Dharmendra Pradhan: ముంబైలో క్యాంపస్ల ఏర్పాటుకు.. ఐదు విదేశీ వర్సిటీలకు LOIల అందజేత!
కేంద్ర విద్యా మంత్రి ధర్మేంద్ర ప్రధాన్ ముంబైలో ఐదు విదేశీ విశ్వవిద్యాలయాలకు శాఖా క్యాంపస్ల ఏర్పాటుకు అనుమతినిచ్చారు. ఇందులో ఇల్లినాయిస్ టెక్, అబెర్డీన్ విశ్వవిద్యాలయం, యార్క్ విశ్వవిద్యాలయం, వెస్ట్రన్ ఆస్ట్రేలియా విశ్వవిద్యాలయం మరియు IED ఇన్స్టిట్యూటో యూరోపియో డి డిజైన్ ఉన్నాయి. .
Updated on: Jun 14, 2025 | 9:56 PM
ముంబైలో ఐదు విదేశీ యూనివర్సిటీలు తమ బ్రాంచ్ క్యాంపస్లను ఏర్పాటు చేయడానికి కేంద్ర విద్యా మంత్రి ధర్మేంద్ర ప్రధాన్ శనివారం లెటర్ ఆఫ్ ఇంటెంట్ (ఎల్ఓఐ)ను ఆయన యూనివర్సిటీల ప్రతినిధులకు అందజేశారు. చికాగోలోని ఇల్లినాయిస్ టెక్, స్కాట్లాండ్లోని అబెర్డీన్ యూనివర్సిటీ, యూకేలోని యార్క్ యూనివర్సిటీ, వెస్ట్రన్ ఆస్ట్రేలియా యూనివర్సిటీ, ఇటలీలోని IED ఇన్స్టిట్యూటో యూరోపియో డి డిజైన్లకు ఈ ఎల్ఓఐలను అందజేశారు.
ఈ సందర్భంగా మంత్రి ధర్మేంద్ర ప్రధాన్ మాట్లాడుతూ.. “ముంబై చారిత్రక నగరం. కలలు, స్థితిస్థాపకత కలిగిన నగరం. నవీ ముంబైలో ఊహించబడిన ముంబై ఎడ్యుసిటీ ముంబైని విద్యా రంగంలో నాయకత్వం వహించేలా చేస్తుంది. ప్రపంచ జ్ఞాన రాజధానులలో ఒకటిగా నిలుస్తుంది. ముంబై ఎడ్యుసిటీ అనేది ప్రపంచవ్యాప్త, భవిష్యత్తుకు సిద్ధంగా ఉన్న విద్యా పర్యావరణ వ్యవస్థను రూపొందించడానికి, NEP 2020 నీతికి అనుగుణంగా ఆలోచనలు, ప్రతిభ, విశ్వాసం ద్విముఖ కదలికను సులభతరం చేయడానికి ఒక సాహసోపేతమైన ప్రకటన, భారతదేశ విద్య అంతర్జాతీయీకరణ దిశగా ఒక భారీ ముందడుగు, ఇది ప్రపంచ స్థాయి విద్యతో యువతను సాధికారపరచడం వైపు మన ప్రయాణాన్ని ప్రతిబింబిస్తుంది” ” అని ప్రధాన్ అన్నారు.
2023లో యూనివర్సిటీ గ్రాంట్స్ కమిషన్ భారతదేశంలోని విదేశీ ఉన్నత విద్యా సంస్థల నిబంధనల ప్రకారం క్యాంపస్ల ఏర్పాటు, నిర్వహణను ప్రకటించింది. యూకేలోని సౌతాంప్టన్ విశ్వవిద్యాలయం ఈ ఏడాదిలో భారత్లో తమ క్యాంపస్ను ఏర్పాటు చేసే ప్రక్రియలో ఉండగా, రెండు ఆస్ట్రేలియన్ విశ్వవిద్యాలయాలు.. డీకిన్, వోలోన్గాంగ్ ఇప్పటికే గుజరాత్ ఇంటర్నేషనల్ ఫైనాన్స్ టెక్-సిటీ (GIFT సిటీ)లో క్యాంపస్లను కలిగి ఉన్నాయి. GIFT నగరంలో క్యాంపస్లను ఏర్పాటు చేయడానికి క్వీన్స్ యూనివర్సిటీ బెల్ఫాస్ట్, కోవెంట్రీ యూనివర్సిటీలు కూడా ఆమోదం పొందాయి.
From Nalanda to Navi Mumbai— India has a timeless legacy of ideas and excellence in education.
Mumbai EduCity is an attempt to honour our civilisational spirit and reclaim our legacy as a global seat of learning, innovation and wisdom.
We are not just inviting foreign… pic.twitter.com/S7lDjZlfWa
— Dharmendra Pradhan (@dpradhanbjp) June 14, 2025
A landmark moment towards establishing Mumbai as a global knowledge capital as well as in our journey towards Viksit Bharat.
Delighted to handover the ‘Letter of Intent’ to 5 prestigious foreign universities— @illinoistech from the USA, @aberdeenuni, @UniOfYork from the UK,… pic.twitter.com/cR9rTheSI8
— Dharmendra Pradhan (@dpradhanbjp) June 14, 2025
మరిన్ని జాతీయ వార్తల కోసం ఇక్కడ క్లిక్ చేయండి..
