నమ్ముకుని ఉన్న ఉద్యోగులకు ఎస్‌యూవీ కార్లను బహుమతిగా ఇచ్చిన స్టార్టప్‌ కంపెనీ!

చెన్నైకి చెందిన టెక్ స్టార్టప్ కంపెనీ అజిలిసియం కన్సల్టింగ్ తన 10వ వార్షికోత్సవం సందర్భంగా తన బృందానికి బంపర్ ఆఫర్ఠ ఇచ్చింది. దాని గురించి విని అందరూ ఆశ్చర్యపోతున్నారు. కంపెనీతో మొదటి నుండి అనుబంధంగా ఉన్న 25 మంది విశ్వాసపాత్రులైన ఉద్యోగులకు కంపెనీ కొత్త హ్యుందాయ్ క్రెటా SUVని బహుమతిగా ఇచ్చింది. అన్ని వాహనాలు తెలుపు రంగులో ఉండటం విశేషం. ప్రత్యేకత ఏమిటంటే ప్రతి SUV నంబర్ ప్లేట్‌పై ఉద్యోగి పేరు వ్రాయించారు.

అజిలిసియం సీఈవో రాజ్ బాబు ఉద్యోగులకు కృతజ్ఞతలు తెలుపుతూ, “నన్ను నమ్మినందుకు ధన్యవాదాలు, ప్రజలు లేకుండా నాయకుడు లేడు” అని అన్నారు. ఈ కారు కేవలం బహుమతి మాత్రమే కాదని, ఇది వారి నమ్మకం, ఉమ్మడి ఉద్దేశ్యం, టీమ్ స్ఫూర్తికి చిహ్నం అని కూడా ఆయన స్పష్టం చేశారు. ఈ SUV కారు ధర రూ. 20.50 లక్షల వరకు ఉంటుంది.

ఒక కంపెనీ తన ఉద్యోగులకు బహుమతిగా ఇంత పెద్ద సంఖ్యలో కార్లను బహుమతిగా ఇవ్వడం ఇదే మొదటిసారి కాదు. చెన్నైకి చెందిన టీమ్ డీటెయిలింగ్ సొల్యూషన్స్ అనే కంపెనీ ఇప్పటికే టాటా టియాగో నుండి మెర్సిడెస్ సి-క్లాస్ వరకు 28 కార్లు, 29 బైక్‌లను తన ఉద్యోగులకు బహుమతిగా ఇచ్చింది. దీంతో పాటు, పంచకులలోని ఒక ఫార్మా కంపెనీ తన 15 మంది ఉద్యోగులకు వారి విధేయత, సేవకు ప్రశంసగా టాటా పంచ్ SUVలను కూడా బహుమతిగా ఇచ్చింది.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..