జమిలి ఎన్నికల బిల్లుపై సంయుక్త పార్లమెంటరీ కమిటీ.. 31 మంది ఎంపీలలో ప్రియాంక గాంధీకి చోటు!
లోక్సభలో మొత్తం 543 మందీ హాజరైతే అందులో మూడింట రెండొంతులు అంటే 362 మంది మద్దతు కావాలి. ప్రస్తుతం ఎన్డీఏ ఖాతాలో ఉన్న ఎంపీలు 293 మంది. ఇండీ కూటమిలో కాంగ్రెస్తో విభేదిస్తున్న కొన్ని పక్షాలు ఇప్పటికే జమిలికి మద్దతిచ్చే ఆలోచనలో ఉన్నాయి. వైసీపీ, బీఆర్ఎస్ లాంటి తటస్థ పార్టీలు ఇప్పటికే మోదీ వైపే మొగ్గుతున్నాయి.
Updated on: Dec 18, 2024 | 10:03 PM
ఒకే దేశం, ఒకే ఎన్నికల బిల్లుకు సంబంధించి జేపీసీ ఏర్పాటైంది. వన్ నేషన్ వన్ ఎలక్షన్ కోసం భారతీయ జనతా పార్టీ పార్లమెంటు సభ్యులు పీపీ చౌదరి జేపీసీ చైర్మన్గా ఉంటారు. జేపీసీ నుంచి బీజేపీ సభ్యులు పీపీ చౌదరి, బన్సూరి స్వరాజ్, సీఎం రమేశ్, పర్షోత్తమ్ రూపాలా, అనురాగ్ ఠాకూర్, భర్తిహరి మహతవ్, అనిల్ బలూనీ, వీడీ శర్మ, విష్ణు దయాళ్ రామ్ బీజేపీ సభ్యులు కాగా, జేపీసీలో కాంగ్రెస్ సభ్యురాలు ప్రియాంక గాంధీ వాద్రా లోక్సభ నుంచి నియమితులయ్యారు. అలాగే మనీష్ తివారీ, సుఖ్దేవ్ భగత్ కాంగ్రెస్ సభ్యులకు కమిటీలో చోటు కల్పించారు. ఇక సమాజ్ వాదీ పార్టీ నుంచి ధర్మేంద్ర యాదవ్ సభ్యుడిగా ఉంటారు.
అదే సమయంలో, ఈ కమిటీలో టీఎంసీ నుండి కళ్యాణ్ బెనర్జీ, టీడీపీ నుంచి హరీష్ బాలయోగి, ఎన్సీపీ నుండి సుప్రియా సూలే (శరద్ పవార్), శివసేన( షిండే) శ్రీకాంత్ షిండే, ఆర్ఎల్డీ నుండి చందన్ చౌహాన్, జనసేన నుండి బాలశౌరి వల్లభనేని ఉంటారు. ఈ కమిటీలో రాజ్యసభ నుంచి 10 మంది సభ్యులు ఉంటారు.
మంగళవారం లోక్సభలో వాడివేడి చర్చ తర్వాత రెండు ‘వన్ నేషన్ వన్ ఎలక్షన్’ బిల్లులను ప్రవేశపెట్టారు. దీనికి రాజ్యాంగ సవరణ అవసరం. బిల్లులపై చర్చ సందర్భంగా – రాజ్యాంగం (129వ సవరణ) బిల్లు, 2024, కేంద్ర పాలిత ప్రాంతాల చట్టాల (సవరణ) బిల్లు, 2024 – ప్రతిపాదిత చట్టాలపై ప్రతిపక్షాలు అడ్డుచెప్పాయి. పార్టీలు ఓట్ల విభజనను కోరాయి. దీనికి అనుకూలంగా 269 మంది, వ్యతిరేకంగా 198 మంది సభ్యులు ఓటు వేశారు. ఈ నేపథ్యంలో కాంగ్రెస్కు చెందిన ప్రియాంక గాంధీ వాద్రా, ఎన్సిపి (ఎస్పి) నేత సుప్రియా సూలే, బీజేపీ నేత అనురాగ్ ఠాకూర్తో సహా 21 మంది లోక్సభ ఎంపీలు, 10 మంది రాజ్యసభ ఎంపీలు సంయుక్త పార్లమెంటరీ కమిటీ (జేపీసీ)లో భాగమయ్యారు.
21 members from Lok Sabha; 10 from Rajya Sabha in Joint Parliamentary Committee (JPC) for 'One Nation One Election'
Priyanka Gandhi Vadra, Manish Tewari, Dharmendra Yadav, Kalyan Banerjee, Supriya Sule, Shrikant Eknath Shinde, Sambit Patra, Anil Baluni, Anurag Singh Thakur named… pic.twitter.com/GaZ1aw3z8m
— ANI (@ANI) December 18, 2024
ప్రభుత్వం తిరస్కరించిన ముసాయిదా చట్టాలను – రాజ్యాంగ సవరణ బిల్లు, సాధారణ బిల్లు – సమాఖ్య నిర్మాణంపై దాడిగా ప్రతిపక్ష పార్టీలు పేర్కొన్నాయి. ఈ బిల్లులు రాజ్యాంగ విరుద్ధమని కాంగ్రెస్ ఎంపీ ప్రియాంక గాంధీ అన్నారు. ఇది మన దేశ సమాఖ్య విధానానికి విరుద్ధమని అన్నారు. బిల్లును విపక్షాలు వ్యతిరేకిస్తున్నాయి. మరోవైపు, బీజేపీ దాని మిత్రపక్షాలైన టీడీపీ, జెడీ (యు), శివసేన బిల్లులను గట్టిగా సమర్థించాయి. తరచూ ఎన్నికలు అభివృద్ధి కార్యక్రమాలకు ఆటంకం కలిగిస్తాయని, ఏకకాలంలో ఎన్నికలు నిర్వహించడం వల్ల ఎన్నికల ఖర్చు తగ్గుతుందని, ప్రోత్సాహం లభిస్తుందని పేర్కొంటున్నాయి.
మరిన్ని జాతీయ వార్తల కోసం ఇక్కడ క్లిక్ చేయండి..
