Trending: ఫ్యాన్సీ నంబర్ ప్లేట్ కు రూ.కోటి… ఇంతకీ ఏ వెహికిల్ కోసమో తెలిస్తే నోరెళ్లబెట్టాల్సిందే..
మార్కెట్లోకి వచ్చే సరికొత్త మోడల్ వాహనాన్ని కొనుగోలు చేసేందుకు ఎంత ఆసక్తి చూపిస్తారో.. ఫ్యాన్సీ నంబర్ కోసం అంతే ఆసక్తిగా ఎదురు చూస్తుంటారు. తమకు కావాల్సిన నంబర్ ను దక్కించుకునేందుకు ఎంత ఖర్చు..
Updated on: Feb 17, 2023 | 6:38 AM
మార్కెట్లోకి వచ్చే సరికొత్త మోడల్ వాహనాన్ని కొనుగోలు చేసేందుకు ఎంత ఆసక్తి చూపిస్తారో.. ఫ్యాన్సీ నంబర్ కోసం అంతే ఆసక్తిగా ఎదురు చూస్తుంటారు. తమకు కావాల్సిన నంబర్ ను దక్కించుకునేందుకు ఎంత ఖర్చు చేసేందుకైనా వెనకాడరు. ప్రజల ఇంట్రెస్ట్ ను అవకాశంగా మలుచుకున్న రవాణాశాఖ.. వీఐపీ నంబర్లంటూ అనేక సంఖ్యల సీరీస్లను అమ్మకానికి ఉంచుతోంది. కానీ, కొన్ని సందర్భాలలో ఒకే సంఖ్య కోసం అనేక మంది పోటీ పడుతుంటారు. అటువంటి సమయాల్లో ఆఫీసర్లు బిడ్డింగ్(వేలం) ప్రక్రియను చేపడతారు. ఇందులో పాల్గొన్న వారు ఎంత ఖర్చు చేసైనా సరే చివరకు వారికి నచ్చిన రిజిస్ట్రేషన్ నంబర్ను దక్కించుకుంటారు. తాజాగా హిమాచల్ ప్రదేశ్ సిమ్లాలో అలాంటి ఘటనే జరిగింది. ఓ స్కూటీ రిజిస్ట్రేషన్ నంబర్ ప్లేట్ సంఖ్య కోసం.. అక్షరాల కోటి రూపాయలకు పైగా ఖర్చు చేయడం గమనార్హం.
హిమాచల్ ప్రదేశ్ లోని సిమ్లాకు చెందిన ఓ వాహనదారుడు.. మరో 26 మంది సైతం ఆ సంఖ్యను సొంతం చేసుకునేందుకు పోటీ పడ్డారు. శిమ్లా కోట్ఖాయ్ ప్రాంతానికి చెందిన ఓ వ్యక్తి ఈ వేలంలో అత్యధిక ధరకు బిడ్ వేశాడు. HP999999 ఫ్యాన్సీ నంబర్ కు ఏకంగా రూ.కోటి 11 వేలు బిడ్డింగ్ వేశాడు. వీవీఐపీ నంబర్ కోసం 26 మంది ఆసక్తి చూపి వేలంలో పాల్గొన్నారు. వాస్తవానికి దీని రిజర్వ్ ధర రూ.1000గా ఫిక్స్ చేశారు అధికారులు.
Scooty Registration
ఆశ్చర్యకరమైన విషయం ఏంటంటే ఈ నంబర్ ను దక్కించుకున్న వ్యక్తి రూ.లక్ష పెట్టి స్కూటీని కొనుగోలు చేస్తే.. దాని రిజిస్ట్రేషన్ నంబర్ కోసం మాత్రం ఏకంగా రూ.కోటికి పైనే బిడ్డింగ్ చేయడం విశేషం. సాధారణంగా రూ.కోట్లు విలువ చేసే కార్ల కోసం ఇంత పెద్ద మొత్తంలో వెచ్చించి ఫ్యాన్సీ నంబర్లను పొందుతారు కొందరు. కానీ, స్కూటీ కోసం ఇంత మొత్తంలో బిడ్డింగ్ వేయడాన్ని చూసి అధికారులే షాక్ అవుతున్నారు.
మరిన్ని జాతీయ వార్తల కోసం ఈ లింక్ క్లిక్ చేయండి..
