సరికొత్త ప్రేమ కథా చిత్రమ్‌.. 67 ఏళ్ల మహిళ.. 28 ఏళ్ల అబ్బాయి..!

Strange Love Story: మీరు చాలా వింత ప్రేమకథల గురించి చదివి ఉంటారు. మరికొంతమంది లైవ్‌లో చూసి ఉంటారు. ఎందుకంటే ప్రేమకి వయసుతో సంబంధం లేదు. అందుకే

Strange Love Story

uppula Raju |
Updated on: Mar 26, 2022 | 6:03 AM

Strange Love Story: మీరు చాలా వింత ప్రేమకథల గురించి చదివి ఉంటారు. మరికొంతమంది లైవ్‌లో చూసి ఉంటారు. ఎందుకంటే ప్రేమకి వయసుతో సంబంధం లేదు. అందుకే ప్రేమ గుడ్డిదని అంటారు. తాజాగా అలాంటి ఒక ప్రేమకథే మద్యప్రదేశ్‌లోని గ్వాలియర్ జిల్లాలో వెలుగుచూసింది. ఇక్కడ 67 ఏళ్ల రాంకలి, 28 ఏళ్ల భోలు ఆరేళ్లుగా ప్రేమలో ఉన్నారు. ఇప్పుడు వారు చేసిన పనికి యావత్ ప్రపంచం ఆశ్చర్యపోతుంది. వీరిద్దరూ ప్రస్తుతం సహజీవనం చేస్తున్నారు. భవిష్యత్‌లో కూడా అలాగే ఉండాలనుకుంటున్నారు. అవును లైవ్-ఇన్‌లో నివసించడానికి వారు గ్వాలియర్ కోర్టు నుంచి నోటరీని పొందారు. ఇద్దరూ ఒకరినొకరు ప్రేమించుకుంటున్నామని చెప్పి నోటరీపై సంతకాలు చేశారు. వీరి ప్రేమకథ 6 సంవత్సరాల క్రితం ప్రారంభమైంది. అప్పటి నుంచి వారిద్దరూ ఒకరితో ఒకరు రిలేషన్‌షిప్‌లో ఉన్నారు. జీవితాంతం ఇలాగే గడపాలని కోరుకుంటున్నారు. వారి రిలేషన్‌షిప్‌లో చాలా ఆశ్చర్యకరమైన విషయం ఏంటంటే వారిద్దరూ ఒకరితో ఒకరు ఉండాలని కోరుకుంటున్నారు. కానీ వివాహం చేసుకోరు.

లైవ్-ఇన్ రిలేషన్‌షిప్‌లో ఉన్నప్పుడు ఎటువంటి వివాదాలు ఉండకూడదు. కాబట్టి ఇద్దరూ నోటరీపై సంతకాలు చేసి కోర్టు అనుమతి కోసం దరఖాస్తు చేసుకున్నారు. దీనిపై కోర్టు ఎలాంటి నిర్ణయం తీసుకుంటుందో వేచి చూడాలి. అయితే లివ్-ఇన్ రిలేషన్‌షిప్‌లో నివసిస్తున్నప్పుడు భవిష్యత్తులో ఎలాంటి వివాదాలు ఉండకూడదు. వారి సంబంధం మునుపటి కంటే బలంగా ఉండాలి. ఈ విషయంపై న్యాయవాది దిలీప్ అవస్తీ మాట్లాడుతూ.. జంటల మధ్య గొడవలు తలెత్తకుండా ఉండటానికి, ఒకరినొకరు కలిసి ఉంటామని చెప్పడానికి నోటరీలని సిద్దం చేసుకుంటారు. అయితే ఇలాంటి నోటరీలకు చట్టం దృష్టిలో ఎటువంటి గుర్తింపు లేదు. కానీ ఇప్పుడు ఈ ప్రత్యేకమైన ప్రేమ జంట గురించి సర్వత్రా చర్చ జరుగుతోంది.