పాపం పసిప్రాణం.. చిన్నారి బ్రతకాలంటే 16 కోట్లు కావాలి.. ఆ తల్లిదండ్రుల ఆవేదన వర్ణనాతీతం..

తమ కన్నకూతురిని బ్రతికించుకోవడానికి ఆ తల్లిదండ్రుల పడుతున్న వేదన వర్ణనాతీతం. ముంబై పట్టణంలోని అంధేరీ ప్రాంతానికి చెందిన మిహర్ కామత్, ప్రియంక్ కామత్‏లకు ఒక కూతురు ఉంది పేరు ‘తీరా’. ఆ పాప వారికి మొదటి సంతానం కావడంతో వారి ఆనందానికి అవదుల్లేకుండా పోయాయి. సంతోషంగా ఉన్న వారి జీవితాలలో ఓ వార్త చీకట్లను తెచ్చింది. వారి పాపకు ‘స్పైనల్ మస్య్కులర్ అట్రోఫీ’ అనే జన్యుపరమైన లోపం ఉన్నట్లుగా తెలిసింది. పాప బ్రతకాలంటే జీనీ థెరపీ చేయాలని డాక్టర్లు సూచించారు. కానీ ఆ చికిత్సకు భారీ మొత్తంలో రూ.16 కోట్లు డబ్బు అవసరం పడుతుందని తెలిపారు.

పాప బ్రతకడానికి ఇంకా మూడు నెలల సమయం మాత్రమే ఉందని.. ఆలోపు డబ్బు సమకూర్చాలని డాక్టర్లు తెలిపారు. దీంతో అంత డబ్బును ఎలా తీసుకురావాలో ఆ కుటుంబానికి పెద్ద పరీక్షగా మారింది. ” పాప చికిత్స కోసం విరాళాలు సేకరిస్తున్నాం. ఆన్‏లైన్‏లో ఇప్పటివరకు రూ.2.36 కోట్లు సేకరించాము. దాదాపు 8,187 మంది మాకు సహాయం చేశారు. మా పాపకు వైద్యం చేస్తున్న డాక్టర్ నీలు దేశాయ్ ‘స్విట్జర్లాండ్ హెచ్‏క్యూ నోవార్టిస్ ఫార్మా కంపెనీ’ గ్లోబల్ లాటరీలో పాప పేరును రిజిస్ట్రర్ చేశారు. ఆ కంపెనీ లాటరీ తగిలిన వారికి మందు ఫ్రీగా ఇస్తుంది” అని పాప తండ్రి తెలిపారు.