Gandhi Jayanti 2021: మహాత్ముని జీవితం అందరికీ ఆదర్శం.. గాంధీకి నివాళులర్పించిన ప్రధాని మోదీ..

PM Modi pays tribute to Mahatma Gandhi: మహాత్మా గాంధీ 152వ జయంతి సందర్భంగా ప్రధానమత్రి నరేంద్ర మోదీ ఆయనకు నివాళులర్పించారు. శనివారం ఉదయాన్నే ప్రధాని మోదీ రాజ్‌ఘాట్‌కు చేరుకుని మహాత్మా గాంధీకి నివాళులర్పించారు. ఆయనతోపాటు రాష్ట్రపతి రామ్‌నాథ్ కోవింద్, ఉపరాష్ట్రపతి వెంకయ్యనాయుడు కూడా గాంధీకి నివాళులర్పించారు. వారితోపాటు లోక్‌సభ స్పీకర్ ఓం బిర్లా, కాంగ్రెస్ తాత్కలిక అధ్యక్షురాలు సోనియాగాంధీ, ఢిల్లీ ముఖ్యమంత్రి అరవింద్ కేజ్రీవాల్, ఉపముఖ్యమంత్రి మనీష్ సిసోడియా రాజ్‌ఘాట్‌కు చేరుకుని బాపూజీకి నివాళులర్పించారు. అనంతరం ప్రధాని మోదీ విజయ్ ఘాట్‌కు చేరుకుని మాజీ ప్రధాని లాల్ బహదూర్ శాస్త్రికి నివాళులర్పించారు.

#WATCH Prime Minister Narendra Modi pays floral tributes to Mahatma Gandhi at Rajghat on #GandhiJayanti pic.twitter.com/GE63jP2Nhe

— ANI (@ANI) October 2, 2021

ఇదిలాఉంటే.. అంతకుముందు ప్రధాని మోడీ మహాత్మా గాంధీ, లాల్ బహదూర్ శాస్త్రికి నివాళులర్పిస్తూ ట్విట్ చేశారు. మహాత్మా గాంధీ జీవితం, ఆయన బోధించిన సూత్రాలు లక్షలాది మందికి బలాన్ని ఇస్తాయని.. ప్రధానమంత్రి నరేంద్ర మోదీ అన్నారు. గాంధీజీ సూత్రాలు ప్రపంచవ్యాప్తంగా ఆదర్శనీయమని.. లక్షలాది మందికి స్ఫూర్తి అని ప్రధాని మోదీ పేర్కొన్నారు.

#WATCH President Ram Nath Kovind pays tribute to Mahatma Gandhi at Rajghat on his 152nd birth anniversary pic.twitter.com/kMA7U1JLAu

— ANI (@ANI) October 2, 2021

మాజీ ప్రధాని లాల్ బహదూర్ శాస్త్రి జయంతి సందర్భంగా కూడా ప్రధాని ఆయనకు నివాళులర్పించారు. విలువలు, సూత్రాలపై ఆధారపడిన శాస్త్రి జీవితం ఎల్లప్పుడూ దేశ ప్రజలకు స్ఫూర్తిదాయకమని ప్రధాని మోదీ ట్విట్ చేశారు.

కాగా.. ఈ రోజు గాంధీ జయంతి సందర్భంగా.. ప్రధాని మోదీ.. ప్రధానమంత్రి జల జీవన్ మిషన్ యాప్‌ని ప్రారంభించనున్నారు. వీడియో కాన్ఫరెన్సింగ్ ద్వారా జరిగే జల్ జీవన్ మిషన్‌ ప్రారంభోత్సవంలో గ్రామ పంచాయతీల్లోని నీరు, పారిశుద్ధ్య కమిటీలతో (VWSC) సంభాషించనున్నారు.

Also Read:

Telugu Academy: తెలుగు అకాడమీ నిధుల గల్లంతు విధంబెట్టిదనిన.. కేటుగాళ్ల జాబితా చాంతాడంత.!

Amazon Great Indian: ప్రైమ్‌ మెంబర్స్‌కు ఆఫర్ల పండుగ ఒకరోజు ముందే ప్రారంభమైంది.. ఈ భారీ డిస్కౌంట్లను గమనించారా?