉన్నాయి. ఈ గ్రామంలో చాలా మంది మహిళలు తమ జీవిత భాగస్వామిని కోల్పోయారు. గ్రామంలో అకాల మరణాల రేటు ఎక్కువగా ఉంది. ఈ గ్రామంలో పురుషులు అకాల మరణానికి సరైన కారణం ఏమిటని చాలా మంది ఆశ్చర్యపోతున్నారు.
పురుషుల అకాల మరణానికి కారణం ఏమిటి?
ఈ గ్రామంలో మనుషులు అకాల మరణానికి గల ప్రధాన కారణం ఈ ప్రాంతంలోని గనులు. అక్కడ దుమ్ము రేణువులు గాలిలో కరిగిపోయి ప్రజల ఊపిరితిత్తులపై ప్రభావం చూపుతున్నాయి. ఈ గ్రామంలో పనిచేసే పురుషుల మరణాలకు గనులే కారణమని అనేక నివేదికలు చెబుతున్నాయి. ఇక్కడ గనుల్లో పనిచేసే పురుషులకు సిలికోసిస్ అనే ప్రాణాంతక వ్యాధి వస్తుంది. సకాలంలో వైద్యం అందక పెద్ద సంఖ్యలో రోగులు మరణిస్తున్నారు.
ఇసుక బ్లాస్టింగ్ పని
భర్త చనిపోయిన తర్వాత కూడా ఇక్కడి ఆడవాళ్లంతా గనుల్లో పనిచేసి పిల్లలను పోషించుకోవాల్సి వస్తోంది. బుధ్‌పురా వద్ద ఇసుక రాయి క్రషింగ్ పెద్ద ఎత్తున జరుగుతుంది. ఈ పనిలో విడుదలయ్యే సిలికా ధూళి వారి ఊపిరితిత్తులలో ఇన్ఫెక్షన్ కలిగిస్తుంది. దురదృష్టవశాత్తు, రోగులకు సకాలంలో సరైన వైద్యం అందదు, వారు మరింత శ్వాసకోశ ఇబ్బందులను ఎదుర్కొంటారు. ప్రాణాంతక వ్యాధులకు గురవుతారు. గనుల్లో పనిచేసి భర్తను కోల్పోయిన మహిళలు ఈ గ్రామంలో ఎందరో ఉన్నారు.
మరిన్ని జాతీయ వార్తల కోసం క్లిక్ చేయండి..
