PM Modi: ఆ మహిళలకు ప్రధాని మోదీ గుడ్ న్యూస్… రేపే అకౌంట్లలో నగదు జమ

దేశంలోని మహిళా స్వయం సహాయక సంఘాలతో ప్రధాని నరేంద్ర మోదీ గురువారం వర్చువల్​ సమావేశంలో పాల్గొననున్నారు. దీన్​దయాల్​ అంత్యోదయ యోజన-జాతీయ గ్రామీణ జీవనోపాధి మిషన్  (DAY-NRLM) కింద లబ్ధిదారులుగా ఉన్న మహిళలతో మాట్లాడనున్నారు.  ప్రధాన మంత్రి కార్యాలయం… దేశవ్యాప్తంగా ఉన్న మహిళా ఎస్‌హెచ్‌జి (స్వయం సహాయక బృందం) సభ్యుల విజయ కథల సేకరణతో పాటు వ్యవసాయ జీవనోపాధిని విశ్వవ్యాప్తం చేయడంపై ఒక హ్యాండ్‌బుక్‌ను రూపొందించింది.  ఈ కార్యక్రమంలో భాగంగా ఆ పుస్తకాన్ని ప్రధాని విడుదల చేయనున్నారు. నాలుగు లక్షలకుపైగా స్వయం సహాయక సంఘాలకు ఆర్థిక సాయంగా ప్రధాని రూ.1,625 కోట్లు మంజూరు చేయనున్నారు. దీనితో పాటు పీఎంఎఫ్​ఎంఈ (పీఎం ఫార్మలైజేషన్ ఆఫ్​ మైక్రో ఫుడ్ ప్రాసెసింగ్ ఎంటర్​ప్రైజస్) పథకం కింద 7,500 మంది స్వయం సహాయక సంఘాల సభ్యులకు రూ.25 కోట్లను విడుదల చేయనున్నారు. 75 ఎఫ్​పీఓలకు కూడా రూ.4.13 కోట్లను నిధులను ప్రకటించనున్నారు.

గ్రామీణ పేదలను దశల వారీగా స్వయం సహాయక సంఘాల్లో భాగం చేయడమే దీన్​దయాల్​ అంత్యోదయ యోజన లక్ష్యం అని ప్రధాని కార్యాలయం పేర్కొంది.  గ్రామీణ పేదల ఆదాయాలు,  జీవన నాణ్యతను మెరుగుపరచడానికి… వారికి దీర్ఘకాలిక మద్దతును అందించడానికి ఈ మిషన్ ఉపమోగపడుతుంది గతంలో పలుమార్లు ప్రధాని మోదీ చెప్పారు. గ్రామీణాభివృద్ధి, పంచాయత్ రాజ్ మంత్రి గిరిరాజ్ సింగ్.. ఫుడ్ ప్రాసెసింగ్, పరిశ్రమల మంత్రి పశుపతి కుమార్ పరాస్‌తో పాటు పలువురు సహాయ మంత్రులు, ఉన్నతాధికారులు ఈ వర్చవల్ సమావేశంలో పాల్గొననున్నారు.

భారత్‌కు ఎఫ్​డీఐల వెల్లువ: ప్రధాని

భారత ఆర్థిక వ్యవస్థ తిరిగి వేగంగా పుంజుకుంటోందని ప్రధాని నరేంద్ర మోదీ పేర్కొన్నారు. గత కొన్నేళ్లుగా ప్రభుత్వం తీసుకొస్తున్న సంస్కరణల వల్ల విదేశీ ప్రత్యక్ష పెట్టుబడులు (ఎఫ్​డీఐ) భారీగా వస్తున్నట్లు చెప్పారు. పరిశ్రమల సమాఖ్య (సీఐఐ) 2021 వార్షిక సమావేశంలో వర్చువల్​గా పాల్గొన్న ప్రధాని.. ఈ వివరాలు వెల్లడించారు. కంపెనీ స్వదేశానిది కాకపోయినా.. వాటి ఉత్పత్తులు మాత్రం ఇండియాలోనే తయారు కావాలనేదే తమ లక్ష్యమని స్పష్టం చేశారు మోదీ. దేశంలో ప్రస్తుతం 60 యూనికార్న్​ అంకురాలు ఉన్నాయని.. అందులో 21 కంపెనీలు గడిచిన కొన్ని నెలల్లోనే ఆ మార్క్​ను అందుకున్నాయని చెప్పారు. కరోనా సంక్షోభం ఉన్నా ప్రభుత్వం విప్లవాత్మక నిర్ణయాలు తీసుకున్నట్లు వివరించారు. ఈ సమావేశంలో సీఐఐ అధ్యక్షుడు ఉదయ్​ కోటక్ సహా.. ఇతర సభ్యులు, పలువురు పారిశ్రామికవేతలు పాల్గొన్నారు.

Also Read: సీఎం జగన్ సంచలనం.. భవిష్యత్‌లో కుటుంబానికి కాకుండా ప్రతి వ్యక్తికి ‘ఆరోగ్య శ్రీ’ కార్డు

బాలుడి హత్య.. నరబలి కోణంలో విచారణ.. తాజాగా పోలీసులకు మరో క్లూ