Viral Video: పెళ్లి కొడుకైన కుమారుడిని అందరి ముందు చెప్పుతో కొట్టిన తల్లి…!! ఎందుకలా.. ?? ఎక్కడ..??
యూపీలోని హామిర్ పూర్ లో ఓ పెళ్లి ఘనంగా జరుగుతోంది. వెరైటీగా ఓ చిన్నపాటి ఎత్తయిన స్టేజీని ఏర్పాటు చేసి దానిపై కమలం టైపులో గుండ్రంగా తిరుగుతున్న వేదిక మీద వధూవరులు పూలమాలలు మార్చుకునేలా తీర్చిదిద్దారు.
యూపీలోని హామిర్ పూర్ లో ఓ పెళ్లి ఘనంగా జరుగుతోంది. వెరైటీగా ఓ చిన్నపాటి ఎత్తయిన స్టేజీని ఏర్పాటు చేసి దానిపై కమలం టైపులో గుండ్రంగా తిరుగుతున్న వేదిక మీద వధూవరులు పూలమాలలు మార్చుకునేలా తీర్చిదిద్దారు. ఇదంతా సంబరంగా జరుగుతుండగా.. హఠాత్తుగా వరుడి తల్లి అక్కడికి చేరుకుంది. ఎవరూ ఊహించనంత వేగంగా ఈ వేదికనెక్కి వరుడిని తిడుతూ చెప్పు తీసి కొట్టింది. అంతటితో ఆగక..అతడ్ని కిందికి లాగివేసేందుకు యత్నించింది. ఇది చూసిన ఓ వ్యక్తి ఆమెను బలవంతంగా కిందికి లాక్కుని వచ్చాడు. ఈ ఘటనతో అంతా బిత్తరపోయి అక్కడినుంచి నిష్క్రమించారు. ఈ వ్యవహారమంతా వీడియోకెక్కి సోషల్ మీడియాలో వైరల్ అయింది. ఇంతకీ ఆ మహిళ అంతమందిలో ..అందులోనూ పెళ్లి జరుగుతుండగా తన కొడుకును చెప్పుతో ఎందుకు కొట్టిందంటే..తన అభీష్టానికి వ్యతిరేకంగా ఈ అమ్మాయిని వివాహం చేసుకోవడమే.
తల్లిని, తండ్రిని కాదని ఆ యువకుడు ఈమెను మొదట కోర్టులో పెళ్లి చేసుకున్నాడట. అయితే ఆ యువతి తలిదండ్రులు మాత్రం తమ కూతురి వెడ్డింగ్ ని అతనితోనే మళ్ళీ వైభవంగా చేయదలిచి ఈ నెల 3 న ఓ ఫంక్షన్ హాలులో ఇందుకు సిద్ధపడ్డారు. ఈ సమాచారం ఎలా తెలిసిందో గానీ ఆ యువకుని తల్లి అక్కడికి చేరుకొని..ఇలా తన కొడుకుమీద దాడి చేసింది. కొన్ని పెళ్లిళ్లు ఈ విధంగా అభాసు పాలవడం చూస్తున్నాం.. ఇటీవల తమిళనాడులో పెళ్లి పీటల మీద వరుడు వధువు మెడలో తాళి కట్టే సమయానికి ఆ వధువు నిరాకరించి… తన ప్రియుడు ఇక్కడికి వస్తున్నాడని.. ఈ పెళ్లి తనకు వద్దని చెప్పడం.. ఆమె బంధువులు ఆమెపై చెయ్యి చేసుకున్నంత పని జరగడం తెలిసిందే.
#A4Times#हमीरपुर दूल्हे की माँ ने जयमाल के वक्त बेटे पर चप्पल से किया हमला, वीडियो वायरल, माँ को यह रिश्ता मंज़ूर नहीं था, सुमेरपुर थाना क्षेत्र में एक मैरेज हाल का है वीडियो.#ViralVideo #marriage pic.twitter.com/sVO6pDSndr
— A4Times (@a4_times) July 4, 2021
మరిన్ని ఇక్కడ చూడండి: Contact Lenses: 35 ఏళ్లుగా కాంటాక్ట్ లెన్స్ విషయంలో మహిళ నిర్లక్ష్యం.. చికిత్స సమయంలో వైద్యులకు షాక్
