పెళ్లికి సిద్దమైన అమ్మాయి కుటుంబం.. డ్యామిట్ కథ అడ్డం తిప్పేసిన వీడియో..!

ఉత్తరప్రదేశ్‌లో జరిగిన విచిత్ర సంఘటన ఒకటి వెలుగులోకి వచ్చింది. ఘాజీపూర్‌లో ఇద్దరు అక్కాచెల్లెళ్ల వివాహ నిశ్చితార్థం జరిగింది. అయితే, కొంతమంది వారి కాబోయే భర్తలు, అత్తమామలకు వారి అశ్లీల ఫోటోలు, వీడియోలను పంపారు. ఇప్పుడు, ఈ వీడియోలు వారి కుటుంబాల్లో చిచ్చు రాజేశాయి. ఏకంగా రెండు పెళ్లిళ్లు రద్దు అయ్యాయి. దీంతో బాధితుల కుటుంబాలు సైబర్ పోలీస్ స్టేషన్‌లో ఫిర్యాదు చేశాయి. వారు న్యాయం కోసం వేడుకున్నారు. వారి కుమార్తెల జీవితాలు విచ్ఛిన్నం కాబోతున్నాయని పేర్కొన్నారు.

ఇటీవల ఈ ఇద్దరు అమ్మాయిల వివాహాలు నిశ్చయం అయ్యాయి. ఇద్దరికి నిశ్చితార్థం కూడా జరిగింది. కానీ కొంతమంది వ్యక్తులు తమ కుమార్తెల అభ్యంతరకరమైన, అశ్లీల ఫోటోలను కాబోయే అత్తమామలకు పంపారని, దీంతో రెండు కుటుంబాల మధ్య అపార్థాలు ఏర్పడ్డాయని బాధిత కుటుంబం ఆరోపిస్తుంది. తమ కుమార్తెల వివాహాలు విచ్ఛిన్నమయ్యే దశలో ఉన్నాయని ఆ కుటుంబం పోలీసులకు ఇచ్చిన ఫిర్యాదులో పేర్కొన్నారు. ఈ సంఘటన నోన్హారా పోలీస్ స్టేషన్ పరిధిలోని ఒక గ్రామంలో జరిగింది.

జమానియా పోలీస్ స్టేషన్ పరిధిలోని డియోరియా గ్రామంలో తన కూతురి వివాహం, దిల్దార్ నగర్ పోలీస్ స్టేషన్ పరిధిలోని పచోఖర్ గ్రామంలో తన మేనకోడలి వివాహం ఏర్పాటు చేశానని ఒక మహిళ సైబర్ పోలీస్ స్టేషన్‌లో ఫిర్యాదు చేసింది. అయితే, తన కూతురు, మేనకోడలి వివాహాన్ని ద్వేషించిన ఒక గుర్తు తెలియని వ్యక్తి, తన కాబోయే అల్లుళ్లిద్దరి మొబైల్ ఫోన్‌లకు వారి కూతుళ్ల అశ్లీల ఫోటోలను ఇన్‌స్టాగ్రామ్ ద్వారా పంపాడు. అతను దుర్భాషలాడుతూ, అసభ్యకరమైన పదజాలాన్ని కూడా ఉపయోగించాడు. దీని ఫలితంగా ఆమె కూతురు, మేనకోడలి వివాహాలు రద్దు అయ్యాయి.

వారి వివాహాన్ని విచ్ఛిన్నం చేయడానికి నిందితులు గతంలో ప్రయత్నించారని ఆమె ఫిర్యాదులో పేర్కొంది. వారు తమ ఇన్‌స్టాగ్రామ్ ఖాతాల నుండి అశ్లీల ఫోటోలను పోస్ట్ చేస్తున్నారని, దీనివల్ల తనకు , తన కుమార్తెలకు సమస్యలు వస్తున్నాయని ఆమె పేర్కొన్నారు. బాధితురాలు తన ఫిర్యాదును సైబర్ క్రైమ్ పోలీస్ స్టేషన్ ఇన్‌ఛార్జికి సమర్పించింది. సైబర్ క్రైమ్ పోలీస్ స్టేషన్ క్రిమినల్ ప్రొసీజర్ కోడ్ (CrPC) సెక్షన్ 77, ఇన్ఫర్మేషన్ టెక్నాలజీ చట్టంలోని సెక్షన్ 66C, 67 కింద కేసు నమోదు చేశారు. ప్రస్తుతం ఈ విషయంలో తదుపరి చర్యలు తీసుకుంటున్నట్లు పోలీసులు తెలిపారు.

మరిన్ని క్రైమ్ వార్తల కోసం ఇక్కడ క్లిక్ చేయండి..